الموضوع: عشاق ومحبى فيات 128 كل ما يخص سيارة الشعب

المشاركة الأصلية كتبت بواسطة abo-yousef

رجالة نايل موتورز .. وحشتونى جداً ... ياراب تكونو كلكم بخير ... عندى كام حاجة كدة عاوز استفسر عنها ... نبدأ بالعافشة : اول حاجة العربية قدام لما بحمل بإيدى عالكابوت كدة عند المساعد الشمال مش بيطلع وينزل بسرعة وحاسه تقيل شوية عن الناحية اليمين او يمكن الاتنين اللى قدام حاسسهم تقال فى الطلوع والنزول كدة عن اللى ورا .هل كدة محتاج اغير المساعدين اللى قدام ... يعنى اجيب جوز مونرو جداد ب450 ولا ليهم حل ممكن يتصلحو ولا حاجة ؟؟؟ وكمان الدركسيون حسيته بقى تقيل اوى عن الاول دلوقتى وأظن ان علبة الدركسيون عندى فيها مشاكل ... هل ليها حشو ولا بتتجاب واحدة جديدة وسعرها يعمل كام ؟؟؟ .. تانى حاجة انا اليومين دول ناوى اشترى طقم كاوتش جديد مقاس 13/70/165 بس محتار ما بين التايلاندى ولا الاندونيسى ( اكليس ) ولا التركى (برليي ) ولا الكورى ( هانكوك ) مش عارف اختار ايه وخصوصاً الأسعار متقاربة يعنى التايلاندى لقيت الفردة عاملة 275 والاندونيسى ( اكليس ) 280 والبرليي 320 والهانكوك مش لاقيه ومش عارف سعره ... المشكلة انى مش عارف اختار ايه بس بشوف نقشات الكاوتش لقيت التايلاندى فيه خطين مفرغين وحاسسهم واسعين يعنى ممكن حصوة صغيرة تخرمه بس الأكليس يعتبر معقول شوية والبريلى التركى برضه نقشته قريبة من نقشة التايلاندى ومش عجبانى وكمان لقيت بريدجستون بس اندونيسى .. استغبرت لان اللى اعرفه انه يابانى ولقيته ب 380 ... شكلى كدة هستقر على الاكليس الاندونيسى سعره معقول وشكله كويس ( متردد برضه ) ايه رأيكم انتو فى الأنواع ... ياريت الاقى رد بسرعة عشان انا هجيب خلال الاسبوع ده او يمكن الناهردة بس مش عاوز استعجل الا اما تردو عليا الاول ... معلش طولت عليكم

على فكرة انا جبت شوية حاجات اليومين اللى فاتو للعربية من التوفيقية وهقولكم برضه عالأسعار للى عاوز يعرف ... جوز مرايات اجناب تركى كهرباء اشارات ب 150 جنيه الجوز .... 2 عتب فبر خارجى لجوانب العربية ماركة الصباحى ب 90 جنيه ... وجبت وش فانوس شبورة بتاع الشاهين مركبه عندى فى الكساحات بدل اللى اتكسر ( العيال الصغيره ولاد ال .... جت فيه طوبة ) ب 8 جنيه ... وجبت مساحة وضهرها فيه سفنجة بتنضف الزجاج زى بتوع البنزينه اللى بيعكولك بيها الازاز وفيها بخاخة ب 10 جنيه بس طلعت زبالة ونص كم محدش يجبها

مبرووووك يا معلم ايوة كدا فرحنا

تحياتى

انا عندي مشكلة الكهربا كانت مأخرة والغيارات كان تالت اخرة 45 مهم عليت الكهربا عيارين بئا تالت يجيب 60 دلوقت بئيت تجيب 45 تاني اية مشكلة الاسبراتير الكتروني

المشاركة الأصلية كتبت بواسطة alaaeldineffat

يا رجالة ايه اليخلي العربية تضرب مدافع اول تدويرة في اليوم لا كن لو دورتها في اي وقت تاني تدور عادي الكلام ده في الحر و البرد و كل وقت بس في اول تدويرة في اليوم بس
الاسبيراتير و الموبينة و سلوك البوجيهات و طقم الكهربة الابلتين و الكوندنسر و البوجيهات كل ده جديد تقسيمة الكاتينة مظبوطة تمام طرمبة بنزين كهربة و بتبقبي محضرة تمام ممكن يكون العيب بقي في ايه تاني لحسن انا جبت اخري من الحوار ده

زى ما قولتلك يا علاء .............ظبط كربيراتيرك وبعدين ظبط الهواء عند متخصص .......بس صحيح كنت عايز اسالك سؤال هو انت مركب طرمبه كهرباء دا تمام هل انت بقى مركب خرطومين شفط وراجع للكربيراتير ولا خرطوم شفط وحاطط طبه مكان الراجع ضرورى ترد عليا ؟؟

ياريت ابقى معاكم فى الرابطة
انا معايا 128 موديل 76 عادة
وهيا عربية ممتازة جدا طالما الواحد ايده فيها على طول

انا مركب لمبتين المانى 500/1000 نورهم ظهر وكنت شاريهم ب75 جنيه