الموضوع: تحذير من محل فتح الباب بشارع دمشق

دى صور التيلين بالعلب بتاعتهم

ده الايطالي







ده الالمانى








الاختلافات بينهم ..
العلبة الايطالي اكبر سيكا من العلبة الالمانى
العلبة الايطالي فيها كتالوج صغير كده وفي حوالي 4 مسامير تقريبا ومش موجودين في التيل الالمانى
العلبة الالمانى التيل فيها متغلف كما في الصورة الايطالي مش متغلف
العلبة الايطالي الرسم اللى على العلبة نفسها اوضح شوية العلبة التانية لونها بهتان ولو ركزتوا هتخدوا بالكوا

المشاركة الأصلية كتبت بواسطة Moratoz

العلبتين مش اصلي الايطالي اصلا مضروب لان شكل ألعلبه خشن قوي ودي مش علب الاصلي وكمان شكل التيل في نحاس كتير وهيخليه يصفر والأصلي اصلا مش ايطالي
ألعلبه الالماني بردة مش اصلي لأن بيجي معاها المسامير الصغيرة الموجودة في ألعلبه الايطالي وانا كنت شرائه من ٦ اشهر قبل الدولار ما يعلي بحوالي ٣٢٥ ج

الله يطمنك .. طب تمام كده التيل الالمانى ده مضروب مليون الميه يعني مظلمتهمش ..

بس انا كده احترت في الايطالي ده

كلامك عالتيل الألماني مضبوط ١٠٠% أنا إنهاردة كنت في التوفيقية والراجل جابلي تيل خلفي زي إللي حضرتك حاطه في الصورة إللي عليه غلاف 3m ‎وقالي ب ١٥٠ وطبعا عشان أنا كنت لسه قاري موضوع حضرتك قلتله ده ب ١٢٠ وفعلا إدهاولي ب١٢٠
وبالنسبة للتيل الأمامي جبت مايلي ألماني ب ١٩٠ جنيه
وكلمت الحاشمية وقالولي إن الأصلي الأمامي بيبقى ألماني والخلفي بيبقى إيطالي

المشاركة الأصلية كتبت بواسطة moratoz

المحل بتاع التوفيقيه اسمه ايه
وبعد التجربة التيل الأمامي بصفر ولا لأ علشان انا خلاص عايز تيل امامي

مش فاكر اسمه والله بس هو كان جمب محل بتاع سكودا اسمه النيل وبتنزله بكام سلمة لتحت
بس أخويا معاه لانسر بوما وبيشكر في مايلي جدا وهو إللي نصحني أجيبه
وأنا لسه مركبتوش وإن شاء الل حركبه إنهارده أو بكره بالكتير وحبقى أرد لى حضرتك عالخاص بإذن الله
وكان نفسي أجيب الخلفي مايلي برضو بس ملقتش في السوق خالص فقلت ياإما أجيب الأصلي ياإما المضروب لإني سمعت فتي كتير أوي إللي يقولك أصلي شركة ب 270 وإللي يقولك كوبي ب 200 فقلت أريح دماغي وأجيب أبو 120 وأهو فيه من ريحة الحبايب إن نفس شكل العلبة :)