الموضوع: تيداوي جديد يحتاج لنصيحة فلا تبخلوا

وهو ليه يا جماعة مفيش ردود

لأ فيه ردود إن شاء الله ماتزعلش ياباشا
أولا / بالنسبة لرائحة الكمكمة ممكن يكون من التكييف فعلا بس وهو شغال ولكن حضرتك بتقول العربية واقفة فجرب تخرج بليل والجو حلو وماتشغلش التكييف وافتح الزجاج عشان تعمل تهوية ولما ترجع من المشوار اقفل العربية ساعة وشوف الرائحة لو موجودة يبقى مش من التكييف ، ممكن وقتها يكون الفرش الداخلى للسيارة شارب اى سائل له رائحة غير محببة بس للأسف ثبتت على الفرش سواء الكراسى أو الأرضية ففى هذه الحالة عليك وعلى غسيل العربية غسلة نضيفة وليكن غسيل جاف وبعدها ان شاء الله مش هتلاقى الروائح دى أما لو طلع من التكييف فهناك حل من إتنين ، إما تجيب سبراى منظف التكييف وده بيتباع فى محطة البنزين أو تجيب شوية ديتول مركز وتحطه فى زجاجة إسبراى ورشه على فتحات التكييف وهو مقفول وبعدين أخرج من السيارة وشغل التكييف على الساخن على السرعة 4 أعلى حاجة والزجاج مغلق وسيبه لمدة 10 دقائق ثم إقفله وهوى العربية إن شاء الله هتلاقى نتيجة كويسة جدا
ثانيا / بالنسبة للإنذار ، فهو فعلا الضفاير الكهربائية اللى راكبة مخصص كل منها لشئ معين وبقدرة معينة طبقا لقياسات المصنع فالواد بلية اللى موجود فى أى ورشة بيقطع أى ضفيرة قدامه ويوصل جهاز الإنذار بيها ولوش دعوة الضفيرة دى بتاعة إيه فى العربية فممكن ماتستحملش جهازين لهم قدرة مختلفة مع بعض عشان كده يفضل عدم تركيبها أو إنك تركبها بضفيرة مستقلة ودى صعبة شوية فى التركيب والتوصيل بكمبيوتر السيارة

أرجو أكون أفدت سيادتك

الف شكر استاذ خالد علي فكرة انا كنت عملت اللي حضرتك نصحتني بيه فعلاً انا غسلت العربية كار كير ورميت الفرش القديم اللي صاحب العربية كان بيستخدمة ونظفت فلتر التكييف والرائحة بدات تروح تدريجياً انا بشكر حضرتك جدا علي زوقك وردك وعلي الفكرة المنتدي ده من اسباب شرائي للتيدا