الناس اللى غضبانة و منفعلة عشان تاخير التسليم عندها حق
انا واحد من الناس اللى حاجزين و التوكيل ادانى معاد بعدوكو كلكو تقريبا ( قالى نص يوليو ) رغم انى حاجز فى شهر مايو
!!!!!!!!!!
و بالرغم من كده انا مفكرتش الغى الحجز
ممكن نحسبها بشكل تانى و من غير انفعال
حضرتك دلوقت حجزت العربية و مستنى تستلم و اكيد حضرتك مختارتش العربية دى و روحت حجزت الا و انت متاكد تمام ان دى انسب عربية بالنسبة ليك و مقتنع بيها كقيمة و سعر و خلافه بعد ما دورت فى كل الماركات و اخترت دى عن اقتنااااع لان محدش هيركب سيتروين "" فى مصر "" و كمان عربية لسه جديدة الا اذا كان مقتنع
فى الفترة دى و انت مستنى تستلم بتبقى مهيأ نفسيا انك تستلم العربية دى مش غيرها , و بالتالى هتبقى صعب عليك انك تركب عربية تانية غير اللى كان نفسك فيها و خصوصا لو اشتريت و بعد ما اشتريت شوفتها قدامك فى الشارع او عرفت ان مفيش حجز و التسليم دلوقت فورى
حضرتك بتشترى سلعة معمرة هتقعد معاك بالسنين و هتدفع فيها اكتر من 100 الف جنيه
رأيى انها تستاهل الانتظار شوية و التغاضى عن سخافات التوكيل
حضرتك لو بتشترى لاب توب مثلا و معجبش اسلوب البياع هتسيبه فى 1000 واحد غيره عندهم اللاب توب اللى انت عايزه
انما دى عربية و هتقعد معاك سنين يبقى تستحق تنتظرها و تركب اللى نفسك فيه
على الجانب الاخر حضرتك لما تسحب الحجز التوكيل مش هيخسر حاجة كده كده هو هيبيع كل الدفعة اللى جاية لان عددها 400 عربية فقط ( كلام التوكيل ) و ده عدد قليل , كل اللى هيحصل لما حضرتك تسحب الحجز انك هتفضى مكان للى بعدك يستلم اسرع
فا مثلا لو عدد من الحاجزين سحبوا الحجز الناس اللى بعدهم هتستلم مكانهم و محدش هيحس بالمشكلة دى لو جيت سالت حد ساعتها عن التاخير هيقولك مفبش تاخير ولا حاجة دول ناس زى الفل و سلمونى قبل معادى " لانه استلم مكان حضرتك "
ملخص الكلام دى مش دعوة للسلبية و لا للسكوت اة التراخى مع التوكيل ولكن حضرتك فكر فى مصلحتك اولا انتظار سخيف ايام و تركب اللى انت عايزه ولا انك تركب حاجة انت مش حاببها
لان فكرة سحب الحجز كعقاب للتوكيل للاسف هنا فى مصر ملهاش اى تاثير طالما هو ( التوكيل ) بيبيع و فى حجوزات جديدة و الدنيا ماشية معاه
أسف للاطالة
المفضلات