شنطى ضاعت مع مصر للطيران

**tamerosman** · 16-06-2013 02:10 PM

امبارح كنت راجع من جدة لمطار برج العرب .. .و عندى شنطة كبيرة موصلتش من جدة .. رحت مصر للطيران و عملت محضر و كلمتهم النهاردة الصبح قالو مش عارفين الشنطة فين

لو فى حد فى مصر للطيران ممكن يساعدنى او مرة بالتجربة دى ياريت يقولى اعمل ايه ( للاسف كنت جايب لابنى ملابس جديدة و هدايا للقرايب و الزمﻻء و كلها راحت و محرج جدا من الناس

**أبو صلاح** · 16-06-2013 02:45 PM

حصلت معايا هنا في السعودية
وكانت بالصدفة ان في شخص خد الشنطة بتاعتي لانها شبه بتاعته

بعدها ب 3 ايام رجعها للمطار
وهم اتصلوا بي وقالولي تعالى خد شنطتك

في احتمال تاني بيحصل في الطيران السعودي انك لو عامل ترانزيت جوه السعودية والطيارة اتغيرت ساعات في شنط مابتنزلش او تتوه وبيكتشفوها بعدها بكام يوم وممكن يكون ده حصل معاك ودي بتاخد وقت على ماترجعلك على مطار القاهرة وبرضه بيتصلوا بيك

اطمئن ان شاء الله هترجع

**عزيز محمد** · 16-06-2013 03:11 PM

حصل معايا موقف مشابه في رحلة من جدة للقاهرة على الخطوط السعودية، عملت محضر في المطار والحمد لله تاني يوم اتصلوا بيا وقالوا الشنطة لم يتم تحميلها للطائرة اللي أنا عليها فلما وجدوها في جدة وضعوها على الطائرة التالية وروحت مكتب الخطوط السعودية في المطار ومعايا الباسبور ودفعت 10 جنيه رسم تصريح دخول لمخزن الحقائب والحمد لله وجدتها

**mohamed_selim** · 16-06-2013 03:19 PM

المحضر اللى انت عملته فيه لينك لسايت عالمى للشنط الضايعه .. بتخش بالرقم بتاعك و كمل بياناتك كويس (التليفون و الايميل) و هتلاقى فى السايت تطورات للموضوع و شنطتك فين اخر مره (لو مطلعتش الطياره ولا طلعت على طياره غلط ولا وصلت و ضاعت فى مصر) بس الكلام ده بياخد من يوم ل 3 ايام على ما الدنيا تبان ... معلش

**moha4tec** · 16-06-2013 03:22 PM

اسأل بعد اسبوع من ضياع الشنطه فى مطار الوصول و معاك رقم المحضر و البسبور و كعب التذكره
هتدفع 10 جنيه رسم دخول منطقه جمركيه . و باذن الله هتلاقى الشنطه كامله سليمه متفتحتش اصلا .
لا تقلق مفيش حاجه بتضيع و مفيش حد يجرؤ انه يفتح شنطتك اصلا .
حصلت معايا يوم الثوره و حد خد شنطتى بالغلط و سافر عمان و بعد اسبوع رجعت .و انا استلمتها بعد شهرين .
بس محدش فتحها فعلا