ارجوكم حد يوقولي اعمل ايه في تكييف العربية دي

**mhmdsamy** · 12-06-2013 02:26 AM

يا جماعة ارجوكم حد يفيدني انا عندي مشكله جامده اوي في عربيتي وهي لانسر بومة 2005 ومفيهاش فلتر تكييف والتكييف فيها التبريد بتاعه زي الزفت على الرغم من اني روحت لكذا واحد وشحنته كذا مرة ومفيش تسريب ولا حاجه وكمان غسلت التلاجة الداخلية بس برضو مفيش تبريد وعلى الرغم من كده لما بحط ايدي على المواسير بتاعة التكييف اللي في الكبوت بلاقيها متلجه ياريت حد يقولي اعمل ايه انا بفكر اشيل التكييف كله واركب تكييف جديد علشان ارتاح
بس في حاجه مش عارف ليها علاقة بالموضوع ده ولا لاء وهي المروحة الداخلية سرعتها اصبحت ضعيفة شوية وساعات تقف ومتشتغلش غير لما اخبط عليها وبحس انها سخنه شوية لما احط ايدي عليها
معلش طولت عليكم ووجعت دماغكم بس اصل الموضوع ده مضايقني اوي ومش عارف اعمل ايه

**Saforyaa** · 12-06-2013 05:23 AM

حصلتلي وانا بصلح التكييف وغيرت الفلتر وحاجة جوة التلاجة اسمها تقريبا اكسبنشن دي مبتتنضفش بتتغير علطول سعرها فحدود ١٥٠ جنيه غيرها وادعيلي

**ahmedhilmy** · 13-06-2013 05:58 PM

مبدئيا اللون الأحمر مخصص للمداخلات الأداريه بس
ثانيا طالما المروحه الداخليه ضعيفه و تعبانه يبقي اكيد الهوا اللي هيدخل الكبين هيبقي ضعيف غير المروحه مبدئيا او فكها و شحمها و بعدين جرب

**mhmdsamy** · 14-06-2013 02:17 AM

المشاركة الأصلية كتبت بواسطة saforyaa

حصلتلي وانا بصلح التكييف وغيرت الفلتر وحاجة جوة التلاجة اسمها تقريبا اكسبنشن دي مبتتنضفش بتتغير علطول سعرها فحدود ١٥٠ جنيه غيرها وادعيلي

بس انا لما بحط ايدي على الخرطوم اللي داخل للثلاجة بلاقيه متلج والثاني سخن فأعتقد كده الاكسبنشن فالف كويس ولا ايه

**mhmdsamy** · 14-06-2013 02:18 AM

المشاركة الأصلية كتبت بواسطة ahmedhilmy

مبدئيا اللون الأحمر مخصص للمداخلات الأداريه بس
ثانيا طالما المروحه الداخليه ضعيفه و تعبانه يبقي اكيد الهوا اللي هيدخل الكبين هيبقي ضعيف غير المروحه مبدئيا او فكها و شحمها و بعدين جرب

هل قوة المروحة لها علاقة بدرجة التبريد

**ahmedhilmy** · 14-06-2013 03:18 AM

المروحه هي اللي بتفع الهوا جوه الكابينه اكيد لو مش مظبوطه يبقي الهوا مش هيوصل بنفس القوة

**mhmdsamy** · 14-06-2013 03:34 AM

عالعموم شكرا لحضرتك اوي وانا حغير المروحة واشوف كدة

**dokdok_fox** · 17-06-2013 02:11 AM

باشا اكيد المروحه لو ضعيفه هايبقي اندفاع الهوا الي خارج من فتحات التكييف قلييل وياثر علي كفائه التبريد بس كمان في اجزاء تانيه في الدوره بتاثر علي كفائه التبريد في راجل في صقر قريش في المعادي امين وبيفهم لو احتجت تروح لحد كويس .

**mhmdsamy** · 17-06-2013 04:41 PM

المشاركة الأصلية كتبت بواسطة dokdok_fox

باشا اكيد المروحه لو ضعيفه هايبقي اندفاع الهوا الي خارج من فتحات التكييف قلييل وياثر علي كفائه التبريد بس كمان في اجزاء تانيه في الدوره بتاثر علي كفائه التبريد في راجل في صقر قريش في المعادي امين وبيفهم لو احتجت تروح لحد كويس .

شكرا يا باشا بس انا مش من القاهرة لو تعرف حد كويس في اسكندرية يبقا كتر خيرك