الموضوع: عايز مقارنة شاملة بين الأسبيرانزا و البروتون من جميع الأوجه ارجو الإفادة

المشاركة الأصلية كتبت بواسطة aelmostafa76

معلش يا جماعة استفسار كمان :
يا ترى انخفاض العربية من تحت يعمل مشكلة مع المطبات الغير مدروسة اللي عندنا في مصر ؟؟ و انتم طبعا عارفين المطبات عاملة ازاي.
و يا ترى الجين 2 أو الواجا أفضل من الدايهاتسو و المتسوبيشي و التويوتا ياريس؟
و شكرا

أنا مش متأكد من الواجا قوي

إنما الجين 2 مش واطية و مش بتحك في أي مطب حتى و هي محملة

قول متطلباتك من العربية
و أحنا نرشحلك شوية عربيات تختار منهم

يعني مينفعش تدخل كل عربيات مصر في مقارنات مع بعض
أنت تذكر أحتياجاتك من السيارة
و أحنا نرشحلك شوية أنت بنفسك تختار منهم
و الله الموفق

المشاركة الأصلية كتبت بواسطة tutankhamoun

أنا مش متأكد من الواجا قوي

إنما الجين 2 مش واطية و مش بتحك في أي مطب حتى و هي محملة

قول متطلباتك من العربية
و أحنا نرشحلك شوية عربيات تختار منهم

يعني مينفعش تدخل كل عربيات مصر في مقارنات مع بعض
أنت تذكر أحتياجاتك من السيارة
و أحنا نرشحلك شوية أنت بنفسك تختار منهم
و الله الموفق

كلام الاستاذ توت مظبوط العربية الجين 2 مش بتحك ابداً في اي مطب و عن تجربة انا في مرة كنت مركب معايا 4 غيري يعني 5 في العربية و طلعت بيها المطبات ومفيش اي مشكلة خالص و اعتقد ان ممكن الواجا تكون نفس الارتفاع علي اساس ان العربية الواجا العفشة الي شيلها هي نفس العفشة بتاعت الجين 2

الاخ الفاضل

واضح انك موش عايز تتعب شوية و كل حاجة تبقى مشروحة ليك

يااخى الفاضل انزل على اى معرض من اللى عامل اعلان و اسالهم كده و شوف نظامك ايه فى المقدم و القسط و المتطلبات بتاعتهم علشان تاخد اقل فائدة و علشان تبقى عارف استحالة هتاخد فائدة اقل من 7 %

و المواصفات اللى حضرتك ذكرتها مع السعر اللى انت بتقوله هايبقى الكلام ده و لا فى الاحلام و استحالة تتجمع فى عربية واحدة

لو عايز رايى هارشحلك النيو اكسنت 1400 سى سى و كانت ترشيحى لاحد الاصدقاء و العربية ماشاء الله عاجباه جدا هى بقالها معاه اكثر من سنتين و مبسوط منها جدا

مافيهاش كل الكماليات اللى انت عايزها بس هى عربية ممتازة و سعرها فى حدود80000 جنيه او اقل

بس رايى توصل المقدم لـ 25% علشان تعرف تركب عربية كويسة

والله اعلم

المشاركة الأصلية كتبت بواسطة aelmostafa76

المتطلبات:
1 - عربية تعيش كتير مش سنتين تلاتة و اقعد جنبها اندب حظي.
2 - قطع غيارها تكون متوفرة و مش غالية.
3 - سحبها في البنزين يكون معقول مش سفاحة بنزين.
4 - ثباتها يكون عالي على الأرض.
5 - لا تحتك بالمطبات المقرفة اللي في شوارعنا.
6 - صالون واسع و مريح.
7 - شنطة واسعة.
8 - شكل خارجي انسيابي و جميل.
9 - حجم البادي ليس ضخم ليتلائم مع التكدس المروري.
10 - فيها الكماليات (تكييف قوي - سنتر لوك - باور ستيرنج - مثبت سرعة - جهاز انذار - زجاج كهربائي - وسائد هوائية - كاسيت و سماعات متميزين).
11 - سعر مناسب بحيث لا يزيد قسطها عن 1000 جنيه مع مقدم 10% من سعرها.
يا ترى فيه عربية تناسبني فيها المواصفات دي ؟؟؟؟؟؟؟؟
ارجو المساعدة .

1 - ممكن جين 2 أو واجا أو نيسان صني


بس الجين 2 و الواجا الجديدة على الطرق السريعة ....... ممتازين

2- لانسر و لو أن البروتون في طريق الإنتشار الشديد اﻵن مما سيساعد على إنتشار قطع الغيار بسعر معقول و هي اﻵن موجودة بسعر معقول و لكنها ليست منتشرة في كل مكان مثل اللانسر مثلا و موجودة في التوكيل إن شاء الله
3 - الجين 2 و الواجا .......... بس قبلهم أي عربية 1300 هاتكون أحسن داخل المدن زي الياريس أو السيتي مثلا
4 - الجين 2 و الواجا و النيسان صني
5- جين 2 وواجا و ياريس
6- نيسان صني ثم واجا ثم جين 2
7 - جين 2 و نيسان صني وواجا بدون ترتيب
8 - جـــــــــــيــــــــــــ ن 2
9 - أعتقد الهاتش باك يكسب في النقطة دي و فيه عندك بونتو و سيريون
10 جين 2 أو واجا
11 - و لا عربية في حدود 80 ألف تناسبك

تلاقي مثلا عربية تمنها 86000 جنيه يقولك المقدم 8600 جنيه و القسط تلاقيه اقل من 1000 جنيه . طيب الناس دي بيحسبوها ازاااااااااااااااي انا مش فاهم.
و هو مثلا سعر الجين 2 85000 جنيه كااااااااش وللا ده اجمالي السعر في القسط و لو كاش هيكون سعرها اقل . انا مش فاهم حاجة و الموضوع عامل زي الألغاز و مش فاهم ليه المواضيع المالية دي مش بتتشرح بالتفصيل.

ثمن الجين 2 كما ذكرت من قبل هو 83500 نقدا للمانوال

بالنسبة لموضوع القسط
أنت علشان تحصل على قسط صغير لازم تدفع مقدم كبير
و الكلام اللي بتشوفه في الجرايد ........... ده كل اعلانات

كده ميزانية حضرتك مال تجيبش جين 2 أو واجا أو أي عربية في حدود 80 ألف
يبقى كدا لازم تنزل شوية و فيه عندك
فيرنا ......... لانوس ....... أو أسبرانزا