الموضوع: تجربة زيت المحرك زادو 5w-40 sn

انا حبيت انقل لكم تجربتى مع زيتXado الهولندى لو حد يجب يستفيد منها .
انا كنت متعود اغير زيت شل الترا التخليقى فى عربيتى الاوكتافيا موديل 2010 و شوفت اعلانات زادو و لما قريت عنه والشهادات اللى اخدوها من شركات محترمة زى BMW و MB و VOLVO و VW اطمنت و كمان عجبتنى قوى تكنولوجيا الريفتالزنت المميزة اللى عندهم واخدين فيها براءة اختراع وهي جزيئات بتحمى الموتور من الاحتكاك و التآكل بتعمل سطح صلب املس على اجزاء المحرك عشان تحافظ عليه وتطول عمره لان زى ما كلنا عارفين ان اهم الاسباب اللى بتقلل عزم المحرك و تضعفه هو التآكل اللى بيسسبه الاحتكاك مع الضغط و الحرارة العالية جوا الموتور .
عندهم اضافات بتكنولوجيا النانو للعربيات الجديدة والمستعملة بتحسن الكبس فى الموتور و بتحافظ على الشمايز من التآكل لمسافة 100.000 كيلو واضافات فتيس وكرونا و فى كتالوج الشركة من تجاربهم ان العربية ممكن تمشى من غير زيت موتور لمسافة 5000 كم او من غير زيت فتيس لمسافة 1000 كم لو نزلوا من العربية لعطل طارىء بعد استخدام المادة دى .
ودى صورة الزيت :





العبوة شكلها حلو و اوربى بس لاحظت ان العبوات اللى موجودة على النت كلها معدن و اللى موجودة هنا بلاستيك و لما سالت الشركة قالوا ان زادو بتعبى الزيت فى عبوات معدن و بلاستيك وهما نزلوها فى عبوات البلاستيك لانه هو ده اللى ماشى فى مصربالنسبة للزيت .
بالنسبة للاداء الزيت الحمد لله كويس جدا ونزلته بعد12000 كيلو و الفرق واضح من حيث البخر والسحب بقا احسن كتير برغم ان وزن العربية كبير و سواقتى رياضية الى حد ما و فيها سفر كتير لبورسعيد و اسكندرية مع التكييف و الحرارة العالية اللى احنا فيها اليومين دول و صوت الموتور بقا انعم من الاول ممكن يكون بسبب الجزيئات اللى بتزود التشحيم و تقلل الاحتكاك .
سعره معقول ب 270 جنيه ارخص من معظم الزيوت اللى فى السوق و ما زادش بعد هوجة الزيادات الاخيرة المبالغ فيها .
جميل اننا نلاقى زيوت بالتكنولوجيا دى متوفرة فى مصر بس المهم انهم يحافظوا على مستواهم