الموضوع: ربنا كرمنى وجبت هوندا بس هفضل ابيزاوى للابد

المشاركة الأصلية كتبت بواسطة Karim Ibiza

حبيبى

خلى بالك عشان تـupgrade من F22A1 الى F22A7 مش موضوع تـTune ECU بس,
ده فيه لعب فالـManifold والـHeader والـExhaust Pipe والـCamshaft + ان الـManifold مختلف عن اللى معاك لأن فيه حاجة موجودة فيه ومش موجودة فالـManifold بتاع الـF22A1, حاجة اسمها iAB Butterfly Valve و ده الأختراع اللى قبل الـV-Tec ونفس فكرته

أنا رأيى انك تجيب نص موتور من فوق, يعنى من اول وش السليندر لغاية الـManifold عشان تستفاد بكل حاجة, ومش لازم تجيبه F22A7, ممكن تجيبه F22A6 لأن الفرق بين الاتنين بيكون فى الـECU Tuning

أنا معاك ياباشا ومتابعك خطوة بخطوة

حبيبى انا كنت عارف انك منهم
المواتير مجنناك الحمد لله انى مش زيك ومبحبش الجرى قوى بس هى مشكلتى فى انى بحب الغرز وانت عارف ان قوه الموتور بتساعد برضه وخصوصا لما تكون بتخيط حد جنبك على الدائرى
بالنسبه للمكنه واكوادها انا شايف انك عملت دراسه مستفيضه فى مواتير هوندا واعمل حسابك المقابله اللى جايه هجيب معايا الحاجه اللى اخدتها من صاحب العربيه ونشوف ايه اللى ناقص لان انا عندى شورت بلوك f18 كامل من غير الفرت والمانفولد بس البلوك مكسور من تحت وعندى فتيس اوتو كامل 4 نقلات وفيه 4 سولونويد بالفيش وعندى مانفولد بالضفيره من غير الرشاشات والبوابه
انا حاسس ان النواقص هتكون بسيطه وكمان انا بفكر اجيب اضمن حاجه تشتغل عندى اللى هى كنترول p12 ويبقى 135 حصان ورضا على كده لو الموضوع فيه حوارات هبيع الفتيس اللى معايا ووش السلندر والمانفولد الفاضى واجيب انجيكشن كامل بضفيرته بكنتروله بعلبه فيوزاته مع ان الكربراتير بدا يظبط معايا وصوتها بدا يهدا لما حطيت بنزين 92 هشوف بس الكربراتير داخله هوا زياده منين واظبطه ان شاء الله عشان بس تمشينى اليومين دول
اعمل حسابك انك معايا فى العربيه دى لحد ما تخلص والمواضيع اللى هعملها هتكون هنا عشان بتوع هوندا دايسين سيفيك اكتر لكن هنا انتو حبايبى وهتحاولو معايا نحل المشكله

المشاركة الأصلية كتبت بواسطة hossamalsadik

مبروك أحمد بك
ربنا يديك خرها ويباركلك فيها ويكفيك شرها

انا ركبت الهوندا وكانت مريحانى فى الصنيعيه مركز الصيانه المتخصص وقطع الغيار المتوفره أستيراد وجديد فى مكان واحد
عربيه جميله وأيام جميله بس المشكله الى كانت بتوجهنى قطع الغيار المضروبه بالنار لما اجبها من بره
وأكثر شيئ مميز الراحه فى كرسيها كنت لما اسافر بيها أنزل منها أكنى مسقتش من كتر الراحه .

ربنا يبارك فيك
شكلك ركبت الاكورد لان موضوع الكراسى المريحه دى منطبق عليها مع انه قطيفه مش جلد لكن طبى من الدرجه الاولى ودعامه اسفل الضهر بتخلى ضهرك دايما مفرود

المشاركة الأصلية كتبت بواسطة hossamalsadik

ده زيد كار منى عشان تحن

http://www.nilemotors.net/Nile/74261-a.html

ياباشا والله انا حاسس بالفرق من دلوقتى مش الاعتماديه وبس وكمان الامان الايموبليزر كان مخلينى اركن العربيه فى اى حته واديها غيار وارفع الهاند وشكرا اللى عايزها يجيب ونش ويشيلها لكن استحاله تدور نفسى الاقى حاجه تحاكى الموضوع ده للهوندا اللى معايا

المشاركة الأصلية كتبت بواسطة egyptiandiver

1000 مبروك

ربنا يبارك فيك

المشاركة الأصلية كتبت بواسطة ahmed_shebl99

1000 مبروك

ربنا يباركلك