حل مشكلة أزمة البنزين بالصور

**عصام غنايم** · 22-06-2013 08:24 PM

شوف رغم اني نفسي ان ده ميحصلش لكن لو الكارت الذكي اتحقق هيظبط الدنيا كتيير

ليه
هتفرق مع الناس اللي مش فارق معاهم وبيستهلكوا بنزين بالهبل
طب ماهو بيدفع؟
اه هو بيدفع بس بنزين مدعم لكن لما تدفعه القيمة كامله العمليه هتظبط
طب واحنا نعمل ايه؟
احنا نحاول نضغط نفسنا شويه ومع الوقت هنتعود...وربنا يتولانا بقي

الكارثه ان رمضان شكله كده هيكون فيه صيام عن البنزين كمان

على فكره فعلاٌ الكارت لو اشتغل الدنيا هتزبط كتير

لأن السبب الرئيسى للأزمه دلوقتى هو السوق السوداء

اى بنزينه بلاقى اللى واقفين بالجركن اكتر من العربيات اللى بتمون

وطبعاٌ يملو الجركن مدعم العشرين لتر ب 37 جنيه ويتباع سوق سوداء ب 110 جنيه قدام عينى

منهم لله هما واللى سايبهم يعملوا كد بدون اى خوف من الحساب

**عصام غنايم** · 22-06-2013 08:26 PM

تسلم ايدك يابو فارس ..
نصايح غاليه في وقت صعب..

مهو اللى خلانى انزل الموضوع ده دلوقتى بالزات الأزمه الطاحنه فى البنزين اللى بنعانى منها فى دمياط اليومين دول

الا صحيح انت بتمون منين يا فادى ؟

اصل اخوك دايخ على البنزينات

**عصام غنايم** · 23-06-2013 09:38 PM

وهي على ما أتذكر إن نقطة الإنقلاب في منحنى إستهلاك الوقود والسرعه كانت عند 90 كم/ساعه.

الفكره هنا ان فى قانون فى الفيزياء بيقول ان كل جسم بيحاول يحافظ على حالته ( الساكن بيقاوم التحرك والمتحرك بيقاوم التوقف )

فلذلك السياره منين ما اخدت القوه الدافعه بتاعتها واتحركت ممكن بأقل استهلاك للوقود انك تحافظ على معدل تحرك ثابت طالما مبتحولش تزود سرعتك

ودى فكرتى العربيه فى حالة حركه
بدون اى محاوله لزيادة السرعه
بأقل استهلاك بنزين وعلى اقل عدد لفات للموتور وعلى اصغر ترس ( الخامس )

هتمشى اكبر مسافه بأقل كمية بنزين

**عصام غنايم** · 23-06-2013 09:42 PM

الف شكر نصايح غالية اوى بس دا بلنسبة للمنوال لكن الاتوماتك استهلاك عالى الان الحرق شغال على طووووووووول

حتى فى الأوتوماتيك

عقل الفتيس والكومبيوتر بيحس بدوسة رجلك لو هاديه بيدى للعربيه الغيارات بتاعتها كامله على اقل سرعه وباقل استهلاك

وهتلاقى الموضوع ده باين اوى فى الفتايس الجديده يعنى لو ماشى على الهادى هتلاقى الفتيس ال dsg مثلاٌ واخد الغيار السادس على سرعة 80 كيلو

**عزيز محمد** · 26-06-2013 11:36 AM

تسلم إيدك على النصايح الهايلة دي

لكن إسمحلي النصيحة دي مش في محلها

المشاركة الأصلية كتبت بواسطة عصام غنايم

7 بقدر المستطاع حاول تستخدم القصور الذاتى ازاى ؟
يعنى فى منزل كوبرى مور العربيه وسيبها تجرى لوحدها هتوفر كتير

خطر جدا ترك العربية تسير على وضع المور خصوصا على منزل، لإنك لو احتاجت تفرمل هتحتاج قوة فرملية كبيرة وهيقف عبء التوقف بالكامل على فرامل العربية (دون أن تساعدها فرملة الموتور) وجايز جدا ساعتها الفرامل وحدها ما تقدرش توقف العربية في المسافة أو التوقيت المناسب وفي أحسن الأحوال الفرامل هتسخن جدا عشان الحمل عليها هيكون كبير

الصح: إدي العربية غيار عالي (رابع أو خامس حتى) وارفع رجلك من على دواسة البنزين، هتلاقي العربية بتجري لوحدها لكن برضه الموتور مكتفها فلو حبيت توقفها لأي سبب مفاجء هتكون استجابة الفرامل أفضل بكتير

النقطة دي اتناقشت كتير في المنتدى وتم الوصول للنتيجة التي أنصح بها (في المنازل إوعى تمور، إدي غيار عالي وسيب دواسة البنزين)

مع خالص التحية

**waelautoart** · 26-06-2013 11:39 AM

اللة عليك نفسى اعمل كدة واالة

-

الموضوع: حل مشكلة أزمة البنزين بالصور

LinkBack

أدوات الموضوع

عرض

-

-

-

-

المواضيع المتشابهه

أزمة البنزين ومؤشر البنزين لعربيتى الكورولا 2003 مانيوال

بالصور أزمة البنزين تضرب طنطا بعنف يوم وقفة عيد الأضحى

مشكلة عوامة بنزين 2105 و أزمة البنزين

البنزين بقي يتشفط من بعد أزمة البنزين .. أستهلاك عالي ... حد بيحصل عنده كدة ؟

الكلمات الدلالية لهذا الموضوع

المفضلات

المفضلات

ضوابط المشاركة