ما هي السيارات التي يعمل كباس المكيف الخاص بها بالكهرباء بدون سير ؟؟؟؟؟؟؟؟؟؟؟؟؟؟؟؟؟؟؟

**MOHAMED ABD EL SHAFY** · 30-08-2008 01:05 PM

ايوه بالظبط لو التكييف كويس مش هيسخن الموتور وذلك لقيام مروحة التكييف المساعدة فى التبريد
ولكن معظم السيارات ال 1300 سىسى والاقل بيظهر فيها السخونة دى (السيارات القديمة)

**amrnader** · 30-08-2008 03:02 PM

المشاركة الأصلية كتبت بواسطة Mohamed Elsheikh

انا سمعت انه مكيف الهوندا سيتي 1500 شغال باكهرباء و مش بيحمل على الماتور و الله اعلم
ياريت حد من الاخوة مالكي هوندا سيتي يوضح لنا

الكلام ده فتى. التكييف بيأثر على الموتور ال 1500 و بشكل ملحوظ جدا و ممكن يضايقك لو عايز تشد.

**فادى** · 30-08-2008 03:40 PM

المشاركة الأصلية كتبت بواسطة mohamed Abd El Shafy

من الموقع اللى حضرتك حطيتة فعلا فيه تكييف يعمل بالكهرباء ويزود للسيات العادية مثل لكزس وبى ام
يعنى بكدا الفكرة ممكن تتطور ويتعمل لكل السيارات ويفر فى السحب والبنزين وبكفائه اكبر
بس اكيه هنعوز نكبر الدينامو سنه وامبير البطارية مثلا لو 70 امبير تبقى 90 امبير وبكدا تتحلا المعضلة بتاعت التكييف

لو افترضنا اننا هنشغل التكييف على محرك كهربائى, هناخد كفاءة أقل مش أكتر, لسبب بسيط,
احنا فى النهاية عندنا مصدر واحد للطاقة فى السيارة, هو المحرك,
لو افترضنا انو الكباس كهربائى يبقى هناخد طاقة كهربائية بطريقة غير مباشرة, يبقى احنا عندنا فواقد الدينامو العادية+فواقد المحرك الكهربائى, ده غير انو وزن العربية هيزيد لأن المحرك الكهربائى أصلا وزنه تقيل, و بكده هيزيد استهلاك البنزين و تقل سرعة السيارة.
و سحب العربية هيقل مش هيزيد لأن الطاقة لا تفنى و لا تستحدث, سواء شغلت الكباس مباشرة من المحرك, أو عن طريق الدينامو فى النهاية الطاقة مفقودة من محرك السيارة, و هتكون بدرجة أكبر فى حالة الكباس الكهربائى.

**ahmed1981** · 30-08-2008 04:31 PM

المشاركة الأصلية كتبت بواسطة فادى

لو افترضنا اننا هنشغل التكييف على محرك كهربائى, هناخد كفاءة أقل مش أكتر, لسبب بسيط,
احنا فى النهاية عندنا مصدر واحد للطاقة فى السيارة, هو المحرك,
لو افترضنا انو الكباس كهربائى يبقى هناخد طاقة كهربائية بطريقة غير مباشرة, يبقى احنا عندنا فواقد الدينامو العادية+فواقد المحرك الكهربائى, ده غير انو وزن العربية هيزيد لأن المحرك الكهربائى أصلا وزنه تقيل, و بكده هيزيد استهلاك البنزين و تقل سرعة السيارة.
و سحب العربية هيقل مش هيزيد لأن الطاقة لا تفنى و لا تستحدث, سواء شغلت الكباس مباشرة من المحرك, أو عن طريق الدينامو فى النهاية الطاقة مفقودة من محرك السيارة, و هتكون بدرجة أكبر فى حالة الكباس الكهربائى.

كلام سليم هندسيا
ولكنه مبني على فرض أننا سنستخدم نفس الفريون وبالتالي سنحتاج لنفس القدرة المطلوبة (وهذا الفرض غير صحيح وبالتالي فالنتيجة بنيت على فرض غير صحيح فلا يؤخذ بها)

لكن الحقيقة أنه سيتم إستخدام فريون آخر ذو كفاءة أعلى وأقل في إستهلاك الطاقة والذي لا يصلح للإستخادم في الكباس الغير محكم القفل والذي يدار بالسيور وليس بمحرك كهربائي غاطس بالداخل (مثل كباس الثلاجة مثلاً)
أتمنى تكون فهمتنى يا أستاذ فادي

**فادى** · 31-08-2008 12:26 PM

المشاركة الأصلية كتبت بواسطة ahmed1981

كلام سليم هندسيا
ولكنه مبني على فرض أننا سنستخدم نفس الفريون وبالتالي سنحتاج لنفس القدرة المطلوبة (وهذا الفرض غير صحيح وبالتالي فالنتيجة بنيت على فرض غير صحيح فلا يؤخذ بها)

لكن الحقيقة أنه سيتم إستخدام فريون آخر ذو كفاءة أعلى وأقل في إستهلاك الطاقة والذي لا يصلح للإستخادم في الكباس الغير محكم القفل والذي يدار بالسيور وليس بمحرك كهربائي غاطس بالداخل (مثل كباس الثلاجة مثلاً)
أتمنى تكون فهمتنى يا أستاذ فادي

معنديش علم بأنواع الفريون المختلفة و لكن برضو عندنا مجموعة مختلفة من المشاكل,
أولا الكباس محتاج محرك كهربائى, و المحرك الكهربائى وزنه تقيل عموما (لأنه صب مش مفرغ زى محرك الاحتراق الداخلى), و بكده هتقابلنا مشكلة زيادة وزن السيارة, ده بالاضافة الى أننا هنضطر نكبر الدينامو و ربما البطارية و ده هيضيف وزن كبير للسيارة, و لا تنسى أن تكييف السيارة لازم تكون قوته الكبيرة لأن السيارة مش معزولة عن الحرارة الخارجية زى الغرف العادية.
و بكده نكون زودنا وزن السيارة بشكل كبير و بالتالى هيقل الأداء و رشاقة السيارة و هيزيد استهلاك البنزين,
أعتقد انو الصح هو استخدام كمبرسور صغير عشان ميحملش على المحرك بشكل كبير, و لو انو كفاءة التكييف هتقل, لكن الأداء هو الأهم دائما.

**MOHAMED ABD EL SHAFY** · 31-08-2008 01:57 PM

المحرك الكهربائى لن يتعدى 10 او 15 كيلو بالكتيير لان وزنة وحجمة هيكون مماثل بالظبط للدينامو الن الدينامو هو محرك كهرباء يعمل بطريقة عكسية.
بالنسبة للكومبرسور التكييف المنزلى بيكون حجمة (بدون الصندوق طبعا) مش كبير اوى وبيغطى غرفة مثلا 3 فى 4 فى 3 ارتفاع = 36 متر مكعب هواء بالنسبة والتناسب للسيارة
3فى 2 فى 1.5 = 9 متر مكعب تقريبا اى ربع الحجم تقريبا.
يعنى موضوع الاحجام والاوزان مش هيا المشكلة اطلاقا

**MOHAMED ABD EL SHAFY** · 31-08-2008 02:02 PM

لو استطعنا اخذ طاقة حركة من العجل برولمان بلى بدون تاثير واضح على عزم العجل وتغذية دينامو اضافى (او تكبير الدينامو الاصلى ) وتكبير البطارية من 55 امبير الى 70 امبير (كمثال)
وغذينا الكومبريسور بالكهرباء واستخدام نوع فريون نسبة انضغاطة اقل من المستخدم حاليا هنحصل على النتيجة
لانها بالفعل حصلت فى السيارة الكهربائية يعنى اتعملت

**ahmed1981** · 31-08-2008 03:56 PM

المشاركة الأصلية كتبت بواسطة فادى

معنديش علم بأنواع الفريون المختلفة

في الحالة دي هيكون تقييم حضرتك منقوص لأن الفريون هو مربط الفرس في هذه الفكرة (معذرةً)

لأنه من الممكن الحصول على كفاءة تبريد واحدة من كباسين بإستخدام نوعين مختلفين من الفريونات ولكن أحد الكباسين يستهلك ثلثي الطاقة التي يستهلكها الآخر بسبب إختلاف نوع الفريون

المشاركة الأصلية كتبت بواسطة فادى

و لكن برضو عندنا مجموعة مختلفة من المشاكل,
أولا الكباس محتاج محرك كهربائى, و المحرك الكهربائى وزنه تقيل عموما (لأنه صب مش مفرغ زى محرك الاحتراق الداخلى), و بكده هتقابلنا مشكلة زيادة وزن السيارة,

ياريت تبص على كباس الثلاجة عندك في البيت

المحرك الكهربائي والكباس يكونان وحدة واحدة ووزنة قد يزيد واحد كيلو جرام عن الكباس العادي الذي يوصل بالمحرك عن طريق السير
أنا معاك إن واحد كيلو جرام ممكن يفرق في سباق سيارات الفورميولا وان
لكن مش هيفرق واحد ولا خمسة كيلو ولا عشرة كيلو في سيارات الركاب الخاصة

المشاركة الأصلية كتبت بواسطة فادى

ده بالاضافة الى أننا هنضطر نكبر الدينامو و ربما البطارية و ده هيضيف وزن كبير للسيارة

كبير إيه يا راجل
صلي على النبي (عليه الصلاة والسلام)
هنزود وزن الدينامو كيلو مثلا وهذا فقط في حالة أن الدينامو القديم لم يتحمل (وإن كنت أرى أنه سيتحمل)
لكن برضه هنزود وزن الدينامو كيلو بحاله (هو أصلاً وزنة على بعضه إثنين كيلو ونص)
والبطارية هنزود وزنها إثنين كيلو في حالة فقط أن البطارية القديمة لم تتحمل (وإن كنت أرى أنها ستتحمل)

وبالتالي فإن مجموع الأوزان الزيادة هو:
3 كيلو من الكباس وموتوره (كوحدة واحدة) + 1 كيلو من الدينامو + 2 كيلو من البطارية
المجموع = 5 كيلو جرام زيادة
ومع التقريب = 10 كيلو جرام زيادة
لكن مش:

المشاركة الأصلية كتبت بواسطة فادى

و ده هيضيف وزن كبير للسيارة

المشاركة الأصلية كتبت بواسطة فادى

و بكده نكون زودنا وزن السيارة بشكل كبير و بالتالى هيقل الأداء و رشاقة السيارة و هيزيد استهلاك البنزين,

ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــ
ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــــــــــــ ــــــــــــــــــ

المشاركة الأصلية كتبت بواسطة فادى

و لا تنسى أن تكييف السيارة لازم تكون قوته الكبيرة لأن السيارة مش معزولة عن الحرارة الخارجية زى الغرف العادية.

التعديل أساساً سيكون بنفس سعة الكباس وبالتالي نفس الكفاءة إن لم يكن أفضل
محدش قال إننا هنحط واحد صغير بتاع توك توك مثلاً

ولا أنسى أن أشكرك يا أستاذ فادي على إهتمكامك

**ahmed_su** · 01-09-2008 12:05 AM

شركة ساندن هى شركة يابانية لانتاج كمبيرسور التكيف ولها مركز تطوير وابحاث فى الولايات المتحدة
وعلى موقعها على النت بتقول انها بدأت فى تطوير كمبيرسور كهربائى للسيارت الكهربائية والهاجينة من سنة 1990 وانه حاليا بتنتجه للسيارات الجيل الحديث العادية
وان كانت لم تصل الى السعات التبريدية لنفس الكمبيرسور الميكانيكى ويتطلب زيادة سعة البطاريات المستخدمة فى السيارة وزيادة شدة التيار المنتج من الدينامو

صورة لكمبيرسور كهربائى من انتاج ساندن الجيل القديم

صورة لكمبيرسور كهربائى من انتاج ساندن الجيل الجديد مزود بوحدة تحكم الكترونية

لمواجهة متطلبات التكيف للاحمال المختلفة

-

الموضوع: ما هي السيارات التي يعمل كباس المكيف الخاص بها بالكهرباء بدون سير ؟؟؟؟؟؟؟؟؟؟؟؟؟؟؟؟؟؟؟

LinkBack

أدوات الموضوع

عرض

-

-

-

-

-

-

-

-

المواضيع المتشابهه

مشكله ضعف كباس المكيف ابيزا 2006 وتعديله؟

حد عيز يرفع الكبوت او الشنطة بالكهرباء عن طريق موتير بالكهرباء

استفسار ضروري عن نظام التقسيط بدون فوائد الخاص بالشركة المصرية للسيارت

ماهي خلفية الشاشة المفضلة التي تضعها على جهاز الكمبيوتر الخاص بك ؟

الكلمات الدلالية لهذا الموضوع

المفضلات

المفضلات

ضوابط المشاركة