علشان تعرفوا توكيل تويوتا بيعمل ايه ؟

**megane_man** · 26-08-2008 03:09 AM

المشاركة الأصلية كتبت بواسطة أبو عبدالله

ياريت كل حاجه تتاخد بالمظهر وبس
المشكلة ان كل حاجه لها فكره وصناعه معينه
وممكن تبقى غاليه لشئ ما فيها مختلف عن مثيلاتها

والدليل ان مثلا زجاج السوبارو الأمبريزا غالي جدا لدرجه لا تصدق

والزجاج الخلفي للماتيريا غالي دونا باقي الزجاج

ولكن هل تعلم انت فكرت صناعته او نوعيته او سبب غلوه ؟؟؟؟

أرجو ان تتفهم وجهة نظري
فهناك عربيات قطع غيارها عاديه ولكن تيجي لقطعه معينه فيها تجد انها غاليه عن مثيلاتها في السيارات الباقية
فأنا اقول لك ليس من فراغ او نصب او الكلام ده
أكيد لها سبب ....... وهذا هو اللي المفروض ندور عليه بدل ما نتهم أحد بالنصب
وهذا ليس دفاعا عن احد بقدر ان الواحد عاوز يتفهم الأمور اللي حواليه وميبقاش عامل زي اللي بيتكلمو ويفتوا في الشوارع بدون علم وجهل

ممكن أفهم ايه سبب غلو زجاج التويوتا عن الميجان

**أبو عبدالله** · 26-08-2008 03:16 AM

المشاركة الأصلية كتبت بواسطة volvo_man

ممكن أفهم ايه سبب غلو زجاج التويوتا عن الميجان

والله لم اقل اني اعلم

ولكن ممكن تقولي سبب أن قطع غيار تانيه كتير للميجان اغلى من الكورولا ؟؟؟؟
ده غير انك بتقارن الميجان بموديل جديد للكورولا لسه لم يتعدى الاشهر

يعني مثلا الميجان الجديده 3 موديل 2009 تفتكر لما تنزل هتلاقي اسعارها زي الكورولا ولا اغلى منها !!!!!

**Sharky** · 26-08-2008 09:17 AM

أبو عبدالله ممكن تذكر لنا إيه هى قطع الغيارالكتيرة إللى فى الكرولا الجديدة أقل سعرا من الميجان ؟؟؟؟

مثال بسيط تيل فرامل الكرولا الجديدة صناعة جنوب أفريقى بـ 450جم و اليابانى بـ 900 جم فى المقابل تيل الفرامل الأصلى فى الميجان بـ 340 جم و الإتنين بيتغيروا حسب الإستعمال من 20 إلى 30 الف حسب كلام التوكيلين !!!

على فكرة برضه قطع غيار الكرولا 2001-2007 اليابانى الأصلى من التوكيل مش المحلات إللى بره إللى بتضرب الإستيكرز زى ما حضرتك بتقول فيها العديد من قطع الغيار أغلى من الميجان برضه

من الاخر يا جماعة قطع غيار السيارات اليابانى الأصلى من التوكيل متساوية و بها العديد أغلى من قطع غيار الميجان لكن إللى بيحصل إن العديد من الناس إللى معاهم السيارات اليابانى بيعمل الصيانة و بيشترى قطع الغيار من خارج التوكيل فتبيقى أقل من نصف التمن و ربنا يخلى التايوانى

و مازلنا فى إنتظار معرفة ليه زجاج الكرولا الجنوب أفريقى أعلى من الميجان إللى قطع غيارها بيضرب بيها المثل فى الغلو لكن تيجى عند الكرولا تبقى كويسة و أسعارها مناسبة و أكيد فيها حاجة مهمة علشان إحنا مش عارفينها و مش لازم نعرفهاعلشان كده هى غالية !!!!

**aliabutaleb** · 26-08-2008 09:32 AM

أبو عبد الله وشاركي
هو فيه ايه يا جماعة؟
هو كل موضوع يدخل فيه كلام عن الياباني والرينو لازم يتحول بالشكل ده بينكم؟
انا مش عارف بالظبط هو فيه ايه بينكم انتو الاتنين
بس بادعوكم وان لا اقصد شئ غير الاصلاح لتصفية نفوسكم على الاقل بمناسبة دخول الشهر الكريم
وعشان منديش فرصة لدخول وسوسة الشيطان بيننا اكتر من كدة

**Sharky** · 26-08-2008 10:21 AM

يا باشا دا أبو عبدالله حبيبى و هو عارف معزته عندى أد إيه

كل ما فى الموضوع إن أحنا مختلفين فى وجهات النظر لكن دا ما لوش علاقة بحبى و وودى له

**mero5005** · 26-08-2008 10:51 AM

على فكره نفس اللى انتا بتقوله ده حصل مع واحد صاحبى كان عنده سيتى واحنا رايحين نركبها كانت فى جراش العباسيه لقينا الازاز الورانى تعيش انتا تعرف انتا حظك حلو والله ملقاه حتى فى مصانع العاشر حاجه تقرف تعرف جابه من التوكيل بتاع هوندا بكام؟؟؟؟
2600 جنيه من غير تركيب وقالوله التركيب 500 جنيه برضوا فركبو بره
الوضع مش حالتك انتا بس كل التوكيلات حراميه بس بعد ما سمعت انتا كمان كده يبقى العيب مش فى توكيل تويوتا هو بس مسأله عيوب التوكيل فى مصر بصفه عامه (الاستغلال )

**Ahmed Selim** · 26-08-2008 10:56 AM

بادئ ذى بدء
مش هينفع كل مرة يا شاركى نقول نفس الكلام.....أنا عن نفسى بزهق :)

قطع غيار الميجان موجودة فى التوكيل و كذلك قطع غيار التويوتا
وتوكيل رينو موجود وتوكيل تويوتا موجود
يبقى اللى عاوز يتأكد من صدق الكلام اللى بنقوله أنا وأنت يتصل بالتوكيلين ويسأل على أسعار قطع الغيار
بس المشكلة هتبقى فى حاجة تانية بعد لما يتأكدوا عارف أيه ؟؟؟؟
مدى أعتمادية قطع الغيار..........يعنى مثلاً مين أعتمادى أكتر زجاج الميجان ولا زجاج الكورولا ؟؟؟؟؟؟؟

أبو عبد الله وشاركى......أنا بهرج معاكوا فياريت محدش يزعل من التهريج :)

نرجع للجد بأه فى حاجة حصلت مع واحد صاحبى معا أوكتافيا A4 الزجاج الأمامى أتكسر فكلم التوكيل قالولوه ( و خلى بالكو من قالولوه دى ) ب 670 جم
الراجل راح قافل التليفون وراح جرى على التوكيل عشان يركب الزجاج
بعد التركيب جاء وقت الحساب دادادادا
1250 ( هى كانت ألف متين وحاجة بس مش فاكر بالظبط ) المهم بيسأل ليه قالولوه ( تانى ) 670 الزجاج+ 3*150 ( 3 علب سليكون مستورد)+ مصنعية + ضريبة

**egyfantom** · 26-08-2008 12:07 PM

الموضوع انا شايفه فعلا استغلال ومفيش أى رقابه على أى حد

متيجى نحسبها باسعار قطع الغيار ، ونشوف سعر العربيه هيبقى كام لو جمعنا كل قطعه فيها بالسعر اللى بيقولوا عليه ده تخيلوا معايا كده الكورولا هتقف على الواحد بكام .

انا متهيألى لو الواحد اشتراها زيرو وفكها وبعها بسعر قطع غيار الوكيل هيكسب أكتر من 100% من ثمنها ...

حسبنا الله ونعم الوكيل

**Karim_Monir** · 26-08-2008 12:39 PM

باشا احب اوضحلك لاني مريت بنفس التجربة بس في كرولا 2007
بدون كلام كتير روحت ركبت في جريش وخدت الفرز الاول لاني ركبته في العاشر من رمضان
لان فعلا اللي بينزل الورش درجة تانية وبيبعوة غاللي كتير قوي
واحب احذر هنا من اللي اسمه الثلاثي ده
اكبر نصاب على مستوى الجمهورية وحكيت قصتي معاه ممكن تدور عليها على المتدى
بالنسبة لزجاج الكرولا ال 2007 مثلا كان في جريش ب 350 بالتركيب بسليكون انجليزي تمن العبوة عليهم جملة 90جنية
السليكون غير السليكون ابو 7 جنية الصيني ده حاجة تانية
عبارة عن سليكون خط واحد سميك وتخين لما تشوفوة تقول ده زي الفابريكة تمام مش مسيل ورفيع كدة
تمنة في الثلاثي ب 480 بالتركيب بسليكون ابو 7 جنية
شوفت هامش الربح قد ايه
---------
نيجي بقى لزجاج الباب لما اتكسر عندي
روحت جريش مالقتوش
كلمت التوكيل قاللي 600 بدون تركيب
نزلت لفيت لفة لقيت اللي بتقول عليه علامة تويوتا وكانت الميزة فيه ان لونة زيتونى زي الاصلي لان الاصلي زيتونى مش ابيض
ده يا سيدي انتاج مصنع امان لزجاج السيارت وده مصنع كويس بس لا يضاهي انتاج جريش اطلاقا

الموضوع: علشان تعرفوا توكيل تويوتا بيعمل ايه ؟

LinkBack

أدوات الموضوع

عرض

-

-

-

-

-

المواضيع المتشابهه

موضوع مهم علشان ما يتنصبش عليك-توكيل اوبل

موقع بيعمل بيعمل براويز لصور الاطفال زى اللى فى الاستوديهات

تويوتا اتصلت بي علشان الفتيس .

فيديو اثبات براءة مرتضى منصور !! علشان تعرفوا انه راجل محترم

علشان تعرفوا بس نية النظام السوودة

الكلمات الدلالية لهذا الموضوع

المفضلات

المفضلات

ضوابط المشاركة