رابطة متضرري صني 2013 الجديدة

**A.Adel** · 29-06-2013 01:11 PM

اللهم لا شماتة
عشان الناس تعرف بس مين اللي كان صح و مين اللي كان بيفتي

ربنا يعين اصحابها وإن شاء الله تتحل مشاكلهم

**ahmed452003** · 29-06-2013 02:40 PM

انا معاكوا انا عندي نفس المشاكل في النيو صني المقلب الي وقعنا فيه ..... وراكن العربيه بقالها شهر وزهقت منها ومن توكيلها ال....... !!!!!!

**Yosef_azab** · 29-06-2013 07:54 PM

مشكلة فعلا الفرامل في العربية دي
العربية حلوة مفيش كلام ومريحني عالآخر بس صوت الفرامل مزعج جدا أنا لسة مرحتش أعمله في التوكيل بس إن شاء الله هحجز وأروح الأسبوع ده
بس بالنسبة ل إن العربية مش بتقف على طول فـأنا متهيألي ده عيب من الكاوتش الصيني اللي راكب لازم يتاخد كده يترمي في الزبالة ويتجاب حاجة كويسة متهيألي هتفرق كتير قوي في الفرملة في حد جرب يغير الكاوتش ؟

**gomana85** · 29-06-2013 09:44 PM

انا عندي صوت النحر الامامي ده من اول مشتريت العربيه بيظهر في اول المشاوير ديما ، و ناس قالتلي رطوبه .. و بلغت كذا مره في الصيانه و اخر مره قالي لو مرحش هغيرلك التيل .. يا تري الصوت ده تاكل في الطنابير و لا ايه ؟؟

**مانويل مايكل** · 18-07-2013 07:46 PM

يا رجالة مش لازم الموضوع يعدى كدة ويموت . لازم نعمل حاجة أو نتجمع ونعمل شكوى جماعية .
انا كرهت اليوم اللى اخترت فية نيسان . انا ندمت انى مخترتش اوبترا او سيراتو
http://www.nilemotors.net/Nile/368527-a.html
ولا اى احترام لعقل العميل .

**shady_hamdy** · 20-07-2013 12:30 PM

انا المفروض اغير تيل و طنابير على حساب الضمان و مستنى الطنابير بقالى شهرين مفيش حتى المصنع معندوش حد
هنا لقا طنابير فى اى مكز صيانة

**مانويل مايكل** · 20-07-2013 12:32 PM

المشاركة الأصلية كتبت بواسطة shady_hamdy

انا المفروض اغير تيل و طنابير على حساب الضمان و مستنى الطنابير بقالى شهرين مفيش حتى المصنع معندوش حد
هنا لقا طنابير فى اى مكز صيانة

استهتار بالمستهلك المصرى

**2CODE** · 10-08-2013 06:01 AM

بصراحة العربية دي جربتها مع واحد جاري في نفس الشارع استلمها من اسبوعين وعنده نفس مشاكلكم سبحان الله الفرامل بتعمل صوت كأنها كساح بيفرمل والله بسمعها من الشباك عندي على الشارع انا الدور الاول ساكن وهو بيفرمل علشان يلف الشارع اذا كان يمين ولا شمال اكيد بيوقف العربية يبص على الطريق ويمشي بصراحة الصوت مستفز جدأ بس معندوش مشاكل تانية والحمد لله

ركبت العربية منه وحسيت وسمعت الصوت المستفز ده وحقكم يا جماعة اوعوا تتنازلوا عنه
انا بصراحة حاسس ان في ناس من نيسان هنا في المنتدى والكلام ده حاسه من زمان وشايفه وغيرنا ناس كتير شايفه وقالت عليه العربية باينه في اول ما تركب وتجرب الفرامل يبقى ازاي الناس بتمدح فيها ؟؟؟

يا جماعة حراااااااااام عليكم قولوا رأيكم بحيادية دي فلوس ناس وربنا وحده عارف المصري بيجيب الـ100 الف في حياته ازاي وربنا بيجيبها بعد ما بيكون لحس تراب الارض في الشغل

المشاركة الأصلية كتبت بواسطة مانويل مايكل

استهتار بالمستهلك المصرى

فعلاً عارف ليه ؟ علشان احنا شعب بيسكت على حقه طيب مستني ايه يحصل لك تاني في العربية علشان تقول عليها سيئة ؟

سيبوني اسأل سؤال ؟؟؟؟ ايه هو أ ب العربيات ؟؟؟؟؟؟؟؟؟

موتور
فتيس
فرامل - ولما بيكون معندكش فرامل يبقى مستني الناس متزعلش ؟؟ تيل فرامل يخلص مع اول 5000 كيلو ده يبقى تيل ايه ده ؟؟؟ ولا انت مستني حضرتك تعمل حادثة لا قدر الله بسبب الفرامل ؟؟؟؟ علشان تقتنع سيادتك ان عندك مشكلة !!!!! بلاش نضحك على نفسنا

دي فرااااااااااااااااااااااا اااااااااااااااامل يا ناس يعني رووووووووووووووووح العربية

**waelkhussien** · 10-08-2013 03:16 PM

عندي مشكلة طقة او طقات صغيرة عند استعمال الفرامل في السرعات البسيطة و بتبان اكتر في الجراج عند النزول من منحدرات و عند الدوس علي الفرامل مع لف الدركسيون طبعا احمد مرعي قالي رجلشة و تنظيف و كده فله بس المشكلة زي ماهي والهندسية علي الصراوي مش لاقين مشكلة من اصله... يا ريت لو حد لقي حل يقول لي انا بصراحة خايف اسافر بالعربية احسن الفرامل تضيعني

**saint2011** · 14-08-2013 07:11 AM

المشاركة الأصلية كتبت بواسطة yosef_azab

مشكلة فعلا الفرامل في العربية دي
العربية حلوة مفيش كلام ومريحني عالآخر بس صوت الفرامل مزعج جدا أنا لسة مرحتش أعمله في التوكيل بس إن شاء الله هحجز وأروح الأسبوع ده
بس بالنسبة ل إن العربية مش بتقف على طول فـأنا متهيألي ده عيب من الكاوتش الصيني اللي راكب لازم يتاخد كده يترمي في الزبالة ويتجاب حاجة كويسة متهيألي هتفرق كتير قوي في الفرملة في حد جرب يغير الكاوتش ؟

حضرتك لو دخلت مكتبة القسم هتلاقى أعضاء قدامى غيروا الكاوتش بمجرد أستلامهم للعربية عشان أدركوا ضعف الكاوتش الماكسيس الصينى الردىء وهتلاقى نفسك راكب عربية تانية خالص