الموضوع: عاجل يا عصابة الاوبل

معلش يا شباب ليا استفسار:
دلوقتي في واحد معرفة بس من بعيد عندة عربية اوبل فيكترا 2002 معدل لونها زيتي 2000 سي سي اتوماتيك
الصالون من جوا نظيف جدا والعربية من بره فيها لونها مجرب من الشمس
هو قالي انه مرضيش يدهنا عشان هي فبريكة من بره
الموتور ايكوتك بيتهيئالي
طالب فيها 65000 الف
انتو ايه رايكم لان اخوكم حمار ميكانيكا .... انا اسوء وبس
لا اعرف ان كانت الماني ولا صيني حتى
بس اللي خلاني افكر في الاوبل اني كنت راكب بي ام 320i وبقدر الالماني
والناس مخوفاني من الاماني وقطع غياره ومسئلة انه بيسخن وانا بصراحة البي ام كانت فيها مشكلة حرارة كفرتني
فارجوكم يا جماعه فيدوني:
1- السعر ده على العربية بالمواصفات دي كويس ولا غالي؟:
2- هل موتور 2000 سي سي مشاكله وقطع غياره وصيانته فيها مشاكل وقرف ولا اشوف لي حاجة 1600 سي سي مانيوال؟
3- هل العربية دي الماني ولا مصري واعرف ازاي؟
4- انا راجل على قدي واللي هدفعه في العربية دي هيخليني مش حمل صيانة لمدة 8 شهور على الاقل ... ففي رايكم اتوكل على الله ؟(ده غلى الاوبل عموما مش العربية دي بصفة خاصة)
5-اكشف عيها فين بسعر معقول علما باني من جسر السويس؟

٥- اكشف عليها عند صابر مكانه ورا مسجد رابعة العدوية هيجيبلك من الاخر ويقدرلك تمنها كمان