الموضوع: حل مشكلة أزمة البنزين بالصور

تسلم إيدك على النصايح الهايلة دي

لكن إسمحلي النصيحة دي مش في محلها

اقتباس
المشاركة الأصلية كتبت بواسطة عصام غنايم



7 بقدر المستطاع حاول تستخدم القصور الذاتى ازاى ؟
يعنى فى منزل كوبرى مور العربيه وسيبها تجرى لوحدها هتوفر كتير



خطر جدا ترك العربية تسير على وضع المور خصوصا على منزل، لإنك لو احتاجت تفرمل هتحتاج قوة فرملية كبيرة وهيقف عبء التوقف بالكامل على فرامل العربية (دون أن تساعدها فرملة الموتور) وجايز جدا ساعتها الفرامل وحدها ما تقدرش توقف العربية في المسافة أو التوقيت المناسب وفي أحسن الأحوال الفرامل هتسخن جدا عشان الحمل عليها هيكون كبير

الصح: إدي العربية غيار عالي (رابع أو خامس حتى) وارفع رجلك من على دواسة البنزين، هتلاقي العربية بتجري لوحدها لكن برضه الموتور مكتفها فلو حبيت توقفها لأي سبب مفاجء هتكون استجابة الفرامل أفضل بكتير

النقطة دي اتناقشت كتير في المنتدى وتم الوصول للنتيجة التي أنصح بها (في المنازل إوعى تمور، إدي غيار عالي وسيب دواسة البنزين)

مع خالص التحية

نصيحتى فى محلها لسبب

انا بقول تسيب العربيه على السلانسيه ( مش تطفيها )

العربيه على السلانسيه هيبقى باور الدركسيون شغال عادى وكمان فى فاكيوم من المانفولد الى السيرفو قادر على توقيف العربيه

ولو تلاحظ هتلاقى العربيه وهى على سرعه لو خليتها على وضع المور هتلاقى ال rpm على 1500 لفه ومش هينزل ل 800 لفه الا لما العربيه تقف

فالمصنع عامل حساب النقطه دى كويس


بالنسبه للفرمله بالموتور فأنا لا انصح بها نهائى الا فى حالات خاصه جداٌ

الفرمله بالموتور بتقصر عمره وبتبوش السبيكه وبتفسخ قواعد الموتور

ده غير انها بتأذى الفتيس

وبعدين لو سيبت العربيه على الخامس وسيبت العربيه تجرى لوحدها بالقصور الذاتى الموتور بدون بنزين هيكتف العربيه وهيسرع توقفها ومش هتستفاد بطاقة القصور الذاتى الكامنه فى جسم العربيه