الموضوع: تسارع 128

عسل يابو حميد والله فى الفصال ههههههههههههه
على فكرة عاوز اوضح معلومة انا عندى برضو ال 128 1300 سى سى الاول 20 والتانى 40 والتالت 60 والرابع 80 و 90 ببقى قارص ومدخلتش عالغيار 5 لسة بس فى حاجة عاوز اوضحها ... انا العربية مكتومة ... بمعنى ... انا قولت قبل كده ان فى كركرة فى الماتور والميكانيكى قالى هتتكلف 500 جنيه والحوار ده لو تفتكرو ... ساعتها وطالى الكهرباء بتاعت العربية ... قرط كده على صامولة تقريبا تحت الاسبراتير .. خنق بيها صوت الكركرة ده لحد ما اروح اصلح الحوار ده وقالى العربية مش هتسحب معاك على فكرة يعنى المفروض الطبيعى تكون الاول مثلا لحد 30 او 40 لو قارص والتانى يبقى 50 او 60 والتالت يبقى 80 او 90 والرابع يبقى 110 او 120 والخامس يبقى 140 او 160 وممكن توصل لحد 170 وانا شوفت بعينى عربيات 128 وصلت ل 160 فعلاً

المشاركة الأصلية كتبت بواسطة sam4ever2010

عسل يابو حميد والله فى الفصال ههههههههههههه
على فكرة عاوز اوضح معلومة انا عندى برضو ال 128 1300 سى سى الاول 20 والتانى 40 والتالت 60 والرابع 80 و 90 ببقى قارص ومدخلتش عالغيار 5 لسة بس فى حاجة عاوز اوضحها ... انا العربية مكتومة ... بمعنى ... انا قولت قبل كده ان فى كركرة فى الماتور والميكانيكى قالى هتتكلف 500 جنيه والحوار ده لو تفتكرو ... ساعتها وطالى الكهرباء بتاعت العربية ... قرط كده على صامولة تقريبا تحت الاسبراتير .. خنق بيها صوت الكركرة ده لحد ما اروح اصلح الحوار ده وقالى العربية مش هتسحب معاك على فكرة يعنى المفروض الطبيعى تكون الاول مثلا لحد 30 او 40 لو قارص والتانى يبقى 50 او 60 والتالت يبقى 80 او 90 والرابع يبقى 110 او 120 والخامس يبقى 140 او 160 وممكن توصل لحد 170 وانا شوفت بعينى عربيات 128 وصلت ل 160 فعلاً

والله ياكبير انا لو كان معايا فلوس وقتها كنت هدفع معنديش صبر اقعد افاصل كل ده بس اللى حاكمنى انى ماكنش معايا

المشاركة الأصلية كتبت بواسطة mohamed hussei

ياجدعان هو غيار 3 بتاع 128 بيجيب كام علشان انا عندي اخرة بيجيب 60 ولو جبت رابع يجيب 80 وصوت يعلي اية مشكلة موديل العربية 2007 يعني جديدة

العربية محتاجة تظبيط كهرباء الاسبراتير وممكن الكربراتير يكون عاوز يتنضف ومحتاجة تغيير بوجيهات نظيفة ngk يابانى وسلوك بوجيهات نظيفة ... كل الحاجات دى بتفرق فى سحب العربية

المشاركة الأصلية كتبت بواسطة SaSa.FireBlade

128 موديل 2007 ازاى؟

فيات 128 - ويكيبيديا، الموسوعة الحرة

[url=http://www.nmisr.com/vb/showthread.php?t=254969]

يسلام عليك ياسامح يامظبطنا

قصة حياة الفيات 128

مقدمه لابد منها
تم انتاج اول سياره من طراز فيات 128 فى عام 1969 وتم اغلاق خط انتاجها اوربيا فى عام 1985 * طبعا مازالت شغاله عندنا * وهى اول سياره فى تاريخ فيات تستخدم محرك فيات الجديد آنذاك
Fiat SOHC
وقد لا تعلمون انها اختريت سيارة العام فى اوروبا فى عام 1970 وقد ايضا لا تعلمون انه فى استفتاء مجلة
Road & Track
الامريكيه الشهيره اختريت من افضل عشرون سياره بيعت فى اوروبا خلال القرن الماضى والمفاجأه المذهله انها تأتى امام سيارات لها تاريخ وسمعه مدويه فى العالم كله مثل :
Toyota Corolla
Mazda 808
Datsun B210
Subaru DL
مفاجأه اليس كذلك ليس هذا فحسب بل انها تساوت فى هذا الاستفتاء مع قنبلة الهوندا
Honda Civic
وآتت مباشرة خلف الجولف
طبعا انتم لا تصدقون ولكن هذا حدث بالفعل



المحرك
كما ذكرنا من قبل هذه السياره اول من استخدم محرك فيات طراز
Fiat SOHC
وتذود تلك السياره بمحرك 1100 CC ( تحديداً 1116 CC ) منذ بدء انطلاقها الى عام 1971 والتى تم فيها بدء تسويق السياره بالمحرك الجديد سعة 1300 CC ( تحديداً 1290 CC ) مع استمرار تسويقها بالمحرك الآخر ذو سعة 1100 CC وهذه هى البطاقه الفنيه للمحركين
مركب بالعرض بزاوية ميل 20 درجه للامام
موديل المحرك : 128 A
عدد الاسطوانات : 4
السعه : 1116 & 1300
اقصى قدره للمحرك : الـ 1100 55 حصان
الـ 1300 62 حصان
عامود الكامات : رأسى
ترتيب الاشعال 1-3-4-2



ناقل الحركه
تتوفر هذه السياره بناقلى حركه وطبعا كلنا عارفينهم وهما ناقلى حركه يدويان من 4 سرعات و5 سرعات وهذه بعض بيانات الجيربوكس
تقسيمه لكل ترس من النواقل على حسب السرعه القصوى
الناقل الاربع سرعات
1 45 كلم / س
2 75 كلم / س
3 115 كلم / س
4 130 : 150 كلم / س
الناقل الخمس سرعات
1 30 كلم / س
2 60 كلم / س
3 90 كلم / س
4 110 كلم / س
5 145 : 160 كلم / س
طبعا هذه البيانات والعربيه لسه زيرو
تقسيمه اخرى على حسب القدره للتحميل والعزم للناقل الاربع سرعات
1 30 % من العزم
2 17% من العزم
3 10 % من العزم
4 6 % من العزم



الفرامل
تعمل هيدروليكا بدائرتين منفصلتين للفرامل
( للخلف والامام )
نوع الفرامل
فى الامام اقراص
فى الخلف طنابير



التعليق
التعليق مستقل فى الامام و الخلف
فى الامام مثبت بأذرع متحركه ووصلات منزلقه ومساعدين هيدروليك ويايات حلزونيه
فى الخلف مثبت باذرع متحركه ووصلات منزلقه ومقصات سليه ومساعدين هيدروليك ويايات مستعرضه

القياسات
الطول الكلى : 3850 مم
العرض الكلى : 1590 مم
الارتفاع : 1340 مم
قاعدة العجلات : 2448 مم
الوزن : 805 كجم فارغه 1205 بحموله كامله
سعة الشنطه : 370 مم مربع
مقاس الاطارات : 13/145/55

صور السياره
طبعا كلكم عارفينها


فى النهايه اريدكم ان تعلموا ان كل غرضى من هذا الموضوع هو ان يعرف مالكى هذه السياره مواصفات سيارتهم فهذه السياره من وجهة نظرى الشخصيه لا تقل عن اى سياره اخرى

الناقل الاربع سرعات
1 45 كلم / س
2 75 كلم / س
3 115 كلم / س
4 130 : 150 كلم / س

الناقل الخمس سرعات
1 30 كلم / س
2 60 كلم / س
3 90 كلم / س
4 110 كلم / س
5 145 : 160 كلم / س

شوفت يا معلم اشرف سرعات العربية الطبيعية عاملة ازاى مش عربياتنا
1 20 كم
2 40 كم
3 60 كم
4 90 كم
5 110 كم

يعنى العربية نايمة عالأخر