رابطة متضرري صني 2013 الجديدة

**حنفى حسن حنفى** · 27-06-2013 12:15 AM

السادة المحترمين نايل موتورز
تحية طيبة وبعد
تشرفت بشراء نيسان صني ٢٠١٣ من المصرية للسيارات ومتابع في الصيانات الدورية مع السبع بالمعادي طبقا لبرامج السيارة وعند عداد كم ٣٠٠٠ كم فوجئت بصوت كصفير القطار عند استخدام الفرامل فقمت بزيارة للسبع الذين قاموا بصنفرة الفرامل ولكن عاد الصوت مرة أخري وعند صيانة ٥٠٠٠ كم اشتكيت من نفس الصوت فقاموا بصنفرة النيل مرة أخري ولكن سرعان ما عاد صوت الصفير وبما أني من اول من قام بشراء النيو صني فاشتركت بالعرض المجاني للصيانة فاشتكيت مرة أخري للمهندس المسؤول فقام بالإجراء المعتاد صنفرة التيل وبعد ذلك اتصل بي مركز السبع للصيانة وأفاد وني بورود مستلزمات صاجة التيل الخلفي وتوجهت اليهم وقاموا باستبدالها ولم أسير بالسيارة سوي ١٠٠٠ كم وعاد صوت الصفير مرة أخري ولإثبات الحالة اتصلت بمركز السبع وأبلغتهم بالأمر للفحص عند صيانة ١٠٠٠٠ كم وتوجهت لعمل صيانة ١٠٠٠٠ كم وأبلغت مهندس الفحص بذلك فادني عند استلام السيارة بانهم قاموا بصنفرة التيل الخلفي وان هذا هو اقصي ما يستطيعون فعله نظرا لرداءة خامة التيل وعدم توفر نوع جيد واستلمت السيارة وصوت الصفير الخلفي بها
وعند عداد ١١٠٠٠ كم تم الكشف علي السيارة لتعدد الشكوى ووجد تأكل في التيل والطنابير وتم تغييرهم بالضمان ولم اتهني بالتيل والطنابير الجديدة إلا وحدث عودة الصوت عند عداد ١٥٠٠٠ كم مع وجود صوت عالي بمروحة المكيف فقمت بالذهاب لعمل صيانة ١٥٠٠٠ ووجد تلف ببلاور التكييف وأبلغت المهندس بالسبع بالمشكلة للتكييف والفرامل فاد بضرورة تغيير ببلاور التكييف وتمت العودة بصنفرة التيل
وما هي إلا ساعات بعد مغادرة التوكيل إلا وعاد صوت صفارة الفرامل مرة أخري
وبعد مرور أسبوعان اتصل التوكيل بي لتغيير البلاور فأبلغه مهندس الصيانة بصوت الفرامل مرة أخري فقام بالعمل المعروف صنفية التيل والطنابير
وما هي إلا ساعات بعد مغادرة التوكيل إلا وعاد صوت صفارة الفرامل مرة أخري
وبعد ذلك تطورت المشاكل بوجود صوت نحر او صرخة عند نقل السيارة لسرعاتها علما بان الفتيس اوتوماتيك ووجود صوت احتكاك رهيب بالكاوتش عند اقل فرملة عند الدورانات وزيادة صوت احتكاك التيل والطنابير
فقمت بالذهاب السبع وأبلغت مهندس الصيانة بالمشاكل الخيرة عاليه وقام بتجربة السيارة معي واستمع لكل الأصوات وبعد ما ابلغني بوجود مشاكل بالفتيس وضروة تغييره مع عمل صيانة ٢٠٠٠٠ فذهبت له لمناقشة الأمر أفادني بان صوت الكاوتش عادي نظرا لخامته السيءة وانه اتصل بالمصنع وقال لي ان الصوت عادى وانه قام بصنفرة التيل فطلبت ضبط الزوايا لوجود صوت احتكاك الكاوتش اثناء الفرملة والدورانات فقام بعملها علي حسابي بمبلغ ٨٥ جم
وما هي إلا ساعات بعد مغادرة التوكيل إلا وعاد صوت صفارة الفرامل واحتكاك الكاوتش مرة أخري
والسؤال هو هل انا مخطئ لشراء السيارة أم العيب في الوكيل أو العيب في المصنع

**Ahmed Amin** · 27-06-2013 01:51 AM

العيب في الصناعة. لان العربية اتعملها Recall في الهند وأوروبا ودول في أفريقيا بسبب هذه المشاكل ولسه محصلش ال Recall عندنا حتي الأن مع محاولة الوكيل لتسكين العيوب بالصنفرة كمثال وخلافة بدلاً من علاج المشكلة علاج جذري.
خليك وراهم لحد ما تاخد منهم عربية تمشي من غير صوت صفير ولا مشاكل زي أي حد بيشتري عربية جديدة زيرو في الدنيا.

وإلا أرفعو شكوي جماعية لجهاز حماية المستهلك بطلب إصلاح العيوب نهائياً قبل إنتهاء فترة الضمان وطلب تمديد فترة الضمان علي القطع الجديدة اللي هتستلموها حتي لا تكون هيا الإخري بنفس العيب وتكونو بتلفز في دائرة مغلقة, والإضطرار للتعايش مع هذه المشاكل المبكرة جداً بسبب عيب الصناعة واللي هتكون مزمنة, و لعدم إعتمادية السيارة وخطورة مسئلة الفرامل علي أمان السيارة وراكبي السيارة.

**grumby78** · 28-06-2013 04:51 AM

المشاركة الأصلية كتبت بواسطة LeitoSR

العيب في الصناعة. لان العربية اتعملها Recall في الهند وأوروبا ودول في أفريقيا بسبب هذه المشاكل ولسه محصلش ال Recall عندنا حتي الأن مع محاولة الوكيل لتسكين العيوب بالصنفرة كمثال وخلافة بدلاً من علاج المشكلة علاج جذري.
خليك وراهم لحد ما تاخد منهم عربية تمشي من غير صوت صفير ولا مشاكل زي أي حد بيشتري عربية جديدة زيرو في الدنيا.

وإلا أرفعو شكوي جماعية لجهاز حماية المستهلك بطلب إصلاح العيوب نهائياً قبل إنتهاء فترة الضمان وطلب تمديد فترة الضمان علي القطع الجديدة اللي هتستلموها حتي لا تكون هيا الإخري بنفس العيب وتكونو بتلفز في دائرة مغلقة, والإضطرار للتعايش مع هذه المشاكل المبكرة جداً بسبب عيب الصناعة واللي هتكون مزمنة, و لعدم إعتمادية السيارة وخطورة مسئلة الفرامل علي أمان السيارة وراكبي السيارة.

بغض النظر عن اي تفاصيل وبدون مبالغه انا متابع جيد لموضوع صفارة الفرامل في صني الجديده وبالرغم من عدم معاناتي منها الى الان الحمد لله الا اني ملاحظ ان حضرتك دايما بتعلق بالسلب على صني الجديده وبترد في كل المواضيع الخاصه بعيوبها وعند حضرتك رغبه وقدره غريبه انك تكره الناس في العربيه وتحسسهم انهم اشتروا واتنصب عليهم وان العربيه مليانه عيوب ودايما بتذكر موضوع ال recall بتاع الهند اللي اتحدد في الخبر انه خاص بانتاج المصنع المذكور وفي مده زمنيه محدده يعني مش في كامل الانتاج . انا بصراحه مستغرب من الاصرار على التشويه بشكل غريب .. يعني حضرتك دائم المقارنه بينها وبين بيجو 301 اللي توكيلها من اسواء توكيلات مصر بشهادة الملاك . انا مش عاوز ناس تقفل من العربيه لان العربيه انا شايف انها اختيار ممتاز في فئتها . مسألة عيوب الصناعه وارده وفي كل ماركه . يعني التويوتا زباله بعد موضوع الفتيس mmt ؟ وVW وفتيس DSG و recall بتاع الجيتا في الصين ؟ كله وارد ومع اكبر الصناع وقبلها فورد في امريكا وغيره لكن بصراحه عندك اصرار غريب على التعليق سلبا على اي موضوع يخص الصني الجديده . وتأكد لو حضرتك لاقدر الله طلع فيه مشكله في بيجو 301 مش حتلاقيني بعلقلك على اي موضوع بالتركيز ده !! انا اضطريت اني اعلق بصراحه عشان الموضوع استفزني وحضرتك مش بتبطل .. خلاص عرفنا .. recall والحقوا نفسكوا وشكوى جماعيه وحتلبسوا بعد الضمان زي تويوتا كورولا mmt والتوكيل بيكابر ...!! كل ده عشان الفرامل بتصفر ؟؟ عموما ربنا يباركلك في عربيتك ياسيدي واتمنى ان لا تكون ممن يستقي ثقته في اختياره بالشماته في اختيارات الاخرين .. اخيرا العربيه زي الفل الحمد لله ولو رجع بيا الزمن حشتريها ولو طلع فيها عيب ربنا يعيني على اصلاحه ..

**Ahmed Amin** · 28-06-2013 07:42 AM

المشاركة الأصلية كتبت بواسطة grumby78

عموما ربنا يباركلك في عربيتك ياسيدي واتمنى ان لا تكون ممن يستقي ثقته في اختياره بالشماته في اختيارات الاخرين

أوك أنا بصراحة مش بحب أرد علي النوع دا من الردود,
بس عشان أنتا متحامل عليا فأنا هرد علي كل جزئية بردك, لأن الموضوع كدا قلب نفسنه.!! وأنا مش بحب الأسلوب الطفولي دا,,
أولاً أنا عمري ما شمت في حد يا أخي الفاضل, ولا دا أسلوبي. فا عيب عليك تقول الكلام دا وأسحب كلامك..

ثانياً لو أنا شمتان فعلاً زي مانت بتقول, أو تفكيرك مهيألك كدا,,
كنت دخلت علي كل واحد معاه نيسان صني 2013 عنده مشكلة قلت له أحسن تستاهل حد يشتري العربية دي وأنت اللي غلطان,
أو كنت قلت لهم زمانك جايب عربية أنضف 100 مرة زي البيجو 301 او سيتروين اليزية أو كيا ريو,,
لكن هل أنا قلت أو عملت حاجة من دول, عشان تدخل تتهمني بدون أساس من الصحة ؟!

طبعاً للناس المحترمة اللي هنا اللي متعرفش أنت ليه بتهاجمني كدا بالإسلوب دا من غير سبب,
وأنا بحاول أساعد الناس تحل مشكلتها مع التوكيل المحترم اللي منفض للمشكلة حتي الأن,

هوا إن أنا والعضو الفاضل "grumby78" كنا أتكلمنا مع بعض قبل كدا في موضوع تاني خاص بالمقارنة ما بين الصني والبيجو,
وأنا كان ليك رأي أن البيجو 301 أفضل كا Best value for money
والأستاذ جرمبي الزعلان كان ليه رأي إن النيسان صني أفضل..
وطبعاً الأختلاف الرأي لا يفسد للود قضية,, ودا كان الموضوع..
http://www.nilemotors.net/Nile/361176-2013-301-a-8.html

ومع أن ردودك قلبت في الأخر بكلام خارج سياق الموضوع,
وجيت في الأخر تقولي نيسان في الخليج ناجحة بعربياتها الباترول وباسيفندر ومورانو ومش عارف أيه,

طب وبعدين يعني .؟؟ وأحنا مالنا ومال العربيات ال 4x4 اللي أنت ذكرتها واللي في الخيلج ؟!

أحنا كنا في موضوع مقارنة ما بين عربيتين في نفس الفئة السعرية اللي هما الصني و البيجو 301. وأنت جاي تقولي نيسان في الخليج وال 4x4

وعشان لاقيتك بتتكلم في حاجات ملهاش علاقة بالموضوع عشان تمجد في أسم نيسان بس,!

وطلعتنا برة المقارنة اللي كانت ما بين عربيتين محددتين البيجو 301 والصني,
فأنا قفلت علي الكلام معاك عشان منخرجش من سياق الموضوع أكتر منتا خرجتنا منه بتعصبك للنيسان وأسمها,

بس زي مانت شايف أهو الصني فشلت فشل زريع لعدم أعتماديتها بمشاكلها, وبقولهالك تاني ليك شخصياً أهو فشلت في أقل من سنة,,

مع كامل أحترامي لمشاعر للناس المتضررة في الموضوع دا.!!

ومش بقارنها لا ببيجو ولا بستريوين ولا بكيا ريو.!! عشان متقولش أنت داخل تشوة صورتها ولا تعملي دعاية للبيجو ولا بشمت,,
مش أنا اللي بشوة ولا بجيب كلام من عندي,, الكلام من ملاك العربية نفسهم, وبعد زيارة للتوكيل أكتر من مرة,,
ومش عيب إن حد يشتكي من عربيته ونساعدة يحل المشكلة,, أو أنه يجيب حقه ويبقي معاه عربية جديدة مفهاش مشاكل, فمالوش لازمة تتهكم عليا بالكلام أكني أنا اللي جاي عال صني لوحدي وتخصني بالكلام..

ولأنك للأسف مش شايف ولا بتقرأ الكلام كويس,
لو راجعت أنت أو أي حد راجع كل ردودي السابقة, هتلاقيني بدور مع الناس علي الطريقة اللي ياخدو بيها حقهم من التوكيل, وبأن يكونو معاهم عربية سليمة من غير مشاكل زي أي حد في الدنيا بيشتري عربية زيرو موديل 2013.
ومن حقة أنو يرتاح فيها من 3 إلي 5 سنين علي الأقل بدون مشاكل..

يعني لو شمتان أو من مصلحتي أن العربية تفشل, وتفضل بالمشاكل اللي هيا فيها, مش هكتب ولا أضيع وقت في المواضيع دي,

ولا أدي الناس أمثلة عن شركات زي تويوتا مصر لما كانت بتحاول تأخر وتكروت الناس لحد ما يخرجو برة الضمان بحجة إن القطع مش موجودة الخاصة بالفتيس, ولما أضغط عليهم عملو الRecall
زي ما بيحصل نفس السيناريو دلوقتي في نيسان اللي بيقول مفيش تيل وطنابير.!!

طيب تويوتا كانت معذورة عشان مش كل يوم هتيجي ناس تغير قطع في الفتيس ومكلفة ولسه مجاتش, لكن نيسان لما تقولك معندناش تيل فرامل,, لا تعليق بصراحة علق أنت بنفسك..

المشاركة الأصلية كتبت بواسطة bahaahssn

ابتدى المسلسل تانى عند ال7000كم اصوات فرامل شنيعة مريعة مع البطىء و السرعة المهم اتصلت قالو تعالى صيانة 10000
رحت الصيانة قالولى محتاج تيل و طنابير و مش عندنا و صاجة تيل و مش عندنا تعالى لما ربنا يفرجها و نجيب !!!!!!!!!!!!!!!!!!!!!!!!!!!!!
المهم اتصلت بالشكاوى و القصة و الرواية لحد ما جيه التيل و الطنابير بس كنت عملت حوالى 13000 و قالولى الصاجة مع صيانة ال15000 لو جت المهم فضلت اتصل اسال لحد ما جت و روحت عملت الصيانة و ياريتنى ما عملتها

ودايما بتذكر موضوع ال recall بتاع الهند اللي اتحدد في الخبر انه خاص بانتاج المصنع المذكور وفي مده زمنيه محدده يعني مش في كامل الانتاج .

طبعاً لازم أذكر الناس دا, ودي مش حاجة عيب في حق الناس ولا في الوكيل, إلا لو هرب من المسؤلية يبقي عيب عليه,
لو عربية فيها عيب في موديل وفيه شكاوي جماعية, لازم والمفروض يتعمله recall

والفترة الزمنية المحددة اللي انت بتتكلم عليها أكنها حجة يعني تخرجنا بيها من الموضوع, واللي ركبت فيهم القطع اللي فيها عيوب,
هيا من يونيو 2012، إلي مارس 2013 يعني 9 شهوووور,,
يعني حوالي إنتاج سنة كاملة فيه عيوب صناعة, ودي فترة كبيرة مش صغيرة,,

وهيا نفس الفترة اللي معظم العربيات أتباعت فيها والناس أشترت فيها الصني ووبيعانو من العيوب دي,,

يعني مش عيب أني أقول لحد من حقك يتعملك Recall طالما الشركة قالت إن كان فيه عيب في الموديلات اللي أنتجت في الفترة دي وعملت ريكول,
ولا أبقي كدا بشمت يا أخ يا محترم.!!!
أنا بقول للناس من حقكم الشركة تعمل Recall ليكم تصلح العيب زي الناس اللي برة وطالما بتشتكو منه, وتعيش بعربية من غير مشاكل زي باقي البني أدمين اللي بتجيب عربية جديدة..
مش فاهم أيه اللي صعب عليك تفهمه في كدا ؟!

وانا بعيد في الجزئية دي لأنها في مصلحة الناس اللي عندها مشاكل أنها تتجمع,
لأن لما الناس بتوع تويتا أتجمعت وراحت لحماية المستهلك بشكاوي مجمعة الجهاز إلزم توكيل تويوتا بعمل Recall للعربيات المتضررة في مصر عشان يتصلح فيها العيوب.

**Ahmed Amin** · 28-06-2013 07:42 AM

انا بصراحه مستغرب من الاصرار على التشويه بشكل غريب .. يعني حضرتك دائم المقارنه بينها وبين بيجو 301 اللي توكيلها من اسواء توكيلات مصر بشهادة الملاك

أنت مقولتش في كلمة بيجو خااااااالص برة مواضيع المقارنة, وكل كلامي موضوعي في الموضع دا.
وأتحداك تجيب لي مشاركة قارنت فيها ما بين بيجو والصني خارج مواضيع المقارنات,

يا إما متقولش أني بقارن بينهم وبين بعض من غير دليل, وتوكيل بيجو اللي بتقول أنو من أسوء توكيلات مصر مش هرد عليك فيها, لأني مقارنتش توكيل بيجو بتوكيل نيسان,
وأحنا بنتكلم في مشكلة عربية مش توكيل.!!

انا مش عاوز ناس تقفل من العربيه لان العربيه انا شايف انها اختيار ممتاز في فئتها .

متقلقش من الحتة دي, الناس قفلت منها خلاص من غير ما تقول,,,

المشاركة الأصلية كتبت بواسطة alex pharmacy

نصيحة من واحد معاه الصني الجديدة وماكملش 5000 كليو

[OVERLINE] اوعى تشتريها او حتى تعدي من جنبها[/OVERLINE]
ولو حد قابلك في الشارع وقالك خدها ببلاش قوله لا مش عايز

وغلطان اللي يجيب عربية جديدة اول ما تنزل من غير ما يعرف مشاكلها ومميزاتها وعيوبها كويس
يلا الحمد لله محدش بيتعلم بالساهل
بس التعليمة المرادي غالية اوووي تمنها معدي ال 100 الف جنيه

http://www.nilemotors.net/Nile/36507...post3875063729

المشاركة الأصلية كتبت بواسطة bahaahssn

دلوقتى العربية بقالها 7 شهور معاية كل شهر مصيبة قمة فى الردائة و عدم توافر لقطع الغيار و توكيل غاية فى السوء و هو المسئول عن خراب العربية
قلولى اعمل ايه مش عارف اسوق العربية وشاريها تقسيط مش هعرف ابيعها
كان معايا اوبل كورسا 2004 تقفيل مصرى قعدت اول 4 سنين بدون عيب واحد بعد كده السقف لونه اتغير من الشمس و كان بعد الضمان بسنتين
ازاى عربية فيها كمية عيوب التصنيع ديه و ازاى الرداءة ديه
و على فكرة صوت صاجة التيل الخلفى كمان اكتر من الأول و صوت الكاوتش رهيب و بيتهربو منه
كأنى راكب عربية بقالها 7سنين مش 7 شهور

http://www.nilemotors.net/Nile/364916-a.html

http://www.nilemotors.net/Nile/364907-a.html

مسألة عيوب الصناعه وارده وفي كل ماركه . يعني التويوتا زباله بعد موضوع الفتيس mmt ؟ وVW وفتيس DSG و recall بتاع الجيتا في الصين ؟ كله وارد ومع اكبر الصناع وقبلها فورد في امريكا وغيره لكن بصراحه عندك اصرار غريب على التعليق سلبا على اي موضوع يخص الصني الجديده .

طبعاً عيوب الصناعة واردة في أي عربية,
وجميل أنك عرفت معلومة مشاكل ال mmt دي مني, وبقيت تقتبسها دلوقتي في كلامك,
طيب بالنسبة لل recall بتاعهم الأتنين التويوتا والجيتا, اللي الشركتين أحترمو العملاء فيه في الأخر سواء بالغصب عليهم من جهاز حماية المستهلك زي ما حصل مع تويوتا مصر او مع الجيات في الصين,, والصني كمان اللي أتعمل في الهند وأوروبا وأفريقيا,

ولا أنت بتعلق دلوقتي علي أن أتعملهم Recall ونسيت أن في ناس هنا بتشتكي شكاوي متكررة ومشكلة واضحة والتوكيل عامل من بنها مع أنه عارف أن فيه مشكله وبيصنفرلهم الطنايبر عشان ميغيرش القطع اللي فيها عيوب وبتصرخ,, صباح الفل يا بيه..

صح توكيل بيجو اللي أنت دخلته في الموضوع من أسوء توكيلات مصر زي مانت قلت, صححح.

وتأكد لو حضرتك لاقدر الله طلع فيه مشكله في بيجو 301 مش حتلاقيني بعلقلك على اي موضوع بالتركيز ده !!

لا أنا عايزك تيجي, والله ما هزعل, وهجيب لك كوبايتين شاي كمان تشربهم مع بعض لوحدك,
مش بقولك الموضوع قلب أطفال,, تركيز أيه اللي بتقول عليه, أنا بساعد واحد عنده مشكلة وبقول رأي الشخصي ومتكلمتش عليك ولا علي عربيتك,
فا يا أخي ميخصكش اللي أنا طالما مش بتكلم عليك ولا علي عربيتك الشخصية,,
وقلتهالك مرة قبل كدا, طالما معندكش مشكلة أحمد ربنا, وصلي لربنا ركعتين شكر أنك فلت من المشاكل, لكن متتهكمش علي الناس اللي بتدور علي حل مشاكلها طالما أنت برة الموضوع..

انا اضطريت اني اعلق بصراحه عشان الموضوع استفزني وحضرتك مش بتبطل .. خلاص عرفنا .. recall والحقوا نفسكوا وشكوى جماعيه وحتلبسوا بعد الضمان زي تويوتا كورولا mmt والتوكيل بيكابر ...!! كل ده عشان الفرامل بتصفر ؟؟

وعلق يا باشا براحتك زي ماتحب,
بس أبقي فرق ما بين اللي بيتكلم في الحق مع واحد دافع أكتر من 100,000 جنيه في عربية جديدة زيرو, يعني دم قلبة وتعبان فيهم والمفروض يرتاح في العربية اللي أشتراها وميشغلش باله بمشاكل وصيانات ل 3 أو 5 سنين قدام,
وواحد تاني بيدخل بيلومة ويشمت من غير ما يقدم له حلول يساعدة يجيب بيها حقة,,
في ناس ممكن تفضل مع الوكيل من غير ما تشتكي في حماية المستهلك, وتقول عوض الله علينا,
أنا بزعل علي الناس دي مش بيبقو عارفين يتصرفو أزاي, وفي ناس بتسأل وحصلت في موضوع هنا وكلهم قالو للعضو دا عليك وعلي "جهاز حماية المستهلك"
هل هتقول ساعتها كل الناس دوول شمتانين برضه ؟

http://www.nilemotors.net/Nile/364916-a.html

وتصدق بالله, أنا شفت الموضوع دا قبل كل الناس اللي جاوبت في أول صفحة دي, ومحبتش أرد أول واحد وتعمدت أتاخر في الرد وأبقي بعدهم عشان والله كنت عارف أنك قاعد علي الواحدة زي مانت قلت في مشاركتك دي, تخيل بقي..

بس أنا بقولها لك تاني أهو, المنتدي مش حكر علي حد, وأي حد من حقة أنو هوا يشارك برأيه الشخصي بدون تعدي علي حد,,

وخليني أسئلك سؤال, هل الشكوي في الجهاز أو في الوكيل هتزعلك في حاجة ؟
هتخسرك حاجة ؟ أنت تبعهم يعني ولا شغال معاهم وهتنضر من الشكاوي عشان كدا مش عاجبك كلامنا.؟

المشاركة الأصلية كتبت بواسطة grumby78

عموما ربنا يباركلك في عربيتك ياسيدي واتمنى ان لا تكون ممن يستقي ثقته في اختياره بالشماته في اختيارات الاخرين

علي فكرة أنا مش معايا 301 وعربيتي قديمة موديل 2007 مش 2013,

وتاني أنا لما رديت في المقارنة رديت بحيادية وأدلة إن البيجو كا أختيار من ناحية القيمة أفضل كا عربية أوروبي ومميزات مع السعر,, وكان ردي في موضوع مقارنة ساعتها,

ومذكرتش أبداً في أي موضوع خاص بمشاكل الصني خارج مواضيع المقارنات إن البيجو أفضل ولا شمت في حد,,

ومعملتش زيك في موضوع المقارنة وأنجرفت بمشاعري ناحية نيسان لمجرد أني مالكها وقلت أنها أحسن عربية من غير دليل لما قعدت تقول النيسان أحسن من البيجو والعربية كانت في الوقت دا الناس بدأت تشتكي منها, وأنت بتنصح واحد يجيبها وأنت عارف أنو ممكن يطلع له فيها عيب, حتي لو عربيتك مفهاش,

وفي الأخر انا لما بتكلم في موضوع بقول رأيي الشخصي, وبتشارك مع الناس اللي بتتكلم في موضوع معين برأيي الشخصي,

ومنتدي نيسان ليس حكراً علي أصحاب النيسان, ولا منتدي بيجو حكراً علي أصحاب البيجو,
فأنا من حقي أشارك برأيي في أي مكان ومش من حقك أنك تراقبني وتقولي

اني ملاحظ ان حضرتك دايما بتعلق بالسلب على صني الجديده وبترد في كل المواضيع الخاصه بعيوبها

وياللي بتقولي أني برد كل المواضع بالسلب

دي ردود ليا في قسم نيسان, ردودو موضوعية ومفهاش شماته ولا فيها بقول للناس هاتو بيجو.!!
فيها مساعدة للناس بس بحكم خبرتي المتواضعة لا أكتر ولا أقل,,

طبعاً مش كلها عال صني, بس عينة ليك عشان تشوف مشاركاتي في قسم النيــسان عاملة أزاي بعيد عن مشاكل الصني الشكل الجديد..

http://www.nilemotors.net/Nile/364616-a-2.html
http://www.nilemotors.net/Nile/364990-30000.html

http://www.nilemotors.net/Nile/351814-a-2.html
http://www.nilemotors.net/Nile/364942-a.html
http://www.nilemotors.net/Nile/364907-a.html
http://www.nilemotors.net/Nile/365001-a.html
http://www.nilemotors.net/Nile/364937-a.html

وبالرغم من عدم معاناتي منها الى الان الحمد لله الا اني ملاحظ ان حضرتك دايما بتعلق بالسلب على صني الجديده وبترد في كل المواضيع الخاصه بعيوبها وعند حضرتك رغبه وقدره غريبه انك تكره الناس في العربيه وتحسسهم انهم اشتروا واتنصب عليهم وان العربيه مليانه عيوب

معندكش مشكلة في عربيتك, نصيحتي ليك أحمد ربنا وصلي ركعتين شكر أنك مش بتعاني زي ناس تانية,
ثانياً أنا مقولتهات لي مشاركة بقول فيها إن توكيل نيسان نصب علي الناس,
ولا إن العربية مليان عيوب, الناس هيا اللي قالت مش أنا.

اخيرا العربيه زي الفل الحمد لله ولو رجع بيا الزمن حشتريها ولو طلع فيها عيب ربنا يعيني على اصلاحه ..

در رأيك أنت الشخصي ,, وأنت حر فيه طبعاً.
بس مش كل الناس رأيها كدا,, أنا واحد من الناس لو حد سألني بقوله أوعي تجيبها, لحد ما تتحل مشاكلها,,
وناس تانية كمان من مالكيها بتقول نفس الكلام,

المشاركة الأصلية كتبت بواسطة alex pharmacy

نصيحة من واحد معاه الصني الجديدة وماكملش 5000 كليو

[OVERLINE] اوعى تشتريها او حتى تعدي من جنبها[/OVERLINE]
ولو حد قابلك في الشارع وقالك خدها ببلاش قوله لا مش عايز

ونصيحة مني, طالما العربية فيها مشاكل حتي لو مش عندك مشاكل متنصحش حد بيها طالما فيه شكاوي منها,
لأن اللي هيدفع فيه دم قلبة في عربية زيرو عشان يستريح ويطلع فيها عيب هيدعي عليك وعلي شورتك ليل نهار.
وأنت حر طبعاً تاخد بالكلام دا أو متاخدش بيه,,,,

في نهاية الكلام أحب أقولك إن كل اللي كتبتة في الموضوع دا ومواضيع دا رأيي الشخصي وميخصكش أنا بقول أيه طالما مش بتعدي عليك, ولا بعيب فيك ولا في حاجة تخصك شخصياً.

وكل كلامي مع الناس المتضررة, واللي عندها مشكلة فعلاً,
ولو جبت لي رأي واحد فيه شماته أبقي أنا ساعتها غلطان وواجب عليا الأعتذار,
لكن لو مجيتش يبقي أتهامك ليا بالشماته دا شئ طفولي وخارج نطاق الموضوع وساعتها مش هرد علي أي مشاركة ليك بعد كدا,,

أسف علي الأطالة للي قرأ مشاركتي دي,
تحياتي.

**Ahmed Amin** · 28-06-2013 10:20 PM

المشاركة الأصلية كتبت بواسطة hamaka

زى ما يكون لسة فى حد فى مصر معرفش مشاكل العربية و لسة لازم يتعور فى 110000 جنيه عشان يرتقى انه يتناقش مع السادة المتعصبين للعربية...

التاريخ يعيد نفسه كل شوية ، ناس تقول رأيها فى عربية عشان المنتدى الهدف الأساسى منه هو مساعدة الناس لحل مشاكلهم أو تحذيرهم قبل حدوثها ، و ناس معتبرة العربية عيل من عيالها ، و ترفض الرأى و ترفض حتى الكلام من اللى داخل يساعد الناس و يوجههم يعملوا ايه عشان ياخدوا حقهم من التوكيل اللى هيبيعهم هدومهم بعد الضمان ما يخلص...

كفاية تعصب يا جدعان ده شوية حديد فى الاخر.....

بشكرك أستاذ hamaka علي مشاركتك ورأيك, وتوضيح الأمور بكلمات أبسط من ما وضحتها بالرد بتاعي,,
وربنا يعين أصحاب العربيات اللي فيها مشاكل وتتحل لهم قريب ونسمع خبر يفرحنا بكدا.

ويهدي الناس المتعصبة للعربية لمجرد أنها مش عايزة تسمع كلمة وحشة تتقال عليها, أكنها هتعيب ف عربيتهم الشخصية.!
بدل ما تفكر في حال الناس اللي عندها مشاكل في عربياتها الشخصية, واللي الكلام عليها مش علي عربياتهم.!!
وانهم لو مكان الناس المتضررة,, كانو زمانهم بيدورو علي نفس الحل للمشاكل دي,

وهيرحبو بأي أقتراح أو أفكار للمساعدة في حل المشاكل دي سواء مع الوكيل قبل إنتهاء فترة الضمان,,
أو برة التوكيل لو ممشيش الحال معاه وعدت فترة الضمان. ودا اللي بنتكلم فيه.
إن هدفنا إن المشكلة تنحل حل جذري,, مش مجرد عمل صنفرة من الوكيل قبل إنتهاء فترة الضمان.

شكراً تاني أستاذ hamaka علي توضيح الأمور,