الموضوع: مشكله مع توكيل نيسان ومحتاج مساعده الخبراء

السلام عليكم ورحمه الله وبركاته اعضاء قسم نيسان المحترمين .
عندي مشكله ومحتاج مساعدكم في حلها كان ازاز العربيه بتاعتي سوبر صالون موديل 2012 اتكسر اول ما اشتريتها رحت غيرته في التوكيل وبعد مركبوه لقيت الكاوتش الي من تحت عند الكبوت مش ملزوق كويس فقلتلهم عليه قالولي معلش سيبه ينشف وتعالي في صيانه الخمس الاف نلزقلق الحتت الي ممسكتش كويس روحت في صيانه الخمس الاف قالولي معلش الممختص مش موجود روحت في صيانه العشر الاف نفس الكلام روحت في العشرين بعد حوالي سنه قالولي معلش تعالي كمان اسبوعين نعملهولك روحت امبارح قعدوني من الساعه 12 لحد 4:30 وفي الاخر قالولي مش حينفع نعمله عشان مش راضي يلزق لان الكاوتش نشف من الشمس حضرتك بتقف في حتت فيها شمس ؟؟؟؟ طبعا انا مقدرتش امسك نفسي بس قلت بلاش ترد واسمع للاخر قالولي حنعرض المشكله علي المسؤول ونشوف اذا كنت حتغيره علي حسابك ولا حنغيرهالك احنا بس اصلا الكاوتشه دي مش موجوده . قلتلهم يعني انا بقالي سنه ونص وفي الاخر تقولولي تعملها علي حسابك بعد اذنك انا عاوز اقابل المسؤل ده . دخلني لواحد جوه من الصبح وانا شايف كل شويه عميل بيتخانق معاه جيت اكلمه اصلا مبيصليش وطلع مع المهندس الي استلم العربيه وقاله .... ابعتله عليها للمسؤول ؟ قلتله يعني ايه ايه الي حضرتك اضفته مهو قالي نفس الكلام . وقالي انت المسؤول . قالي خلاص اعتبر نفسك مشوفتنيش . طبعا انا مشوفتش بعدها حاجه غير والناس بتشدني وتهديني وتقولي كفايه كده . انسان بجد غير مسؤل بالمره وغير مهذب تماما . بس خد الي فيه النصيب المهم المهندس الي استلمها مني قالي حضرتك انا حبعتلك عليها واكلمك . كلمت خدمه العملا قالولي حنكلمك والاتنين وعدوني حيرودا عليا امبارح ولا الهوا . فدلوقت انا محتاج نصيحتكم اعمل ايه لان الغلطه من الاول غلطتهم بسبب التركيب السيء وكمان اصلا طالع من كل حته سليكون والعربيه وانا ماشي بيها وقافل الازاز عماله تدخل هوا من قدام بسبب سوء التركيب من الاول . فياريت لو حد عنده نصيحه يفيدني بيها وللعلم ده كان توكيل نيسان الي قدام سور المطار . وشكرا ليكم جميعا