الموضوع: أخوكم لسه جديد فى الميجان ومحتاج مساعدتكم ضروري

السلام عليكم ورحمه الله وبركاته
النهارده انا اشتريت ميجان 2006 بانوراما بس العربيه محتاجه شويه حاجات كده فياريت لو في اي معلومات عن اسعار قطع الغيار وافضل الميكانيكيه والكهربائيه (اللى بيشتغلوا بضمير ومبيسرقوش) علشان اروح اصلح عندهم:

1- مقصات بالجلب وعفشه خلفيه. (فى صوت دبدبه من قدام وصوت خبط من عند الشنطه ولما بدوس فرامل بحس ان فى حاجه بتخبط فى رجلى ومتهيألى مش ال abs علشان سوقت ميجان قبلها ومحستش بالموضوع ده والموضوع ده بيحصل لما اكون بلف الدريكسيون يمين او شمال وادوس فرامل)
2- شريط ايرباج.
3- التكييف مش بيسقع.
4- سمكري ابن حلال.
5- البطاريه عليها ملح.
6- عايز حد يراجع على كل كهرباء العربيه.
7- الازاز البانوراما ال 4 فتحات ليه مش بيفتحوا كويس. (يعني تيجي على اخر فتحه ليه والبانوراما ميتفتحش كله كانه على الفاتحه الرابعه للازاز).
8- حد بتاع ازاز ابواب علشان في ابواب مبيترفعش الازاز بتاعها بسهوله.
9- المرايات الجانبيه مبتتقفلش وتتفتح كلها (المفروض عندي مرايات ضم)
10- فى كده فى التابلوه من عند جنب السواق حته بلاستيك مغطيه الجزء اللى ورا الفتيس دي مش موجوده عندي فممكن الاقيها ولا هسيب التابلوه عريان كده.
11- اسعار الفوانيس الاماميه والخلفيه كام؟؟ (الاصلى والمضروب وياريت المضروب طبعا )

وربنا يخليكو قولولى مين احسن واحد بيصلح العربيه علشان انا واخدها فيها حاجات كتير عايزه تتظبط والتكلفه هتبقي كام تقريبا وياريت لو ارقام تلفوناتهم.

المشاركة الأصلية كتبت بواسطة m7mdwagih

بوص يا باشا مقصات بالجلب كان المقص ب 250 تركي باين و احسن واحد قطع غيار من وجهت نظري المهندس في صقر قريش راجل محترم جدا جدا و الفانوس القدامني التيواني ب 300 او 350 و الخلفي تركي ب 200 و استراد ب 250 البانوراما سليمة كدة علي ما اعتقد

حبيب قلبي الف شكر على الرد اهي ابتدت تندع اهي شكلى هروح للمهندس ده اشهيص منه المسائل بس فى ناس قالتلى طارق اللى فى الهرم وشكرولى فيه معرفش بقي ايه الكلام ..وبالنسبه للبانوراما لا هيا مش شغاله كويس لان اخر تكه فى البانوراما المفروض تفتح الازاز للاخر ده بيتفتح وبيبقي ناقص سنه بسيطه على الاخر يعني مبيتفتحش الازاز كلو للاخر

بالنسبه لباقي الحاجات بقي معندكش علم بيها يا كبير؟؟