عليه العوض

**elmo7amed** · 14-06-2013 03:43 PM

متتخضوش الموضوع بسيط

فرده كاوتش فيها 6 اخرام كنت فى القاهره وانا رايح على 6 اكتوبر لقيت واحد بيقلى الفرده عاوزه تتزود قلتله شكرا وانا ماشى لما وصلت بصيت عليها لقيتها فيها 10 هوا المهم مرضتش اعملها فى القاهره وجيت اعملها فى المكان اللى انا بعمل فيه لقيت فيها 6 اخرام كلهم صغيريين جدا يادوب بينفثوا الهوا
الراجل قالى ركب فيها كمره داخليه لانها مش حتنفع لو اتعملت قلتله لا مش مركب كمره ومتعملهاش وحشتترى واحده جديده

دلوقتى العربيه اكسنت rb وان شاء الله انا ناوى برده اغير كاوتش قريب لانه زهقان من النوع الى فيها لانه رفيع كده ونوعه مش حلو ومسمعنى صوت الاسفلت وانا ماشى

عاوز اعرف من اهل الخبره انواع حلوه للكاوتش وايه رايكم فى الميشلان واجيب نوع ايه

**khaabas** · 14-06-2013 04:12 PM

يا راجل حرام عليك رعبتنى
بريدجستون

**elmo7amed** · 14-06-2013 05:07 PM

بريدجستون جميل برده طيب عاوز مقاس اعرض بقه يكون كام واللى فيها مقاسه كام

**dadapharma** · 14-06-2013 05:08 PM

أنا كان عندى فردة فى البيكانتو فيها 5خوابير خليت بتاع الكوتش شال الخوابير و لحمها من جوة و ماشية زى الفل

**elmo7amed** · 14-06-2013 05:15 PM

المشاركة الأصلية كتبت بواسطة dadapharma

أنا كان عندى فردة فى البيكانتو فيها 5خوابير خليت بتاع الكوتش شال الخوابير و لحمها من جوة و ماشية زى الفل

تمام بس انا خايف ومش ضامن الظروف وخايف يحصل حاجه توقفنى فى الايام دى فا فرده جديده احسن للاطمئنان فقط

وياريت اعضاء المنتدى يشتركو ويجبولى واحده ولا ايه هو احنا صحاب كده وخلاص