بالصور تصليح موتور اربة المساحات

**Ahmed Nasser** · 20-06-2013 02:02 PM

بسم الله الرحمن الرحيم
السلام عليكم ورحمة الله وبركاتة

اعضاء المنتدى الكرام
انهاردة إن شاء الله هنفك موتور اربة المساحات ونصلحة
لان كتير منا الموتور بيبوظ ونرميه ونجيب غيرة
وبعد مانا فكيتة اكتشفت انة مش بيبوظ لاكنة بيقفش من جوة
إن شاء الله مع الخطوات القادمة كل واحد فينا هيعملة بنفسة
لان الموضوع مفيهوش اى خطورة خالص

نبدا بسم الله نفك الفانوس الشمال
هيظهر الشكل دة

دة الموتور اللى فية خرطوم الفايكوم والفيش
وهو بيكون مبيت فى الاربة شحت
شدة بايدك هيكون طالع على طول

هنخل الفيشة وخرطوم الفاكيوم اللى ماسكين فيه

ونحضر مفك عادة صغير عشان نفك الغطا اللى فى الاخر من تحت

بعدين هيظهر الشكل دة

وهنحضر بنسة ببوز ونمسك المروحة دى ونطلعها برة

بعدين هنمسك الجزء الحديد اللى طالع من الموتور ونلف يمين وشمال

وانت بتلف هتسمع حشرجة وكان حجارة بتلف جوة الموتور
المهم افضل لف لغاية ماينعم معاك وانت تلف باديك

وبعدين هتوصل الموتور على الفيشة فقط وتفتح كونتاكت

وتشغل الموتور هتسمع بردو حجات غريبة
خليك مشغلة لغاية ما صوتة يبقى ناعم

كدة تمام نيجى بقى للتقفيل
هنجيب علبة سيلوكن بتاع السباكين
فى علبة بـ 14 ج وانا جرتها قبل كدة وزى الفل
اما العلبة دى تمنها 30ج لان السباك كان شغال عندى بيها

بعدين هنركب المروحة ونحط سيلون مكان الغطا بتاع الموتور
ونقفل الغطا كويس

وبعدين بشريط لحام ونلف حولين الموتور زيادة امان
وشرط الحام تمنة 5ج اللى هو المليون

وبالمرة كمان هنجيب الاورنج اللى موجود فى الاربة وبيبيت فيه الموتور

ونعميه سلكون ونحطة مكانة تانى

ونقفل الموتور مكانة
وننتظر لغاية ما السيلكون ينشف وبعدين نح نصف لتر مية
ونشوف فية حاجة بتجيب ولا لأ
مافيش إن شاء الله نضيف كيس بريل بنصف جنية وبعدين نكمل ميه
وبكدة مبروك عليك

اتمنى ان ينال اعجابكم
وشكرا على حسن المتابعة والى القاء فى نشرة اخبارية جديدة

**didos323** · 20-06-2013 02:08 PM

موضوع ممتاز تسلم ايدك

**akmm** · 20-06-2013 03:12 PM

كل شىء ممتاز .... ومشكور على كده ولكن بدل البرييل نخليه منظف الزجاج المنزلى بمقدار التلت للتلتين ماء افضل ... وشكرا لحضرتك .

**ketoo** · 20-06-2013 03:15 PM

بارك الله فيك

**a_arazik** · 20-06-2013 05:11 PM

مجهود رائع

**مصطفى-حسن** · 20-06-2013 06:46 PM

والله يا احمد انت مواضيعك كلها كويسة جدا
بس عارف لو اهتميت بالشكل النهائى فى الموضوع (الفنش) وشوية تفاصيل بسيطة
هتبقى مواضيعك 10/10
واول حاجة نقاء الصور
مش لازم تصور بكاميرا غالية بمبلغ وقدرة
بس ممكن تعالج الصور بعد التصوير
وتاخد بالك من زاوية التصوير والاضاءة
هتبقى مواضيعك كلها فى الجون
بس
بسم الله ما شاء الله
جهد فعلا يستحق الشكر
انا نزلت صورة من بتوعك وعالجتها ورفعتها تانى عشان تفهم قصدى
دى صورتك

ودى نفس الصورة بعد المعالجة

وارجو انك تتقبل ملاحظتى بصدر رحب وروح رياضية
انا بس بيصعب عليا انك تبنى عمارة فخمة وتسيبها من غير دهان

**Ahmed-SAMIR** · 20-06-2013 10:01 PM

المشاركة الأصلية كتبت بواسطة akmm

كل شىء ممتاز .... ومشكور على كده ولكن بدل البرييل نخليه منظف الزجاج المنزلى بمقدار التلت للتلتين ماء افضل ... وشكرا لحضرتك .

والله يا باشا على قد معلوماتى البسيطة ان فكرة البريل مش النظافة بس انما الصابون السايل عموما فى تركيبه مواد زيتيه وده بيطول عمر المضخة شوية

وانتم برضو ادرى منى

**Ahmed Nasser** · 21-06-2013 12:06 AM

المشاركة الأصلية كتبت بواسطة didos323

موضوع ممتاز تسلم ايدك

المشاركة الأصلية كتبت بواسطة akmm

كل شىء ممتاز .... ومشكور على كده ولكن بدل البرييل نخليه منظف الزجاج المنزلى بمقدار التلت للتلتين ماء افضل ... وشكرا لحضرتك .

المشاركة الأصلية كتبت بواسطة ketoo

بارك الله فيك

المشاركة الأصلية كتبت بواسطة a_arazik

مجهود رائع

شكرا على ردودكم المشجعة ونورتو الموضوع

**Ahmed Nasser** · 21-06-2013 12:12 AM

المشاركة الأصلية كتبت بواسطة ahmed-samir

يا ريتك كنت قلت قبل كده ده انا لسه رامى الموتور بتاع بلدها وسمعت ان الجديد اللى فى السوق مش بيعيش

هات موتور استيراد ومتشغلش بالك

المشاركة الأصلية كتبت بواسطة zarif

والله يا احمد انت مواضيعك كلها كويسة جدا
بس عارف لو اهتميت بالشكل النهائى فى الموضوع (الفنش) وشوية تفاصيل بسيطة
هتبقى مواضيعك 10/10
واول حاجة نقاء الصور
مش لازم تصور بكاميرا غالية بمبلغ وقدرة
بس ممكن تعالج الصور بعد التصوير
وتاخد بالك من زاوية التصوير والاضاءة
هتبقى مواضيعك كلها فى الجون
بس
بسم الله ما شاء الله
جهد فعلا يستحق الشكر
انا نزلت صورة من بتوعك وعالجتها ورفعتها تانى عشان تفهم قصدى
دى صورتك

ودى نفس الصورة بعد المعالجة

وارجو انك تتقبل ملاحظتى بصدر رحب وروح رياضية
انا بس بيصعب عليا انك تبنى عمارة فخمة وتسيبها من غير دهان

المشكلة كاميرة التلفون وحشة لانة صينى لاماخذة
وكمان وقتى ديق جداااااااااا فالحاجة اللى بفكها باعملها على السريع واصورها على السريع
وحتى بردو وانا بكتب الموضوع فى حجات بكون محضرها بنساها
والف شكر ياغالى على نصايحك الجميلة
ونورت الموضوع