كورولا 2013 عايز أركبلها إنذار اللي بيتصل عليك ويفصل طرمبة البنزين بالموبايل.ولا بلاش

**الصيداح** · 11-06-2013 03:51 AM

سلام الله عليكم

عندنا في بنها شركة جايبة إنذار من النوع اللي بيتصل عليك لو حد حاول يسرق العربية وإنت بتتحكم في العربية تحكم كامل من المحمول

صاحب الشركة شرحهولي ووراني الإنذار على عربيته التريوس 2012 وعربية جيب 2009
وبصراحة الإنذار كان يعمل بكفائة وممتاز جدا

أنا بصراحة أول مرة أشتري زيرو وخايف إن الوكيل يلغي لي الضمان علشان هركب الإنذار برة وطبعا
مفيش مثل هذه الإنذارات في الوكيل

صاحب الشركة بيقوللي متخافش من الحوار بتاع الضمان ده وهما مش هيعرفوا حتى إن في حاجة راكبة
بس يعني ده كلام إلى حد ما مش واقعي

وهل فعلا ممكن يلغوا لي الضمان ولا إيه الحكاية

أنا بصراحة شايف إنه مفيد جدا لكن مقلق من حكاية إنهم هيلعبوا في ضفيرة العربية وكمان خايف من حوار السرقة والتثبيت

أشيروا علي أيها الناس بارك الله فيكم

**الصيداح** · 11-06-2013 06:42 PM

مفيش رد ولا ايه يا شباب..............

**bmya** · 11-06-2013 09:59 PM

الضمان والانذار مش هينفعوا مع بعض طبعا
عاوزتركب ركب بس كده الضمان هيتلغي على الضفيره

**mody_halawa** · 12-06-2013 12:48 AM

الضمان مش هينفعك لو العربية اتسرقت

**الصيداح** · 12-06-2013 05:13 AM

هي السيارة فيها ايموبيليزر نعم
أنا هركبه بعد صيانة الألف إيه رأيكم......طيب بغض النظر عن الضمان هل ممكن حاجة تحصل في ضفيرة العربية ولا مفيش مشاكل
وهل حتى لو لغى الضمان مش أنا هعمل صياناتي عادي جدا ولا هيبقى في مشكلة؟؟

**احمد نظمي** · 12-06-2013 10:58 AM

خلاص ياباشا ادام العربية فيها ايمبولايزر هاتلها غطاء وقفل دركسيون وكلبشات وان شاء الله محدش هيجي جنبها ولا هيعرف يدورها غير بمفتاحها .. حضرتك سمعت عن اي عربية كورولا اتسرقت فوق موديل 2008 ؟ هل الحرامية مش عارفين قيمتها اللي اعلي من السيراتو والنترا ؟

**mino18** · 14-06-2013 02:53 PM

انت علشان تركبه محتاج توصله بطرمبة البنزين وملهوش عﻻقه بالضفيرة خالص بس خالي بالك لما تركبه علشان انا اتشرحلي الموضوع كله في مركز التركيب ان العربيات الجديدة كل حاجه فيها بتكون متوصله بكمبيوتر العربية فكل ما هتزود عبء علي الكمبيوتر كل ما هيظهرلك مشاكل في الكمبيونر زي كمببوتر البيت ودا اللي بيعمل مشاكل مع التوكيل علشان الضمان فمكن تركبه كجهاز تتبع للعربيه علشان تعرف مكانها من غير ما تقدر تفصل البنزين عنها وممكن تركب زجاج مقاوم للكسر وقبل كل دا واهم حاجه داوم علي انك تقول استودعك الله الذي ﻻ تضيع ودائعة وانت تقصد السيارة

**الصيداح** · 15-06-2013 04:50 AM

المشاركة الأصلية كتبت بواسطة mino18

انت علشان تركبه محتاج توصله بطرمبة البنزين وملهوش عﻻقه بالضفيرة خالص بس خالي بالك لما تركبه علشان انا اتشرحلي الموضوع كله في مركز التركيب ان العربيات الجديدة كل حاجه فيها بتكون متوصله بكمبيوتر العربية فكل ما هتزود عبء علي الكمبيوتر كل ما هيظهرلك مشاكل في الكمبيونر زي كمببوتر البيت ودا اللي بيعمل مشاكل مع التوكيل علشان الضمان فمكن تركبه كجهاز تتبع للعربيه علشان تعرف مكانها من غير ما تقدر تفصل البنزين عنها وممكن تركب زجاج مقاوم للكسر وقبل كل دا واهم حاجه داوم علي انك تقول استودعك الله الذي ﻻ تضيع ودائعة وانت تقصد السيارة

فعلا والله أهم من كل شئ تقوى الله وإستوداع كل ماتملك فالله خير حافظا وهو أرحم الراحمين
خلاص أنا هتوكل على الله ومش هركبه دلوقتي أخذ بقية الإحتياطات وأمري إلى الله

شكرا جزيلا أخي الغالي