الموضوع: ربنا كرمنى وجبت هوندا بس هفضل ابيزاوى للابد

المشاركة الأصلية كتبت بواسطة syd

الف مبروك يا ابوحميد العربية ربنا يديك خيرها ويكفيك شرها
العربية دي فعلا مميزة جداً ربنا يباركلك فيها
عيبها الوحيد اللي سمعته قبل كدة في قطع غيارها
واعتقد هي مش غالية كتير رغم كمية الأوبشنز اللي فيها
وانا فكرت كتير في العربية دي ايام لما كنت ببحث في الهوندا

ربنا يباركلك فيها

والله المستعان
،
،

ربنا يبارك فيك ويهون عليك فى مصيبتك ويلهمك الصبر ولو محتاج اى خدمه انا معايا العربيه الفان ممكن ننقل فيها اى حاجه ودى اقل حاجه اقدر اقدمهالك وكفايه الجيره اللى بينا
بالنسبه للعربيه هى مميزه جدا وقطع غيارها يابانى سواء استيراد او جديد موجوده بشكل معقول وموضوع انى معايا عربيه تانيه يسهل العمليه شويه كمثال تيل الفرامل الريمسو ب220 بس حاجه نضيفه جدا بالنسبه للسعر هى تعمل من فوق ال40 لو حاله نضيفه وفى بيوصل ل50 كمان ومعظمها بيكون فرشها فبريقه والصالون دايما حالته جيده جدا والتابلوه مكسى طبقه جلد طرى مفيش فرصه تخليه يشقق ابدا بس برضه فيها الكونسول اللى فى النص بيتشرخ زى الابيزا :)

المشاركة الأصلية كتبت بواسطة alzelafy

و انا كمان هفضل ابيزاوى للابد مع انى راكب باسات الوقتى عمرى ما هنسى اجمل عربيه ركبتها و حبيتها من صميم قلبى انا بحلم لو ربنا كرمنى اجيب ابيزا 98 او 2000 اوقفها تحت البيت حتى و مش مهم الحاله المهم احس انى عندى ابيزا

كلامك سليم عربيه تسيب معاك علامه عن الاعتماديه بغض النظر عن فقر الاوبشنز وصغر حجمها

المشاركة الأصلية كتبت بواسطة dodgecharger

الف مبروك ياابوحميد وربنا يكفيك شرها

الله يبارك فيك ويرزقك بالزيرو ان شاء الله

المشاركة الأصلية كتبت بواسطة karim ibiza

مبرووك يا عم أحمد وربنا يكفيك شرها

ماشاء الله انا شايفك كاتب 2.2l 16v 125hp ياترى ايه اخبار البنزين والاداء خصوصا مع الأوتوماتيك؟؟؟
ورينج سعرها ايه؟؟
وقطع الغيار؟؟

تعلالى بقى يا سى كريم انا عارف دماغك وحبك للمواتير والجرى وعشان كده انا هتكلم معاك فى موضوع المكنه شويه بالنسبه للعربيه اللى معايا انا جايبها بسعر واقع شويه وده لان اللى كان راكبها كان عاكك الدنيا ومسقط المكنه غلط وكان شايل الانجكشن وممشيها كربراتير من غير كنترول
العربيه الاكورد بتنزل بمواتير انجكشن تبدا من 1.8 الى 2.2 بوحده كنترول ولمبه تشيك انجن اكواد المواتير بتحدد القدره الحصانيه بص على اللينك ده كده انا موتورى f22A1 وده بيخرج 125 حصان على اربى ام 5200
Honda F engine - Wikipedia, the free encyclopedia
صاحب العربيه ثابت المكنه 1800 وده لان العربيه كانت 1800 وهو ملوش فى حوارات الاكواد والكلام ده المهم ان استهلاك المكنه بالكربراتير كتير طبعا ده غير ان الكربراتير فيه مشاكل وبيدخل هوا كتير انا عندى المانفولد بتاع الموتور ينقصه الرشاشات والبوابه والكنترول والضفيره بنتكلم فى حسبه 2000 جنيه وكمان 1000 مصنعيه عشان اعرف اخد القوه الحصانيه صح والمكنه لو ركبلها الكنترول بتاع الf22A7 ممكن يوصل القوه الحصانيه الى 146 حصان وده مصنعيته طبعا غليه زى مانت شايف 1000 جنيه بس عشان تقفيل الضفيره بس انا معلوماتى عن موضوع الكنترول ومين يركب على مين لسه قليله شويه وفى واحد اسمه استاذ سامح فى قسم هوندا ربنا يباركله فهمنى حاجات كتير بالنسبه للفئه السعريه نقدر نقول من اوائل ال40 الف بالنسبه لقطع الغيار غاليه بس معمره اخت الابيزا يعنى بس فى حاجات مشتركه مع السيفيك ودى بتكون ارخص شويه موجوده استيراد وجديد وفى ناس بيكون عندهم كل حاجتها حتى لو غاليه بس موجوده واصلى كمان اقدر اقولك ان العربيه مبرجله وبتاخر فى الدواره وبشم ريحه عادم بس لما بقرص بتروح نقدر نقول انها تجيب 140 على الحال ده وهى التوب سبيد بتاعها 220 بتجيب ال200 عادى مع معدل ثبات خرافى هبقى اصورلكو بس العفشه اللى ورا وهى هتقول كل حاجه
موضوع الاوتو فيها لذيذ هى 4 نقلات فيها كيك داون عشان تسقيط الغيارات بس للاسف المكنه مفيهاش فى تيك وده بيفتح عند اربى ام معين عشان يديك عزم خرافى بس بيبهدلك بنزين
وعايز اقولك حاجه بس متقولشى لحد انا ماشى على بنزين 80 لحد دلوقتى لانى العربيه كانت جايه مليان نص التانك وفى زى مانت عارف ازمه فمستنى اخلص اللى فيها وبعدين اديها 92

المشاركة الأصلية كتبت بواسطة mahmoud ghanem

مبروك يا ابو حميد ,, وربنا يبارك فيها ويكفيك شرها

ربنا يبارك فيك يا محمود باشا