لمبة الموتور نورت وطفت كتير

**محمد الباشا** · 13-06-2013 01:54 AM

لمبة المحرك لعربيتى الاوبل استرا 2000 نورت ورحت لميكانيكى قالى ممكن السلك ملمس وكده وقالى اكشف لو عايز
رحت لواحد عنده جهاز الكشف وقالى ده حساس السلنسيه وقلتله ايه الحل قالى يتغير
كنت عايز اعرف الحساس ده بكام لانه قالى سعره جديد ب600 جنيه وهو مابيشتغلش الا فى الاوبل
وهل عدم تغيير الحساس ده ممكن يؤثر على العربيه فى حاجه وهل فى حد بيبعه ارخص من كده
بكام وفين
وهل الى قاله الجهاز ده صح ولا ممكن حاجه تانيه او السنسور ده عايز يتنضف
انا اسف للاطاله بس انا ارجو المساعده من خبراء الاوبل فى المنتدى لان العربيه مش فاهم بتعمل معايا كده ليه؟؟؟؟ بدات اتشائم منها

**محمد الباشا** · 14-06-2013 05:40 PM

يا جماعه محدش ناوى يساعدنى فى حل المشكله دى ارجو الرد من الخبراء فى المنتدى الجميل ده

**ashourashour** · 15-06-2013 12:34 AM

اولا العربيه بتبطل منك ؟؟؟

الrpm مظبوط عالسلانسيه وانت سايب رجلك

الrpm مظبوط لما بتشغل التكييف ؟

الrpm بيعلى و يوطى ؟

لو كل اللي قلتهولك دا الاجابه عليه لأ !! يبقى الايدل مفيهوش مشكله او (حساس السلنسيه)

الجهاز مسجل حاجه تانيه ؟

ومسجل اه بالظبط ؟ تعرف تجيبلي مكتوب اه عشان تفرق كتير قوي

ملحوظه الاسترا ال1200 موديل 2000 مفيهاش rpm لكن انت بتحس بالمكنه

**m7med_dola** · 15-06-2013 02:50 AM

زي مقالك استاذ عاشور كده انت اللي تحس بالموضوع ده راقب rpm و شوف

**محمد الباشا** · 17-06-2013 04:18 AM

اولا متشكر على حضورك يا استاذ عاشور واهتمامك
هى ياباشا مظبوطه والسلانسيه مظبوط وهى مفيهاش عداد ار بى ام فعلا
بس فى ساعات بحس ان العربيه بتبقى مكتومه وانا بدوس بنزين تروح عامله تقفش كده وتروح فاتحه تانى مبتكملش ثانيتن
دى حاجه ولقيت النهارده لمبه كده الى عليها علامة التبريد نورت فاجئه من غير حاجه وانا ماشى باليل والجو حلو ومش حر خالص مش عارف فيه ايه
بس انا هتجنن خلاص انا اسف دوشتك يا استاذ عاشور بس انا مش فاهم العربيه جننتنى والميكانيكى بيقولى لا مليكش دعوه الا بلمبة الزيت ومؤشر الحراره

**محمد الباشا** · 19-06-2013 03:23 AM

المشاركة الأصلية كتبت بواسطة محمد الباشا

اولا متشكر على حضورك يا استاذ عاشور واهتمامك
هى ياباشا مظبوطه والسلانسيه مظبوط وهى مفيهاش عداد ار بى ام فعلا
بس فى ساعات بحس ان العربيه بتبقى مكتومه وانا بدوس بنزين تروح عامله تقفش كده وتروح فاتحه تانى مبتكملش ثانيتن
دى حاجه ولقيت النهارده لمبه كده الى عليها علامة التبريد نورت فاجئه من غير حاجه وانا ماشى باليل والجو حلو ومش حر خالص مش عارف فيه ايه
بس انا هتجنن خلاص انا اسف دوشتك يا استاذ عاشور بس انا مش فاهم العربيه جننتنى والميكانيكى بيقولى لا مليكش دعوه الا بلمبة الزيت ومؤشر الحراره

طيب حساس السلانسيه ده بكام وتقريبا هو ياباشا شكله ايه لان مشوفتوش قبل كده انا شوفت الماف بس