علشان تعرفوا توكيل تويوتا بيعمل ايه ؟

**abuanas** · 25-08-2008 10:22 PM

السلام عليكم
من يومين نزلت الصبح وجدت الزجاج الامامي لسيارتي الكورولا 2008 متهشم والحمد لله (واضح حاجة اترمت عليه من العمارة وده الارجح) ... ومش هي ده النقطة المهمة ... اللي جاى هو المهم ... قلت قبل ما ادور عليه عندلو بتوع زجاج السيارات أسأل في التوكيل وأعر سعره الأول علشان انا كده كده ها اكون هناك لعمل صيانة الـ 5000 ولو سعره مناسب اركبه عندهم اضمن ... فاتصلت بابو رواش قسم قطع الغيار وسألت عن الزجاج قالوا لي سعره حوالي 1900 جنية وشويه من غير ضريبة المبيعات وبالضريبة بيعمل 2200 جنيه سمعت الكلام وقفلت الخط وعاودت الاتصال بهم بس بقسم السمكره والدهان وده القسم المسئول عن تركيب الزجاج سالته هل الزجاج موجود قالي نعم وانتظرت معه شوية علشان يحسب ثمنه وتكلفة التركيب كام ... تفتكروا كام يا تري الاجمالي ؟ ... بصراحة مش قادر اقول ....
هاقول بس علشان الامانة تقتضي ذلك .. قال لي ببساطة اجمالي سعره + تركيبه تعمل 2750 جنيه مصر ... لولا الملامه كنت لطمتله في التليفون .... يعني ببساطة ... مش ها نتكلم علي سعره الزجاج المبالغ فيه جدا جدا .. ها نتكلم بس عن رسوم تركيب لوح زجاج لا ياخذ من الوقت فك وتركيب اكثر من نصف ساعة ... 550 جنيه اصلهم ها يركبوه بمية الدهب .....
المهم طنشت الكلام ده وشلته من دماغي ... وعملت اتصالاتي وربنا ساق لي احد المعارف قريبه عنده محل زجاج في ش شامبليون بوسط البلد ... روحت له ولاقيت عنده (وفقا لكلامه واظن ان الراجل صادق في كلامه) كان عنده بتاع د/ جريش بـ 550 وبتاع التوكيل بـ 650 (بيؤكد انه بتاع التوكيل اللي بيركبه وذكر لي سعره في التوكيل زي ما قالوا لي بالضبط) ولما ركبه معرفتش افرقه عن اللي كان راكب وكان عليه علامة تويوتا زي التاني تماما ... سالت الزجاج ده صناعه ايه ... قالي بيتباع علي انه مستورد ... وهو في الحقيقة مصري مصنوع خصيصا للتوكيل وبيخموا بيه الناس علي انه مستورد.... نسيت اذكر انى قبل ما اروح محل قريب صديقي ده سالت محل تاني عن النوع والسعر قالي عنده جريش وعنده هولندى ... شفته لاقيته هو هو اللي ركبته بعد كده .....

معلش طولت عليكم ... ولكنها تجربه حبيت اعيشكم معي فيها ... وعلي فكرة التركيب كان نضيف جدا وماخدتش اكتر من 40 دقيقة ..... وعلي فكرة الراجل كلامه ومظهره يبعث علي الثقه + انه قريب صديقي ووصاه علي جامد ... علشان كده صدقت كلامه

في انتظار تعليقاتكم .... السلام عليكم

**Ahmed Samy** · 25-08-2008 10:50 PM

بلاش أعلق انا لأني ما بحبش توكيل تويوتا في مصر أساسا
خليني ساكت

**momenhamdy** · 25-08-2008 10:50 PM

لا تعليق ....... معلش الغش و استغلال المواقف موجدين في الدنيا بصورة مش معقولة معلش الحمد لله ان ربنا وفقك الي الطريق السليم دا و الحمد لله ..... حفظك الله من الغش و الغشاشين

**Mohamed-Saoud** · 25-08-2008 11:38 PM

حاجة بقت تقرف ... كله استغلال في استغلال

**Sharky** · 25-08-2008 11:43 PM

يعنى إنت عايز تقول توكيل تويوتا فى مصر بيبيع زجاج الكرولا 2008 المصرى على إنه مستورد و بـ 2200 جم !!!!

أنا أعرف إن قطع غيار الكرولا الجديدة غالية جدا بالمقارنة بمثيلاتها فى الأوربى يعنى مثلا زجاج الميجان بـ 1700 جم لكن كمان يغشوا و يوقولوا عليه مستورد و هو مصرى دى جديدة

ياريت نتأكد من صحة المعلومة دى لإنها لو صحيحة كده توكيل تويوتا حيفقد مصداقيته و سمعته إللى غملها فى مصر

**wawoo** · 26-08-2008 01:42 AM

المشاركة الأصلية كتبت بواسطة sharky

[COLOR=navy]COLOR]

ياريت نتأكد من صحة المعلومة دى لإنها لو صحيحة كده توكيل تويوتا حيفقد مصداقيته و سمعته إللى غملها فى مصر

محتاجين نتاكد فعلا من التهمة دى , لان لو الكلام دة صحيح يبقى فيها قضية حماية مستهلك على طول .
و ممكن تأثر جامد على تويوتا فى مصر , لان دة اتهما خطير جدا و فرق السعر كبير جدا دة تقريبا 4 اضعاف يعنى انت بتكلم فى ارباح 400% من الزجاج بس .
بس ازى حنتأكد من الموضوع دة , لازم كنت نجيب زجاج التوكيل للتاكد , انما دلوقتى لو اى حد راح عشان يسئل ممكن ببساطة يطلعو قطعة مستوردة فعلا .

**أبو عبدالله** · 26-08-2008 02:01 AM

أولا قدر الله وماشاء فعل
وربنا يعوض عليك

ولكن انا ليا معارف شغالين في موضوع الزجاج ده

ولكن نصيحه مني

لا تصدق كل ما تسمع

فعلا العلامة بتضرب هنا في مصر

وكل الأستيكر اللي يخطر على بالك بيتحط على الزجاج
حتى الورقه اللي بتيجي مع العربيه ملزوقه ان العربيه مثلا وارد اليابان بيطبعوها ويلزقوها على الزجاج على أنه جديد وبتاع العربيه

ولكن ليا بعض الملاحظات وارجو ان تتقبلها بعقلك وبصدق ان شاء الله :

أولا : الزجاج اللي هو ركبهولك ده اللي هو بيقول عليه فعلا بيضرب في مصر
ولكن اللي في التوكيل مش زيه خالص
واكيد مش هتقدر تفرقهم لأن ببساطة هيا كربونه من الأصلي وحضرتك لا تستطيع ان تمييز نوعية الزجاج ومدى جودته وحاجات كتير لا نعلمها
أما اللي في التوكيل فهو بتاع العربيه الاصلي فعلا ولا يستطيع ان يفعل توكيل مثل تويوتا هذا الكلام لأنه ببساطة بيتعامل مع شريحه كبيره من الناس واكيد هيطلعله واحد بيفهم في الموضوع اذا مكنشي شغال في الزجاج اصلا يعني لعبه بصراحه عبيطه جدا انه يعملها

ثانيا : نيجي لتركيب الزجاج
انا بؤكدلك ان تركيب الزجاج بره التوكيل غير داخل التوكيل تماما
خارج التوكيل بيبقى تحت الزجاج من على الحواف زي قاعدات بلاستيك كده
دي لما الزجاج بيتشال محدش بيعرف يركبها تاني وبيرموها وحصلت امامي في عربيه لانسر
ونيجي كمان لنوعية اللزق اللي هو السيليكون بتاع اللزق
أكيد مليون في الميه
النوعيه اللي هتتعملك بره صيني لأن دي اللي موجوده في السوق
والنوعيات النظيفه بتبقى مكلفه جدا علشان كده محدش بيجيبها
وطبعا هتفرق في حاجات كتير وأمان كمان

يعني من الأخر

اللي بيتعمل بره غير اللي بيتعمل جوه
وعلشان كده لازم يكون في فرق سعر بالحجم ده لن صدقني
ده شغل وده شغل تاني خالص

**salem** · 26-08-2008 02:32 AM

المشاركة الأصلية كتبت بواسطة أبو عبدالله

أولا قدر الله وماشاء فعل
وربنا يعوض عليك

ولكن انا ليا معارف شغالين في موضوع الزجاج ده

ولكن نصيحه مني

لا تصدق كل ما تسمع

فعلا العلامة بتضرب هنا في مصر

وكل الأستيكر اللي يخطر على بالك بيتحط على الزجاج
حتى الورقه اللي بتيجي مع العربيه ملزوقه ان العربيه مثلا وارد اليابان بيطبعوها ويلزقوها على الزجاج على أنه جديد وبتاع العربيه

ولكن ليا بعض الملاحظات وارجو ان تتقبلها بعقلك وبصدق ان شاء الله :

أولا : الزجاج اللي هو ركبهولك ده اللي هو بيقول عليه فعلا بيضرب في مصر
ولكن اللي في التوكيل مش زيه خالص
واكيد مش هتقدر تفرقهم لأن ببساطة هيا كربونه من الأصلي وحضرتك لا تستطيع ان تمييز نوعية الزجاج ومدى جودته وحاجات كتير لا نعلمها
أما اللي في التوكيل فهو بتاع العربيه الاصلي فعلا ولا يستطيع ان يفعل توكيل مثل تويوتا هذا الكلام لأنه ببساطة بيتعامل مع شريحه كبيره من الناس واكيد هيطلعله واحد بيفهم في الموضوع اذا مكنشي شغال في الزجاج اصلا يعني لعبه بصراحه عبيطه جدا انه يعملها

ثانيا : نيجي لتركيب الزجاج
انا بؤكدلك ان تركيب الزجاج بره التوكيل غير داخل التوكيل تماما
خارج التوكيل بيبقى تحت الزجاج من على الحواف زي قاعدات بلاستيك كده
دي لما الزجاج بيتشال محدش بيعرف يركبها تاني وبيرموها وحصلت امامي في عربيه لانسر
ونيجي كمان لنوعية اللزق اللي هو السيليكون بتاع اللزق
أكيد مليون في الميه
النوعيه اللي هتتعملك بره صيني لأن دي اللي موجوده في السوق
والنوعيات النظيفه بتبقى مكلفه جدا علشان كده محدش بيجيبها
وطبعا هتفرق في حاجات كتير وأمان كمان

يعني من الأخر

اللي بيتعمل بره غير اللي بيتعمل جوه
وعلشان كده لازم يكون في فرق سعر بالحجم ده لن صدقني
ده شغل وده شغل تاني خالص

da kalam mazbot we mo7tarm gedan

**megane_man** · 26-08-2008 02:46 AM

كلام جميل بص في نقطة كده قطع غيار التويوتا غالية دي حتي أغلي من الميجان الي كل الناس بتقول ان قطع غيارها غالية وبيضربو بيها المثل في الغلو ولا يمكن يتقال ان الزجاج غالي علشان معمر وبيعيش اكثر

**أبو عبدالله** · 26-08-2008 03:05 AM

المشاركة الأصلية كتبت بواسطة volvo_man

كلام جميل بص في نقطة كده قطع غيار التويوتا غالية دي حتي أغلي من الميجان الي كل الناس بتقول ان قطع غيارها غالية وبيضربو بيها المثل في الغلو ولا يمكن يتقال ان الزجاج غالي علشان معمر وبيعيش اكثر

ياريت كل حاجه تتاخد بالمظهر وبس
المشكلة ان كل حاجه لها فكره وصناعه معينه
وممكن تبقى غاليه لشئ ما فيها مختلف عن مثيلاتها

والدليل ان مثلا زجاج السوبارو الأمبريزا غالي جدا لدرجه لا تصدق

والزجاج الخلفي للماتيريا غالي دونا باقي الزجاج

ولكن هل تعلم انت فكرة صناعته او نوعيته او سبب غلوه ؟؟؟؟

أرجو ان تتفهم وجهة نظري
فهناك عربيات قطع غيارها عاديه ولكن تيجي لقطعه معينه فيها تجد انها غاليه عن مثيلاتها في السيارات الباقية
فأنا اقول لك ليس من فراغ او نصب او الكلام ده
أكيد لها سبب ....... وهذا هو اللي المفروض ندور عليه بدل ما نتهم أحد بالنصب
وهذا ليس دفاعا عن احد بقدر ان الواحد عاوز يتفهم الأمور اللي حواليه وميبقاش عامل زي اللي بيتكلمو ويفتوا في الشوارع بدون علم وجهل

الموضوع: علشان تعرفوا توكيل تويوتا بيعمل ايه ؟

LinkBack

أدوات الموضوع

عرض

-

-

-

-

-

المواضيع المتشابهه

موضوع مهم علشان ما يتنصبش عليك-توكيل اوبل

موقع بيعمل بيعمل براويز لصور الاطفال زى اللى فى الاستوديهات

تويوتا اتصلت بي علشان الفتيس .

فيديو اثبات براءة مرتضى منصور !! علشان تعرفوا انه راجل محترم

علشان تعرفوا بس نية النظام السوودة

الكلمات الدلالية لهذا الموضوع

المفضلات

المفضلات

ضوابط المشاركة