الموضوع: رابطه مالكي الفيرنا ...الجزء الاول الاخير

حضرتك المفروض تغير الفلتر كل 20000 كم تمام مع بنزين 92.
ومافيش خطر لو مشيت على الطلمبه وهى ضعيفه . واعراضها. ناخر فى السحب . برجله صباحا اثناء الدواره و بس كده
اما عن المدافع . فراجع على البوجيهات و على السلوك الخاصه بها

[QUOTE=enghany;3875449551]

المشاركة الأصلية كتبت بواسطة enghany

ايه يارجاله المنتدي ماحدش عارف ولا ايه طيب ابحثوا في منتديات الانترنت و هاتولنا اجابه

من خبرتى فى الموضوع ده هو حط نافتلين جوه قطعة قماش او صفايه ضيقه علشان تمنع الذوبان بسرعه. مع فتح سن البوجيهات زياده علشات تقليل نسبة الكهرباء الخارجه للحريق
والا لو هو فاهم اوى فى شغل الكنترول والضفيره وركب وعرف حساس الاوكتان. وفى الحاله ديه لازم يكون عنه g scan to add the new device
فاهمنى.

تعليقا على المهندس هانى . واحتجاحا على كلمه محدش عارف .
بس انا عارف الموضوع ده. و راجعت مهندس كنترول من مصر موتورز وهو عاميلى بالمركز. وكان فى نقاش حوالين النقطه ديه بالتحديد.
و توصلنا اخيرا للمعادله اللى مابتكونش h2so4 فى التنك . وطبعا زى ما انت عارف انى زوجتى والحمد لله دكتورى صيدالنيه . فادتنا بصراحه فى معرفة مادة النفتلين اليوم . وبعد خلطها بالبنزين . وايه فوائدها وتيه اضرارها .
حيث انها تسبب تاكل حاد فى غرف الاحتراق مما يؤدى الى قصر عمر الموتور زى ما انت فاهم . فالحل الوحبد هو تعديل فى الضفيره وتشغيل حساس الاوكتان مكان cvvt فى جسم موتور new accent مع عدم فصل cvvt منعا لبرجلة الماكينه ووصول الشحنه للاربع بوجيهات واللصبابات ام

افضل تيل فرامل هو الاصلى . وسعره لا يتعدى 150 جم تقريبا . والله انا مش متاكد من سعره اوى بس هو كده بين 100 و 150
ده تيل هايل وبيحافظ على الطمبوره جدا .
ومافيش مقياس للتيل بعداد الكيلومتر . واللى يقولك كده كاذب. كل واحد واستهلاكه. والاتوماتيك استهلاكه اكتر من المانيوال . واللى اكتر طرق ليه سريعه غير قياده بالزحمه .
فاهمنى . التيل بيتم تحديده بالكشف عليه باستمرار . ولو فيه صوت صفاره او صوت تآكل سمعته قبل ميعاد الصيانه اجرى على اقرب مركز خدمه للحفاظ على الطنابير
ويارب اكون قادر على افادتكم

[QUOTE=verna2008auto;3875450666]

المشاركة الأصلية كتبت بواسطة moe gawad

الله اكبر .. تمام يا هندسه ..
بس عاوز اعرف حاجه هل مش المفروض يتكشف عليها ب جهاز الاسكنر اصلا عشان يتراك مسار المشكه برده ويبقي شغال علي نضافه ..
واللي انا مش وصلاني المعلومه
عاوزين شرح معلش المعلومه تثبت .. جزاكم الله خير
نفتلين بليه ؟؟؟

ايوه يا باشمهندي عاصم . نافتلين بليه بتاع الهدوم والعته . ديه ماده كيماويه بتتفاعل مع البنزين وبتزود الرقم الاوكتان له . بس المشكله انها عملت بخار مياه h2so4 وديه تكوينة مياه النار والتى تسبب تاكل فى غرف الحريق الله اكبر . ربنا يبعدكم عنها . والله العظيم انا بكره موضوع العمره ده علشان العميل بيدفع دم قلبه . مع انى المفروض انى اكون مبسوط علشان ده مكسب للمركز. بس ربنا يبعد عنا الرزق اللى ييجى من اذي الناس.
المشكله يا باشمهندس انا شوفت ناس بتقول انى الموتور محتاج عمره لماكينات لم تستخدم بالمره . لا يوجد ضمير . من كام يوم كدا كان معايا الاستاذ محمد من المنتدى black verna وكنا بنرصصله العجل فى بانزينة كالتكس اللى بنتقابل معاه . قابلنا عميل لينا من اكثر من سنتين بالصدفه معاه عربيه مازدا . وهو راجل محترم جدا ويعمل كمدير باحد الفنادق فى الاقصر . سلمت عليه وبساله ايه اخبار العربيه . رد عليا قالى امام الاسناذ محمد
"حسبيا الله ونعم الوكيل فى اللى افتى عليا انى عندى جوان وش سلندر. اول مره جابلو جوان ركبوه وبوظوا الوش نفسه علشان اتمسح غلط. ولبسوه ثمن وش سلندر كامل
. وافتولو انى ده بسبب الجوان المضروب. وبعدين جاب وش سلندر ثمنه 2000 جم. و جوانات اصلى . بوظولوا الماكينه كامله . ولما راحلهم يشتكى. عاملوه اسوأ معامله بطريقه قذره وغير محترمه . ده كلامه بالضبط .
سكت ومالقتش كلام اقولو غير ربنا يعفو عنك . وده فى ميزان حسناتك . ولو احتجت حاجه انا معاك وبدون مصنعيات . والله نيتى انى اهون عليه اللى شافه .
ربنا يهدى كل ظالم. ويبعد شره عن الناس.