تحذير من محل فتح الباب بشارع دمشق

**mo7a_mo7a** · 25-06-2013 07:20 PM

مفيش في مصر اي رقابة وبردو مفيش ضمير

**MohammedAladel** · 25-06-2013 09:52 PM

المشاركة الأصلية كتبت بواسطة Karim_Monir

طيب فقط لو تم التاكد يا ريت نغير عنوان الموضوع عشان ده تشهير
خاصة انهم كانو بيتعاملو مع المنتدي قبل كدة والناس كانت بتقول عليهم كلام كويس جدا
وكانو بيعملو خصم 10 % للمنتدي

أنا هقول لحضرتك حاجة يا أستاذ كريم

أنا مثلا دخلت توكيل nike فى المهندسين كنت شارى كوتش نايك من عندنا من المنيا ب 160 جنيه تقريبا

دخلت شفت زيه بالظبط ب450 بعد الخصم .... وكمان مكدبوش عليا وقالوا لى دا هاى كوبى !

نفس الكلام بتاع المحلات والعروض دى

السعر بتاع الحاجة 100 جنيه .... طيب عشان خاطر عيون الحبايب يبقى خصم 10 جنيه بس وقتها يحاسبك على أنها أصلا ب 110 ويبقى عمل معاك الواجب وتبقى ماشى من عنده منشكح ومبسوط

**zangry** · 26-06-2013 01:07 AM

مساء الخير

انا سافرت الصبح وانا في طريقي روحت توكيل سكودا (عقل) وشوفت التيل وطلع ايطالي ومش الماني نهائي وحالوا تتأكدوا .. روحت المحل في شارع دمشق الساعة 12 كده وقابلت الراجل اللى اداني التيل وقولتله ان التيل عندي مليان عشان يرضي يرجعه مرضتش اقوله مضروب قولت ممكن يعمل مشكلة وميوافقش المهم الراجل وافق يرجعه ورحب بينا وغيرت التيل وجبت مكانه طنبورة ادام ودفعت الفرق وقالنا لو عايزين الفلوس احنا تحت امركم

الراجل كان بيتكلم تحس فعلا ان التيل اصلي وانه مش عارف انه مضروب بيتكلم بثقة عالية جدا واحنا حاجاتنا اصلي وتوكيل !! :d الله اعلم بالنوايا بس متحسش انه بيشتغلنا :d

اخر حاجة هقولها .. محدش يقولي تاني التيل اللى ورا الماني .. وخدوا دى كمان .حاجات الباسات فرنساوي مش الماني :d

**Moratoz** · 26-06-2013 08:32 PM

الحمد لله ان الموضوع خلص عن حضرتك علي خير والمهم الطنبورة برده اشتغاله ولا انتا عارف انها مش اصلي وعلي فكرة المحلات دلوقتي بيقولوا علي المنتج الكوبي اصلي انا كنت بسأل علي كوبان داخلي في فتح الباب ومحل تاني اسمه الفؤاد المحلين قال لي الفردة ب ٤٠٠ جم قلتلهم اصلي وب ٤٠٠ جم ازاي قال لي لَا دا كوبي زي الاصلي بالظبط والضمان كمان