اللهم لا شماتة
عشان الناس تعرف بس مين اللي كان صح و مين اللي كان بيفتي
ربنا يعين اصحابها وإن شاء الله تتحل مشاكلهم
عرض للطباعة
اللهم لا شماتة
عشان الناس تعرف بس مين اللي كان صح و مين اللي كان بيفتي
ربنا يعين اصحابها وإن شاء الله تتحل مشاكلهم
انا معاكوا انا عندي نفس المشاكل في النيو صني المقلب الي وقعنا فيه ..... وراكن العربيه بقالها شهر وزهقت منها ومن توكيلها ال....... !!!!!!
مشكلة فعلا الفرامل في العربية دي
العربية حلوة مفيش كلام ومريحني عالآخر بس صوت الفرامل مزعج جدا أنا لسة مرحتش أعمله في التوكيل بس إن شاء الله هحجز وأروح الأسبوع ده
بس بالنسبة ل إن العربية مش بتقف على طول فـأنا متهيألي ده عيب من الكاوتش الصيني اللي راكب لازم يتاخد كده يترمي في الزبالة ويتجاب حاجة كويسة متهيألي هتفرق كتير قوي في الفرملة في حد جرب يغير الكاوتش ؟
انا عندي صوت النحر الامامي ده من اول مشتريت العربيه بيظهر في اول المشاوير ديما ، و ناس قالتلي رطوبه .. و بلغت كذا مره في الصيانه و اخر مره قالي لو مرحش هغيرلك التيل .. يا تري الصوت ده تاكل في الطنابير و لا ايه ؟؟
يا رجالة مش لازم الموضوع يعدى كدة ويموت . لازم نعمل حاجة أو نتجمع ونعمل شكوى جماعية .
انا كرهت اليوم اللى اخترت فية نيسان . انا ندمت انى مخترتش اوبترا او سيراتو
http://www.nilemotors.net/Nile/368527-a.html
ولا اى احترام لعقل العميل .
انا المفروض اغير تيل و طنابير على حساب الضمان و مستنى الطنابير بقالى شهرين مفيش حتى المصنع معندوش حد
هنا لقا طنابير فى اى مكز صيانة
بصراحة العربية دي جربتها مع واحد جاري في نفس الشارع استلمها من اسبوعين وعنده نفس مشاكلكم سبحان الله الفرامل بتعمل صوت كأنها كساح بيفرمل والله بسمعها من الشباك عندي على الشارع انا الدور الاول ساكن وهو بيفرمل علشان يلف الشارع اذا كان يمين ولا شمال اكيد بيوقف العربية يبص على الطريق ويمشي بصراحة الصوت مستفز جدأ بس معندوش مشاكل تانية والحمد لله
ركبت العربية منه وحسيت وسمعت الصوت المستفز ده وحقكم يا جماعة اوعوا تتنازلوا عنه
انا بصراحة حاسس ان في ناس من نيسان هنا في المنتدى والكلام ده حاسه من زمان وشايفه وغيرنا ناس كتير شايفه وقالت عليه العربية باينه في اول ما تركب وتجرب الفرامل يبقى ازاي الناس بتمدح فيها ؟؟؟
يا جماعة حراااااااااام عليكم قولوا رأيكم بحيادية دي فلوس ناس وربنا وحده عارف المصري بيجيب الـ100 الف في حياته ازاي وربنا بيجيبها بعد ما بيكون لحس تراب الارض في الشغل
فعلاً عارف ليه ؟ علشان احنا شعب بيسكت على حقه طيب مستني ايه يحصل لك تاني في العربية علشان تقول عليها سيئة ؟
سيبوني اسأل سؤال ؟؟؟؟ ايه هو أ ب العربيات ؟؟؟؟؟؟؟؟؟
موتور
فتيس
فرامل - ولما بيكون معندكش فرامل يبقى مستني الناس متزعلش ؟؟ تيل فرامل يخلص مع اول 5000 كيلو ده يبقى تيل ايه ده ؟؟؟ ولا انت مستني حضرتك تعمل حادثة لا قدر الله بسبب الفرامل ؟؟؟؟ علشان تقتنع سيادتك ان عندك مشكلة !!!!! بلاش نضحك على نفسنا
دي فرااااااااااااااااااااااا اااااااااااااااامل يا ناس يعني رووووووووووووووووح العربية
عندي مشكلة طقة او طقات صغيرة عند استعمال الفرامل في السرعات البسيطة و بتبان اكتر في الجراج عند النزول من منحدرات و عند الدوس علي الفرامل مع لف الدركسيون طبعا احمد مرعي قالي رجلشة و تنظيف و كده فله بس المشكلة زي ماهي والهندسية علي الصراوي مش لاقين مشكلة من اصله... يا ريت لو حد لقي حل يقول لي انا بصراحة خايف اسافر بالعربية احسن الفرامل تضيعني