الموضوع: نيسان يعنى نسيان راحة البال . وصنى يعنى الصينى برقبتة

بصراحة انا شايف ان اي حد بيدفع بزيادة ويجيب العربية زيرو عشان يستمتع بفبريكة كل حاجة فيها ومايشغلش باله غير بالبنزين والزيت والصيانات المعتادة حسب الجدول المحدد......ماعدا شريحة كبيرة من اللي اشتروا الصني الجديدة بالشكلين الجديد والقديم , على فكرة انا بقول الكلام ده مستشهدا بمواضيع كتيرة في المنتدى وخارج المنتدى .
ارجو من مالكي الصني الجديد اللي مبسوطين من عربياتهم مايزعلوش مني سائلا الله يباركلهم في عربياتهم

خرجت الصبح والنية لله متوجة الى الميكانيكى الذى يبعد عنى حوالى 300 متر وقبل الخروج خد اربعة جلاكن مية ودورت ويادوب 80 متر ولقيت المؤشر هيعدى النصف طبعا على جمب وفتحت الكبوت وزود مية وركنت نصف ساعة .
الموضوع دة اتكرر ثلاثة مرات للذهاب . لدرجة ان كنت واقف امام الميكانيكى ومش قادر ادخل الشارع مستنى لغاية ما تبرد (للعضو المحترم اللى من سوهاج كنت امام قسم ثانى والميكانيكى فى الشارع المقابل للقسم . ومتشكر جدا لحضرتك) دخلت للميكانيكى على رجلى وسبت العربية برة تبرد . حكيت معاة قالى 1500 كيلو دة انت بتلين . قالى أنت خبط فى حاجة . قولتلة لا . قالى طيب هاتها بعد ماتبرد .
المهم دخلتلة وكان عناء فى الوصول بصراحة . بص وزود ودورنا وقالى دى يا باشا جابت بلف وش السلندر وجابت ريداتير بالكامل لأن حصل قفش فى بلف وش السلندر أدى الى زيادة ضغط المياة وأدى بدورة الى انتهاء الريداتير .
قالى بصراحة حرام العربية جديدة ومدفوع فيها فلوس خليك مع التوكيل لأن دى مسئوليتهم فى النقل والأصلاح خصوصا كمان بعد ماعرف موضوع التكييف .
رجعت البيت وطبعا نفس المشقة فى العودة وكلمت نيسان واخر الجدال اتفقنا على انا توكيل أسيوط هيبعت ونش بس تحاسب علية لغاية ما العربية توصل ويكتبوا تقرير لو طلع عيب صناعة هتسترد فلوس النقل وهيتم الاصلاح بالكامل . انا قولتلهم وانا أضمن منين ان التقرير ميكنش متحامل عليا . قالولى يا أفندم فى الغالب عربية 1500 كيلو دى لسة ممشيتش يعنى كلة هيبقى فى صالحك . ولو طلع التقرير متحامل عليك كلمنا واحنا حنفصل فى الموضوع . وانا حاليا مستنى تليفون من توكيل أسيوط بعد ما حكيت معاة اللى حصل . لأنة طبعا فى البداية كان عايز يدفعنى ثمن الشحن .فقولتلة اللى حصل مع نيسان فقالى ساعة وحكلمك.
أنا خايف يكون وش السلندر حصلة حاجة هو الميكانيكى قالى لا هو كويس بس انا خايف التوكيل يقلبنى ويغير الريداتير ويكون وش السلندر حصلة حاجة أعرف منين أنة كويس تماما ؟
هو انا مش من حقى عربيتى تتصلح ؟ هو أنا مش دافع فلوس ؟ مش عارف بجد قرفت جدا