انا ناوي علي 1303 سوير.
عاوز اعرف يه الي ابص عليه فيها علشان اقدر اميزها من باقي الموديلات
بالنسبة للشاسية ايص علي ايه فيه .
وفي حاجة اسمها ال رقبة ديه بتكون فين .
لو فيه رسم تخطي للعربية اكون شاكر .
عرض للطباعة
انا ناوي علي 1303 سوير.
عاوز اعرف يه الي ابص عليه فيها علشان اقدر اميزها من باقي الموديلات
بالنسبة للشاسية ايص علي ايه فيه .
وفي حاجة اسمها ال رقبة ديه بتكون فين .
لو فيه رسم تخطي للعربية اكون شاكر .
بص ياكبير الاول شوف هى موديل كام يستحسن موديل 74 او 75 انتاج امريكى واسمها مانهاتن فيه الالمانى ودى موديل 73 يميزها عن باقى الموديلات ان فيها
اولا :- فيها تابلوه فبر مش زى العادى التابلوه على الصاج لا التابلوه بتاعها بارز عن الزجاج الامامى
ثانيا :- الرفرف الامامى اصغر واكثر استدارة من العادية
ثالثا :- ودى الفرق الواضح جدا الزجاج الامامى واخد بومبيه (استدارة) مش مسطح كالعادى
بالنسبة للشاسيه فى ده لازم توديها لسمكرى او ميكانيكى لانه ياما ينزل تحتها ويبص على الرقبة (قلب العربية ) يااما يفك تانك البنزين الرقبة بتكون فى الامام عند العجل الامامى
الماتور الاساسى بتاعها ماتور 1600 سى سى لكن مع الزمن ممكن يكون اتغير لماتور 1300 سى سى
المشاكل
المشكلة الاساسية فى الموديل ده فى قطع غيار التعليق الامامى (علبة دركسيون - مساعدين - بيض دركسيون وعفشة) مش موجودين حتى استيراد خارج ولا جديد
غير كده الموديل ده اكثر نعومة فى نظام التعليق والتوجيه من الموديل العادى
لو فيه اى استفسار انا معاك للصبح
شكرا(reddragonmezo) علي الرد بس انت احبطني علي ان مفيش قطع غيار ليها خاصة العفشة الامامية .
انت رايك اشتري ولا لاء
بس هي احسن من 128 والكلام ده كله .
يعني مينفعش تعديل او تغير في قطع العفشة الامامية .
برجاء الرد قبل ملبس في الحيط.
حد يرد علياااااااااااااااااااااا ااااا في قطع غيار ليها ولا لاء ياجماعة
متاسف ياباشا على التاخير
اولا طبعا من واقع التجربة مع 128 والبيتلز اقدر اقول بيتلز إلى الابد
ثانيا : انا عربيتى 1300 بيتلز مو 70 وعربية جوز اختى 1303 مو 75 وعربية والده بيتلز1300 مو 69
من واقع التعايش فى كل البيتلز دى ومن الشغل بايدى فى النوعين الـ 1300 والـ 1303 اقدر اقول ان الـ 1300 اكثر بساطة فى التصميم والصيانة واكثر توفرا لقطع الغيار استعمال خارج او جديد لكل الاجزاء (عفشة - موتور) واكثر تحملا للشوارع اللى مايعلم بيها غير ربنا إللى بنمشى فيها كل يوم
مشكلة الـ1300 انها ناشفة جدا فى المطبات بس فى نفس الوقت مش هتحتاج تعمل عمرة عفشة حتى مع شوارعنا دى غير من 15 - 20 سنة تقريبا لان فيه قطع انا غيرتها من العربية كان محفور عليها تاريخ الصناعة
الـ 1303 انعم فى المطبات بس على حساب ان عمر العفشة بتاعتها قصير من 5 -7 سنين بالكتير غير كدة تبدأ تأذى علبة الدركسيون ودى مش موجود منها حتى لو عملت ايه حبينا مرة نغيرها فى عربية جوز اختى ملقنهاش خالص وغير فى واحد زميلى كان رايح لبنان جابهلنا معاه بـ 1200 جنيه مستعملة يعنى جحيم
الفرق بين النوعين بيبتدى من التابلوه إلى الاكصدام الامامى يعنى الربع الامامى هو اللى فيه اختلاف بين الاثنين غير كدة كل قطع الغيار واحدة
يعني ملهاش عفشة امامية ولا نادر وجودها.
مش فاهم ازاي دنا شغال في مودلات منقرضه ولسه موجود قطع غيرهااااااااااااا
ازاي عربية الماني كانت تصنع حتي 2000 وميكنشي ليها قطع غيار.
من الاخر ليها ولا لاء
+
هلي يمكن تعديل العفشه الامامية.
+
انتمني من وجود كتالوج تصميمها هيرحني جدا حتي لو ملهاش قطع غيار.
يالنسبة للقطع غيار الالات الجر والفتيس والماتور ودسك واسطوانة وسلوك واسبراتير وكله وموجود ومواسير والهاوس بتاع الماتور والكلام ده كله موجود.
انا نازل الجمعه القادمة رجاء شرح كل شئ .
انا اخوك الصغير
حاجة كمان ايه االفرق بين 1302 ال1303 انهي الاحسن فيهم من حيث كل حاجة وخاصة توافر قطع الغيار .
انا عارف اني بتقل عليك اصل ان بفضل العفشة سوست ومساعدين عن الدناجل والتشومبارت.
انا بعمل كل ده علشان الي معايا 10 الف ج فقط فعاوز اطحهم في حاجة محترمه وخاصة ان انا من النوع الي مش بيبع بسرعة يعني ممكن تقعد معايا 10 سنين .
فهل 1303 ولا 1302 ولا1300 ولا مشتريش احسن
بص ياباشا العفشة الامامية بتاعة الـ 1303 نادرة جدا جدا وبسبب ندرتها غالية بشكل مبالغ فيه مشكلة الـ 1303 انها منزلتش مصر كتير يعنى مافيش منها غير موديل 73 المانى و74 و75 امريكى غير كدة لأ علشان كدة هى قليلة جدا فى السوق
فيما بعد موديل 75 إلى عام 2003 تصنيع العربية كله كان مكسيكى - ارجنتينى - برازيلى كان بشكل ومواصفات الـ 1300
نيجى بقى للموديل الكارثى الـ 1302 ده كان صناعة مكسيكى فى اواخر السبعينات وأوائل الثمانينات نيجى بقا للكارثة اللى فيه
1- انه حاول يجمع بين الـ 1300 والـ 1303 بانه يلغى التابلوه الفبر بتاع الـ 1303 ويحط التابلوه العادى بتاع الـ 1300وكمان الزجاج الامامى بتاع الـ 1300 اما الكبوت ونظام التعليق والعفشة والرفارف والاكصدام فدول كانوا بتوع الـ 1303
2- فى التعديل المريع ده غلطوا كذا غلطة اهمها ان العربية بقت بتخبط جامد فى المطبات (هتقلى ليه مع انها عفشة الـ 1303) هقلك عشان تقفيله الجزء الامامى (الزجاج البومبه + التابلوه البارز) كبر الجزء بتاع الربع الامامى عن الجزء بتاع الـ 1303 الاصلى فحصل الاتى
العربية من قدام بقت عاليه تحس انك راكب طيارة وقت الاقلاع يعنى عالية من قدام ومش عايزة توطى وواطية قوى من ورا وده سبب عدم اتزان فى الملفات والسرعات العالية يعنى كارثى بالنسبة لى على الاقل
كل قطع الغيار فى العربية دى موجودة ومتوفرة (صينى - برازيلى - والمانى قليل بس موجود) عدا زى ماقلنا عفشة الـ 1303
تعديل العفشة بتاعة الـ 1303 اقدر اقول علية شبه مستحيل للاسباب الاتية:-
1- المكان قدام ضيق ومتفصل بالسم بالحجات اللى هتركب فيه
2- نظام المقصات والتوجيه لايوجد شبيه ليه فى اى عربية تانية
3- المساعدين قصيرة جدا + السوست رفيعة ومش موجودة فى اى نوع مشابه
4- عرض العربية اقصر من اقصر عربية تانية ماشية فى بلدنا
نيجى للمبلغ اللى معاك للاسف ده عمرة مايجيب عربية 1303 ثمنها بيبدأ للحالة اللى مدمرة من 13 الف جنيه الحالة النضيفة ممكن توصل 25 الف جنيه
المبلغ اللى معاك ممكن يجيب 1300 حالتها متوسطة لا هى نظيفة اوى ولا هى تعبانة على الاخر
بالنسبة للكتالوج ممكن افيدك فى كتالوج الـ 1300 مو 70
ومعاك فى اى استفسار اخر
انا ماصدقت الاقى حد بيفكر انه يجيب بيتلز
طب اجيب ايه ب10 الف حاجة غير128 او 127ولا ادور في السوق علي حاجة مناسبة علي قد الي معايا
الصراحة انا مضفل 1303 عن الباقي بس ازاي سعرها مش نازل مع انها تقيله في البيع ممكن اقتراحات غير البيتلز لو مش اقدر اجبيها.بس انا هسعي في اني اجيب 1303 ب10الف وربنا يكرم.
رد عليا بسرعة علشان المبلغ هيقعد معايا لمدة اسبوعين برجاء المساعدة بجد.
منتظر رد علي احر من الجمر.
معلشي هتعبك معايا لاسيوعين.
انت لسه عندك الموديلات بتاعة العيلة ؟
لوكده انت فرحتني .
حضرتك منين .
ورقم حضرتك كام .
بس ياريت يكون فيه صراحة في البيع لوفيه حاجة تتقال علشان مش اول بختي اتصدم وربنا يكرم .
لو فيه نصيب هكون من عائلة البيتلز .
هو انت معاك ولا زهقت منها بصراحة.
منتظر ردك.
مردتش ليه يا بوب.
شكلك زهقت .
علي العموم منتظر ردك
منتظر الرد والمتابعة بأهمية قصوي
شكرا علي ردك .
اسف علي شوء الفهم .
ممكن طلب هو حضرتك عندك خلفية وكبيرة بالبيتلز كبيرة فممكن تساعدني في اني اشتري وحدة .
ولك كجزيل الشكر
الميزانيه اللي حضرتك حاططها ما تجيبش. 1303 بحاله كويسه و غالبا لو لقيت حاجه هيبقي فيها شغل في الموتور علي شويه بارومه ده غير ان قطع غيارها قليله و غاليه زي ما الأخ الزميل قالك. قطع الغيار ليها ناس مخصوصه في قطع غيارها في كل منطقه و هتلاقي كتير منهم في الهرم حتي بتوع قطع غيار استيراد كمان. البيتلز عربيه جميله و تستحمل البهدله و قطع غيارها معمره وان كانت غاليه مقارنه بالنسبه لسعر العربيه و كمان قطع غيار العربيات اللي في نفس السعر. استهلاكها للبنزين معقول جدا و لو الكاربيراتير و طقم الكهربا مضبوطين هتلاقي كأنها فابريكه يعني بتجري زي ما انت عايز . مشكلتها بس هي انك لازم تكون بتحب العربيه علشان تجيبها يعني هي مش اي حد بيفهم فيها و الكلام علي الميكانيكي و الكهربائي هل ليها ناس مخصوصه بتشتغل فيها فلو لاقدر الله عطلت لازم تجيب حد فاهم فيها لان اي حد مش فاهم فيها هيرفض يشتغل فيها او هيفتي و يبوظها و كذلك بالنسبه لقطع الغيار برضه اللي بيبيعها بيبقي في الاغلب متخصص فيها لوحدها و يمكن الحاجات دي اللي بتخللي بيعها تقيل لان مش كل الناس بتتقبل الموضوع ده
معلش أنا اسف بس كلام حضرتك غلط .. ال 1302 أصلا نزلت ألماني .. ممكن يكون في منها تصنيع تاني .. بس معظم اللي في مصر ألماني .. و أنا عربيتي الماني.
و على فكرة مافيهاش اي مشكلة من المشاكل اللي حضرتك قلتها .. هو اللي بيشتري و بيقارن بين 1300 و 1302 بيختار بين حاجتين .. سهولة صيانة الدنجل في ال 1300 و توافره بكثرة و في المقابل يستحمل العفشة الناشفة بتاعة ال 1300 .. أو نعومة العفشة في 1302 مع غلو قطع الغيار و خصوصا علبة الدركسيون.
أنا شخصيا بفضل العفشة الناعمة لأن قطع الغيار معمرة جدا و مش طالبة وجع ضهر في المطبات.
بالمناسبة كل قطع الغيار بتاعة ال 1302 موجودة جديدة و استيراد و أنا لسه مغير أجزاء كتير في العفشه و كل حاجه موجودة .. حتى علبة الدركسيون بالكامل موجودة .. ب 1800 جنية تقريبا.
طبعا الدنجل كله في ال 1300 أرخص .. ب 800 جنية تقريبا.
بالنسبة لصاحب الموضوع .. 10 الاف جنية ممكن يجيبوا بيتل 1300 معقولة .. انما 1302 مش هتلاقي حاجه كويسه بالسعر ده .. الا لو كان الموتور عاوز عمره و العفشة عاوزة تتغير .. طبعا ال 1303 النضيف اللي مش محتاج مصاريف بيبدأ من 20 ألف.
انا كنت شاري عربيتي ب 14 ألف و عملت عمرة للموتور و العفشة دخلت في 4 الاف جنية.
ياريت حضرتك تقولى الـ 1302 بتاعة حضرتك موديل كام
ثانيا حضرتك جربت الـ 1303 وملاقتش فرق فى العفشة
العفشة اللى حضرتك جبتها جديدة دى جبتها منين عشان دى دوخة كبيرة
معاك ان العفشة بتاعة الـ 1302 انعم من الـ 1300 بس فى حكاية ان عفشة الـ 1302 معمرة اكثر من عفشة 1300 اشك فيها كثر للصبح
وحضرت بالمبلغ ده يبقى عملت نصف عمرة للماتور مش عمرة كاملة العمرة الكاملة الشاملة ممكن تدخل فى 6000 الاف جنيه بقطع غيار المانى وبرازيلى ومفيش اى حاجة صينى
اسعار العفشة بتاعة الـ 1300 كالاتى
مساعدين = 335
بيض مقص اليمين والشمال = 220
طقم بيض دركسيون = 370
مساعد غربلة = 150
دنجل استيراد فاضى = 1200
ممكن انا معلوماتى فيها بعض القصور عن الموديلات الالمانى اللى نزلت مصر
بس على حسب علمى اخير موديل نزل مصر المانى كان مو 73
فعلا كنت دائما حريص علي وجودها بين عربياتي و مفيش صوت أجمل من هدير موتورها و كهربتها مضبوطه و الكاربيراتير نضيف و مغسول و مفيش اسوأ من أصوات الفرقعه و النار اللي ممكن تطلع من الشكمان لو البوجيهات اخدت رطوبه او الدنيا مطرت او العربيه اتغسلت و الميه جت علي الاسبراتير :10D5C8w1107:
نصيحه اخيره لصاحب الموضوع : محتاج من حضرتك شويه صبر علشان تلاقي حاجه كويسه و لو كان في حاجه حالتها كويسه بس أغلي شويه خليك فيها و ابعد عن اللي فيها شغل كتير لان التصليح ممكن يفتح في الميزانيه و طبعا اللي يحدد الحاله يبقي ميكانيكي أمين و يستحسن يبقي اللي هتتعامل معاه بعد كده علشان يبقي مسئول عنها من اولها فيخللي باله و هو بيكشف كويس و بالتوفيق ان شاء الله
شكرا لادا. :N_no[1]:
كلام حضرتك مظبوط عمرة الموتور تتكلف حوالي من 3 الي 4 الاف جنية
و ياريت حد يفهم الراجل الطيب اللي عايز يشتري بيتلز ان عمرة الموتور مش مضمونة و لازم تكون عند واحد فاهم و الا هتبقي بترمي فلوسك في الارض و علشان كده معظم الناس بتفضل تجيب موتور استيراد بس للاسف المواتير النظيفة قليلة و اسعارها مبالغ فيها يعني مثلا :
1300 cc يعمل من 4 الي 4.5
1600 cc يعمل 5 الي 6 اللي هو تمن موتور بي ام استيراد :N_no[1]:
و ياريت ما حدش يفهمني غلط انا بحب البتلز جدا و كانت اول عربية اركبها بس لازم الواحد يكون حيادي و يقول اللي ليها و عليها .
و تحياتي للجميع
السلام عليكم، موضوع جميل وشيق، ويسلم جميع من شارك فيه، انا كنت بفكر اشتري بيتلز، وبعد قراءة الموضوع استفدت كتير جدا، واعتقد ان موديل ان السيارة ١٣٠٠ مو ٧٠، بتكون مناسبة لتوافر قطع الغيار بسهولة.
لكن سؤالي هنا، هلى سواقة البيتلز ممتعة، لاني لم اجربها من قبل، وهل يمكن السفر بها لمسافات طويلة، مثلا ٣٠٠ كم.
تحياتي للجميع
قيادة البيتلز مختلفة عن قيادة اى سيارة اخرى من حيث الاتى
1- وضعية القيادة ووضعية الدواسات
مكان كرسى القيادة وموضعه بالنسبة للزجاج الامامى وارتفاعة وبعدة عن الدواسات حتى مع اقصى ضبط لوضعية الكرسى الاصلى للسيارة
الدواسات كلها نقطة ارتكازها من الاسفل (من من الاعلى زى المتعارف عليه)ودى فى القيادة بتبقى متعبة شوية لان رجلك على الدواسات ليس لها نقطة ارتكاز عند كعب الرجل
2- عجلة القيادة
الدركسيون قريب جدا من اللى سايق
3- الفرامل
دواسة الفرامل ناشفة بسبب عدم وجود سيرفو فرامل بس قوة الفرامل للعربية عموما قوية بس دوستك على الفرامل هى اللى بتفرق
بالنسبة للسفر للمسافات الطويلة تستحمل السفر على حسب حالة الماتور
بالنسبة لى قدتها اكثر من 5 ساعات متواصلة على الطريق الزراعى من دمياط إلى القاهرة ومش عايز اوصفلك الطريق كان عامل ازاى بس كانت كفاءة والحمد لله
بالنسبة لقيادتها ممتعة ولا لأ
انا بستمتع بقيادتها اكثر من اى عربية جديدة
سوقتها ممتعة ؟؟
الاجابة بتفرق من شخص لاخر بسبب وضعية البدلالات المقلوبة و طبعا المناطق العمياء (الرفارف) هتعمل مشكلة لاي واحد جديد عليها.
بس انا شخصيا كنت بستمتع بيها و بصوت الصفارة المميزة ليها بس كان مشكلتي الوحيدة هي العفشة الناشفة.
تحياتي
معلشى انت بالسعر ده ممكن تشوفلك ابيزا سيستم بورش بس هتضطر تزود على التمن ده شويه حوالى كام الف علشان تلاقيها حاله كويسه
ونصيحه ابعد عن ال 128 نهائيا وعلى فكره ال 128 بالسعر ده هتبقى مدمره وهتتعبك اوى وهى اصلا عربيه متعبه بطبيعتها شوف بقى لو انت اصلا جبتها تعبانه
شكرا للاخ العزيز
انت فعلا بتتكلم عن اختلاف واضح وجوهري في طريقة ووضعية القيادة، وانا اتمنى ان اجد الفرصة لتجربة قيادة السيارة قبل ان اقوم بشراءها. كي اجرب بنفسي طريقة ووضعية الدواسات وقرب الدركسيون من السائق خصوصا اني باحب اسوق واخلي الكرسي بعيد نوعا ما عن الدركسيون، وكمان عاوز اجرب نفسي ابعاد السيارة وبعد الزجاج عن السائق، والتحكم في السيارة.. التحية للجميع
شكرا للاخ العزيز
انت فعلا بتتكلم عن اختلاف واضح وجوهري في طريقة ووضعية القيادة، وانا اتمنى ان اجد الفرصة لتجربة قيادة السيارة قبل ان اقوم بشراءها. كي اجرب بنفسي طريقة ووضعية الدواسات وقرب الدركسيون من السائق خصوصا اني باحب اسوق واخلي الكرسي بعيد نوعا ما عن الدركسيون، وكمان عاوز اجرب نفسي ابعاد السيارة وبعد الزجاج عن السائق، والتحكم في السيارة.. التحية للجميع
فعلا لما تبقى عشرة بتفهم العربية من صوتها كانها بتكلمك ناقصة زيت الزيت عايز يتغير سخنت شوية
بص حضرتك اللي بيسوق بيتلز يقدر يسوق اي عربيه تانيه بسهوله و يركن من غير باركنج سنسور زي الفل لانها في سواقتها بتعتمد اعتماد كبير علي تقدير المسافات لانك ببساطه بيبقي آخر حدود رؤيتك هو الزجاج الأمامي و الخلفي فقط يعني مش هتشوف الكبوت و لا الشنطه و بالنسبه للاجناب لازم تعمل حساب الرفارف و إلا هيتخبطوا منك و انت بتركن . كمان معظم الموديلات بتكون فيها مرايه جنب شمال فقط فالجانب اليمين بيبقي كله تقديري. طبعا الموضوع بياخد وقت للتعود علي أبعاد العربيه و بعد شويه بيصبح عادي. من الحاجات الظريفه فيها انها تبريد هواء يعني مفيهاش رادياتير و تقدر تمشي بيها في حالات عجيبه يعني لو اتقطع سلك الدبرياج مثلا او حتي سلك البنزين تقدر تمشي بيها برضه و مفيهاش تعقيدات في اي حاجه و دي ميزه كويسه قوي . لو العربيه كهربتها مضبوطه و زيت الموتور حالته كويسه و طقم الكهربا (ابلاتين و كوندنسر و بوجيهات ) و الكاربيراتير كويس و فلتر الهوا نظيف تقدر تسافر بيها اي مسافه بدون مشاكل . هي علي فكره بتاخد حوالي ٢.٥ كيلو زيت و من الأنواع الكويسه قوي موبيل دلفاك الاسود و زيت الموتور مهم جدا تتابع مستواه باستمرار علشان ما تضطرش لاقدر الله تعملها عمره
يا جماعة انا عاوز اسأل سؤال فى الموضوع انا راجل مبتدئ مش بس فى الفولكس لا فى العربيات عموما المهم انا من زمان وانا عمال اقرا عن الفولكس وفعلا نويت اشترى وقدامى عربية برازيلى موديل 81 نظيفة(بس الكبوت محتاج رش لان فيه جزء متقشر وهى ما فيهاش اى مهرجانات ولا جنوط ولا فرش طيارة يعنى عربية بيتى صاحبها طالب 11000 ج لكن واحد قريبى قال لى البرازيلى سعره يبتدى من 9000-9500 بالكتير قوى 10000 وما حدش بيقبل عليه زى الالمانى وللاسف الميكانيكى مش معرفة قديمة ولا حاجة وانا خايف اتدبس فيا ريت حد يفيدنى لانى ابيض يا ورد.
شكرا يا reddragonmezo انا ها دور فعلا فى الموديلات دى.
أخى العزيز reddragonmezo
أمامى 1302 موديل 72 ...جنوط سبور ...كراسى طيارة ...صاحبها بيقول انها المانى ...أعرف الذاى ...محتاجة عمرة ماتور سألت قالوا هاتتكلف 3000 جنيه ....صاحبها طالب 9000 نهائى
.......
أمامى برده 1303 موديل 74 ...مش جنطة والكراسى عادية ..والحالة جيدة ...المساعد الامامى اليمين عايزتغيير ...مش عارف هايتكلف كام ...الماتور عامل عمرة من سنتين ...صاحبها طالب 15000 جنيه
.......
أيه الأحسن أنا كنت مقتنع بال 1302 بس كلامك خوفنى ...أنا سوقتها لمسافة بسيطة العربية ممتعة ...لأن كان معاى 128 وأتسرقت ...سواقة البتلز بجدممتعة بس فعلا العربيىة تحس انها عالية من قدام ..أنا كنت فاكر أنه ده ميزة
على العموم مستنى رأيك لأنه يهمنى جدا ورأى أى زميل ليه خبرة فى الموديل 1302 و1303
وشكرا جزيلا
ماشاء الله ربنا يبارك لكل من ساهم بمعلومات