::::: الكــــــــــــــرش ::::::::

**SAMEH_FOUAD** · 09-06-2013 11:45 PM

المشى ثم المشى ثم المشى ( وتكون ساعة يوميا بسرعة عالية نسبيا ) , وتحاول وانت ماشى تشد بطنك وتشد ظهرك

اخر اكل يكون الساعة السادسة مساءا , لان معدل الحرق بيكون بدأ يقل بصورة عالية شوية

لازم تاكل زبادى ويفضل light قبل ماتنام فقط لاغير

شوف مش عايز اقولك تمارين لانك ممكن تتكاسل بعد كدة ولو تكاسلت هيحصل ارتخاء فى عضلات البطن وهتكون شحوم وهتلاقى نفسك رجعت اسوء من الاول

فخليك فى الوصفة اللى فوق وان شاء الله تبقى تمام

**kok3** · 10-06-2013 11:44 AM

فعلا مأساه موضوع الكرش دا انا برده عندي المشكله دي ولو انها مش كبيره قوي عندي بسبب اني مش طخين قوي انا طويل تقريبا ٢ متر والكرش عندي اعتقد سببه الأنتخه وبلاحظ إن ناس كتير قوي عندهم نفس المشكله للاسف مفيش في ثقافتنا الاهتمام بجسم الراجل للاسف المفهوم المتخلف بتاع ميعبش الراجل غير جيبه دا ودانا ف داهيه ما علينا كنت لعبت في الجيم السنه اللي فاتت وكان الكرش فعلا بدأ يختفي أو علي الاقل حسيت بتحسن ملحوظ قوي في صحتي عموما فضلت لمدة ٣ شهور تقريبا لحد رمضان وجه رمضان وطبعا مقلوكوش علي رمضان ١٠ أيام في رمضان كنت في الجيم وبعدها إستسلمت وبطلت جيم وكنت بمشي وبجري ساعات ع البحر بعد التدريب كنت بروح مزاجي عنب وحاسس إن صحتي الحمد لله زي البمب وبعد مبطلت جسمي مزادش قوي بس نفسيا مزاجي مش حلو وحاسس اني جسمي فك تاني وبقيت أي شويه هوا يجيبولي برد وطبعا الكرش إرتخي تاني،. بفكر أرجع جيم تاني بس مشكلتي ف رمضان اللي كمان شهر مش عارف هعمل فيه ايه مينفعش العب شهر وابطل وف نفس الوقت صعب التمرينات ف رمضان وخصوصا اختلاف مواعيد الاكل والنوم وكل حاجه أنا محتاررررر

**El Prince** · 10-06-2013 02:52 PM

كرشى متابع و هو مرعوب و مزعور :)

**prof2013** · 10-06-2013 02:57 PM

المشاركة الأصلية كتبت بواسطة aboamina

الجيم احسن علاج للكرش...ولو معندكش وقت تروح الجيم واظب على تمارين البطن يوميا
الكلام ده عن تجربة على فكرة

اصلا الجيم بيجيب الكرش لو لعبته فترة وبعدين بطلته

**#MAAM#** · 10-06-2013 03:32 PM

عندي نفس المشكلة والله والكرش عندي كبير جدا وبحرج جدا لما بروح اشتري هدوم اول حاجة بدور عليها المقاس مش الشكل الواحد مش عارف يعمل ايه !!

**المنسي** · 10-06-2013 04:02 PM

روحت الجيم لفترة وكان الكرش مش باين اوى وبعدين بطلت بقى اسوء من الاول ومبقتش عارف اشترى لبس مع ان طولى 182 تقريبا ووزنى 92 ... وكمان دلوقتى بقى اى مجهود اعمله بقيت اتعب ومبقتش زى الاول ومش راضى عن نفسى ومش عارف اعمل ايه حتى المشى بروح خلصان ومش بقدر انزل تانى

**mem** · 11-06-2013 01:46 AM

للتخلص من الكرش
1 الرياضه ثم الرياضه تمارين فتنس ده احسن حاجه
2 الاقلال من السكر قدر المستطاع
3 شرب مياه كثيرا قدر المستطاع اجعل المياه شى اساسى فى يومك
4 عدم شرب الماء قبل الاكل بنصف ساعه او بعد الاكل مباشره ويكون الشرب بعد الاكل بنصف ساعه ايضا
واذا اتضررت لشرب الماء الثناء الاكل فلا تكثر
5 البعد نهائيا عن المياه الغازيه
6 شفت البطن دائما اجله جزء من حياتك ومع الاستمرار سيكون شى طبيعى من طقوس حياتك
ويارب دوام الصحه والعافيه لنا جميعا

**hytham** · 11-06-2013 03:23 PM

بصوا يا جماعة في موضوع قريت عنه اسمه
نحت الجسم عالي التحديد
الموضوع دا جامد جدااااااااااا بس هو مكلف شويه لكن لو فكرتوا في الراحة النفسية مقابل الفلوس هتلاقي نفسك بتقول في داهيه الفلوس و هتنسى اليي صرفته
على فكرة انا ما عملتش الموضوع دا لكن ناوي عليه باذن الله
عموما ممكن تعملوا عليه سيرش كويس عشان اليي يعمله يكون قرا عنه كويس و درسه و طبعا يكون راح لدكتور متخصص جدا في الموضوع دا