الموضوع: عشاق ومحبى فيات 128 كل ما يخص سيارة الشعب

المشاركة الأصلية كتبت بواسطة ahmedesmat1987

تجربه عصيبه حبيت انقلها للاستفاده العامه: بدايتا دى مشكله اغلبنا مر بيها ولسا بيمر ومش لاقيلها حل وانا واحد منكم الحمد لله لاقيت الحل فى الاول العربيه طلعت عينى بسبب مشكلتها لما باجى ادورها الصبح العربيه زى الفل مجرد اضرب بيها مشوار واقف فى اشاره او فى زحمه تبدا تنتش وتقطع ولما يبدا الطريق يمشى لازم احرق على الغيار عشان متقطعش ومديش غيار تقيل ولو بطلت منى يا ويلى يا سواد ليلى تحلف ما هى دايره غير بعد ربع ساعه طب ايه االخطوات اللى انا عملتها :
1... تغير طرمبه بنزين مرتين فى خلال شهرين
2.. تغير صباع الطرمبه بالفبره فى المره التانيه
3..تغير الموبينا بواحده انجليبزى زيت
4...تغير جميع خراطيم العربيه بنزين من الحوض للتنك
5...فك وتنظيف التنك وتغير جميع الفلاتر منهم فلتر البنزين غيرته ستين مره بجميع مقاساته
6..تغير بكات الكربيراتير وتنظيفه
7..واخيرا تغير طقم الكهربه والكشف على الاسبراتير وتنظيفه وتغير الشاكوش
والمحصله فى الاخير العربيه سحبها اتحسن جدا جدا لاكن نفس المشكله موجوده ودا خلانى اياس جدا جدا وكنت فى طريقى لشراء موتور جديد نظرا لانى بقالى 4شهور فى الارف دا دا غير المواقف الزباله اللى كانت بتعملها معايا فى الزحمه وروحت لكذا ميكانيكى كلهم كاويركيه ومحدش عارف العيب فين اللى يقولى طقم كهربا واللى يقولى كربيراتير ومحدش عارف العيب فين..

الى ان ربنا استجاب لدعايا ولاقيت ميكانيكى النهارده فى الشرابيه وانا راجع من شغلى الله يكرمه جابلى التايهه وبعد كشف واللى الذى منه قالى روح هاتلى موبينه اللكترونى قولتلو الموبينا دى لسه جديده بكيسها قالى الموبينه الزيت اللى فى السوق كلها تعبانه مبتستحملش بطلع شراره لاكن مش كافيه للاربع بوجيهات.........سمعت كلامه وروحت اشتريت واحده يابانى نضيفه جدا اسمها daiamod تقريبا هوا الميكانيكى اللى قالى عليها فكها من عربيتو ال504 وادهانى عشان اجيب زيها هى بتيجى فى علبه مثلثه كدا المهم ركبها وقالى دور من لمسه مفتاح الكونتكت العربيه دارت بسم الله ماشاء الله العربيه صوتها انتظم جدا ووطى ومهما ادوس مبقتش تكتم زى الاول فى بدايه الدوس والسحب الله واكبر بقت عصبيه جدا زى الفيرنا كدا تدوس تلاقى العربيه هتتتخلع من قوة الموتور وووقفت بيها فى عز الزحمه لمده ساعه ولا الهوا ولا السحب قل ولا نتشت والحمد لله العربيه بقيت اديها اى غيار تطلع عليه بدون اى مشكله ولو كبست على الرابع على 40 تسحب عادى جدا وتجرى كمان المشكله اتحلت الحمد لله......

انا اسف انى طولت جدا بس حبيت افيدكو عشان لو حد عنده نفس المشكله اكسب فيه ثواب

شكرا والى الامام

يعنى معنى كدة ان الموبينة الالكترونى احسن من الموبينة الزيت طيب هيه عاملة كام بالمناسبة ؟؟؟

المشاركة الأصلية كتبت بواسطة alaaeldineffat

نفس المشكلة الكانت عاندي بس الموبينة الكانت ركبة الالكتروني و فكتها و جبت زيت انجليزي اسمها hpc لونها ازرق

يعنى معنى كدة ان الموبينة الزيت احسن من الالكترونى ... حيرتونى ياجماعة وخلتولى عقلى بقى حلزوووونى ... يعنى انهى الاحسن دلوقتى اخر كلام الالكترونى ولا الموبينة الزيت ؟؟؟ عشان انا عندى مشاكل النتش والفصلان والكلام الفاضى ده كله ومش عارف اصلا الموبينة اللى عندى الكترونى ولا حلزونى مش عارف شكل الالكترونى ايه ولا شكل الموبينة الزيت دى ايه ؟؟؟ ياريت والنبى ترسو على جواب نهائى يا اما نختار رأى الجمهور او نتصل بصديق ولا ايه الكلام

الالكتروني قعدت شهرين و مش عارف بقت تسخن لوحدها من غير ما العربية تكون سخنة بس الركبتها دلوقتي تمام اوي

المشاركة الأصلية كتبت بواسطة alaaeldineffat

الالكتروني قعدت شهرين و مش عارف بقت تسخن لوحدها من غير ما العربية تكون سخنة بس الركبتها دلوقتي تمام اوي

مش يمكن تكون كانت صينى مثلا او مضروبة عشان كدة مقعدتش غير شهرين بس ؟؟؟

كانت في علبة برتقاني ماليزي باين حاجة كدة بس هي الصراحة اول لما جبتها ريحت العربية و بعد كده عزبتني كانت العربية بتعلي لوحدها و توطي و الكهربا مكانتش عايزة تتظبط