الموضوع: تكييف الاويل

انا عندي العربية التكييف فيها مش كان بيسقع المهم رحت لكهربائي وحطتها على كمبيوتر غريب خاص بالتكييف ولقى ان بلف ال comperser عاوز يتغير وغيرة وسقع بس حاسس لنه مش التسقيع اللي هو لاني كنت راكب عربية سيراتو وشوفت فيها التكييف حكايه ... المهم في برضو زرار اللي عليه رسمه عربيه وفيها سهم اللي هو بيدور الهوا جوا السيارة المهم كان مش بينور فغريته فكنت عاوز اعرف ازاي انه شغال هل فقط من اللمبة ولا في حاجة تانيه
والعربية لما يكون التكييف على 2 بحس انه مش قوي هل ده طبيعي في الاوبل ولا ايه الحكايه

الألمان فاشلين في موضوع التكييف ، بس قطع غياره غالية ع الفاضي
وعشان كده أنا بفكر في امكانية الاستعانة بتكييف ياباني أو حتى كوري
بس لسه بجمع معلومات
لا تحزن

المشاركة الأصلية كتبت بواسطة فادى محمد

-تكييف الاوبل بوضع بلادها حلو جدا مش وحش بس هو بيحتاج وقت اطول من مثيله الاسيوي
علشان يسقع
-تغيير فلتر الفريون بياثر كتير جدا علي كفاءه التبريد
-تعرف ازاي ان الريسيكل شغال ولا لا؟؟
-افتح المروحه علي السرعه4 من غير تكييف ولا حظ الصوت- اضغط علي زرار الريسيكل . لو الصوت اصبح اعلي مما كان يبقي انت كده شغلت الريسيكل والعكس صحيح وغالبا هتلاقي لمبه البيان بتاعه المفتاح محروقه

استاذ فادي .... الشخصية المحترمة
انا هعمل اللي حضرتك بتقوله في الريسيكل بس اناتقريبا جربت الكلام ده واتذكر اني محستش بتغيير
طيب انا بكرة هاعمل الموضوع ده ولو محستش بالصوت ده يبقى ايه العيب
ثانيا : فعلا التكيف انا شوفت بياخد وقت علشان يبرد ....طيب هل لو الريسكل شغال التكييف يظبط العربية كلها
ثالثا : في اكورة جنب اكورة الحرارة اللي هيا مسئولة عن موضع خروج الهوا ... ايه افضل وضع احطه فيها
................. شكرا جزيلا ليك يااستاذ فادي يا خبرة

المشاركة الأصلية كتبت بواسطة فادى محمد

-تكييف الاوبل بوضع بلادها حلو جدا مش وحش بس هو بيحتاج وقت اطول من مثيله الاسيوي
علشان يسقع
-تغيير فلتر الفريون بياثر كتير جدا علي كفاءه التبريد
-تعرف ازاي ان الريسيكل شغال ولا لا؟؟
-افتح المروحه علي السرعه4 من غير تكييف ولا حظ الصوت- اضغط علي زرار الريسيكل . لو الصوت اصبح اعلي مما كان يبقي انت كده شغلت الريسيكل والعكس صحيح وغالبا هتلاقي لمبه البيان بتاعه المفتاح محروقه

استاز فادي.... مع احترامي الشديد لكلام حضرتك .. انا والدي معاه النترا 2006 وصيانه التوكيل من الزيرو. بس والله لما بنكون رايحين نصلي يوم الجمعه وننزل نركب العربيه في الجو النار ده , التكييف استحال يستجيب ويسقع العربيه المولعه اللي بايته في الشمس الا بعد 10 دقايق وغالبا بنكون وصلنا المسجد خلاص...
انما الحال مختلف تماما مع عربيتي ولله الحمد , انا عربيتي فيكترا بي 2 موديل 2000 الماتور الاسود, اقسم بالله لما اكون نازل الظهر في عز الشمس , الفيكترا التكييف بيحولها تلاجه في اقل من 5 دقائق طبعا المروحه علي سرعه 4 بس بعد شويه بخليها واحد او اتنين .
انما بالييل (يعني مثلا انمبارح) كنت مشغله علي سرعه واحد واختي تقولي اقفله انا سقعت ... اقوم قافل الزرا بتاع تدوير الهوا علشان يخف شويه..........
قبل ما اي واحد يحسدني ..... احب اقوله اني اول ما جبت العربيه روحت شحنتها عند سكارو وجبت حساس ب 150 جنيه استيراد والعمليه كلفت حوالي 300 جنيه بس للاسف الحساس ضرب والفريون سرب بعد 4 ايااااااااااااااااااام فقط
وروحتله تاني وجابلي المره دي حساس صيني ب120 وشحن ب 180 وابره ب30 وفلتر ب60
يعني حوالي 400 جنيه . والحمد لله العلربيه ماشيه زي الفل بقاها حوالي 4 شهور....
من الاخر الفيكتر لو تكيفها مظبوط هتستكتع بيها بجد

[QUOTE=فادى محمد;3875065320]ربنا يكرمك..
1- لو مفيش تغيير في الصوت يبقي خاصيه الريسيكل مش بتشتغل عندك ..اما الزرار بايظ او موتور الريسيكل مش شغال .علي اي حال اقفل البوابه بايدك وازنقها باي حاجه (البوابه تحت فلتر التكييف الورق ,تحت التوربيدو الامامي)
2-الريسيكل فايدته انه بيقفل مجري الهوا الخارجي الساخن عن هوا العربيه البارد وانت مشغل التكييف + احيانا لو انت ماشي في مكان فيه دخان او حريق قش رز.... بتشغله علشان ماتشمش الريحه الخارجيه
3-دي بتبقي ازواق .كل واحد حسب راحته . انا شخصيا بفضل وضع ال facial ..
علي فكره ركبت اوبل بتاعت واحد صاحبي تكييفها ماشاء الله حاجه تجيب برد في العضم .
واحنا مسافرين بيها انا سايق وصوابع ايدي الشمال ازرقت من البروده اللي جايه من الهوايه اللي فوق زرار النور .عاوز اوصل لك ان تكييف الاوبل مش وحش وعلي فكره كانت فيكترا 97


فين البوابه دي وكلها ايه ولو الخاصية دي بايظة اصلها ولا مش مستاهلة