الموضوع: تجربة زيت المحرك زادو 5w-40 sn

المشاركة الأصلية كتبت بواسطة karim_monir

بعد اربع شهور اخبار الزيت معاك ايه

بعتذرعن التاخير فى الرد الفترة اللى فاتت .
بالنسبة للزيت لسه على نفس مستوى الاداء فى السحب و نعومة الموتور و عامل بيه دلوقتى 3000 كيلو ودى المرة الثالثة .
كمان جربت اضافة الفتيس اللى بتعمل طبقة سيراميك بالنانو و بتعالج النقر نتيجة الاحتكاك لواحد صاحبى كان عنده ونة فى عربية فيات 131 وصوت الونة قل تقريبا بنسبة 70 % .

المشاركة الأصلية كتبت بواسطة kingstars11

بعتذرعن التاخير فى الرد الفترة اللى فاتت .
بالنسبة للزيت لسه على نفس مستوى الاداء فى السحب و نعومة الموتور و عامل بيه دلوقتى 3000 كيلو ودى المرة الثالثة .
كمان جربت اضافة الفتيس اللى بتعمل طبقة سيراميك بالنانو و بتعالج النقر نتيجة الاحتكاك لواحد صاحبى كان عنده ونة فى عربية فيات 131 وصوت الونة قل تقريبا بنسبة 70 % .

عامله كام الماده ديه وبتنضاف كل قد ايه والطريقه لو سمحت ؟

يعنى حضرتك شايف في فرق كبير بينه وبين الشيل الترا ، خصوصا ان الالترا نفسه محترم جدا ؟

المشاركة الأصلية كتبت بواسطة hossamsmsm

عامله كام الماده ديه وبتنضاف كل قد ايه والطريقه لو سمحت ؟

هى انبوبة و فيها جل ب 50 جنيه بتتضاف على زيت الفتيس او الكرونة و بيقولوا ان العربية ممكن تمشى 1000 كيلو لو الزيت نزل من الفتيس بدون مشاكل لانها بتعمل حماية ممتدة بتكنولوجيا النانو و بيعملوا خصم 10 % لنايل موتورز و يوصلوها لعنوانك مجانا.

https://dc614.4shared.com/img/6ia97P...80899199098349

و ده رابط موضوع للدكتور المناهرى كان عمل تقرير عن المادة دى و تركيبها
http://www.nilemotors.net/Nile/368938-xado.html

المشاركة الأصلية كتبت بواسطة amrelsaqqa

يعنى حضرتك شايف في فرق كبير بينه وبين الشيل الترا ، خصوصا ان الالترا نفسه محترم جدا ؟

ايوا زى ما وضحت فى التقرير ده بعد ما جربت الاتنين و كفاية انه تعبئة اوربية بالكامل موش متعبى فى مصري.

لو سمحت ياجماعه انا عايز اسال على زيت زادو لاني عايز اغير ليه معايا لانسر كرستاله 98 اوتوماتيك شاريها شهر 4 اللي فات عامله حاليا 146000 كيلو ومشعارف اللي قبلي كان بيحطلها ايه مفيش شهرين بعد ماشترتها لقيتها بتجيب دخنه بيضه وبلاقي بقعه زيت تحت العربيه لما اركنها فتره وكانت لمبه الزيت بتنور ...رحت لميكانيكي قاللي طقم شمبر وبعد مافك طلع وش السلندر ووراهولي قاللي الخلوص واسعه (وشاورلي على الفتحات اللي فيه) وقاللي اشتري واحد تاني احسن جبت واحد ياباني جديد ب 1600 جنيه وغيرت الجوانات بتاعته بنوع نضيف برضه ومشيت .. الدخنه اختفت لكن لسه برضه لما بركن العربيه شويه بلاقي تحتها زيت رجعت للافندي تاني قللي غير جوان الكرتيره بتاعت الزيت وقد كان ومشيت ولقيت نفس المشكله رجعتله قللي غير اويل سيل كرنك وحاجه تانيه مشفاكر هيا ايه سبته و رحت لميكانيكي تاني فك حاجه اسمها الاكسراتير تقريبا ( يمين العمه اللي مغطيه فلتر الهوا)ورش فيه من سبراي معاه وقعد يلعب فيه وركبه والعربيه معدتش بتجيب زيت بعدها وانا اطمنت بصراحه ومشيت على كده طبعا في فترات التغيير دي وبناء على كلام الميكانيكي حطيت زيت التعاون عشان اغسل السلندر زي مقاللي وبعدين نزلته بعد يوم وحطيت بترومين 40 معجبنيش بعد حركه الاكسراتير دي حطيت شل الاحمر وغيرته على 2000 كيلو وبعدين شل الاصفر وماشي بيه لحد الان عامل 3000 كيلو .... انا عارف اني طولت عليكم بس اصلي كنت بفكر اني طالما غيرت وش السلندر بواحد جديد (حسب معلوماتي المتواضعه جدا) طيب ماحط زادو تخليقي 5-50 وخلاص بدل المعدني اللي هوا 20-50 وحكيتلكم القصه كلها عشان لو في حاجه اخد بالي منها