الموضوع: يارب ارحمنا من بتوع التكييف

السلام عليكم
السياره نوبيرا تو الاول التكييف مكنش بيجيب هوا بارد خاالص هوا سخن
دخل الصيف قررت اشوف الدنيا فيها ايه من حوالي شهر ونص عند اشرف الي عند المخابرات ف حدايق القبه
قالي معندكش اي حاجه رغم انه مكشفش قولتله ممكن تكشف ع تسريب قالي ياباشا مينفعش لازم اشحن الاول عشان اعرف في تسريب ولا لا + جاب كهربائي جنبه قالي في قفله ف فيشة التكييف تمام اعملها
واشحن يا حج تمام اسبوع ف التاني
ف التالت سافرت وجيت لقيت التكييف بيطلع هوا سخن
رجعتله تاني قالي دا في تسريب ولازم نفضي الفريون عشان نعرف التسريب فين
قولتله ماشي وانا بدءت اتخنق :@
جاب صابون وعمل كشف زي بتوع اللحام ف الكاوتش
وقالي التسريب مش فاكر في جلدة ايه كدا وغيرها
وطبعا فضي الفريون القديم وشحن من جديد
امبارح بقي لقيت التكييف بيطلع ف الروح يادوبك يجيب نسمة هوا وهو ع ٤
رغم ان بشغله علي ١ ف العادي بيخلي الدنيا تلج
النهرده بجربه لقيت صوت غريب اول مابشغله بيطلع مع الهوا وشامم ريحه غريبه داخله بالاضافه انه قطع تبريد خالص
اتجننت بصراحه واتصلت بيه رد بكل برود خلاص ياباشا تشرفنا المغرب ولو شغل عالقديم عندي ومش عندي لكن لو جديد عليك
وانا بصراحه اتخنقت ٢٠٠ ف الاول وتاني مره ٢٣٠
والله اعلم المره دي
نفسي اشوف بتاع تكييف بيفهم والله العظيم المهنه دي كل ال شفتهم فيها حمير
لان ال كشفته من واحد صحبي قالي كان لازم اصلا يغسل تلاجه ف الاول خالص ويغير زيوت ويكشف ع كل حاجه ف التسريب ف تاني شحنه ويكشف بجهاز مش كشف زي بتوع الكاوتش
انا اسف انا بجد جبت اخري وارهقت من المصاريف ومتوتر جدا لان اتذكر والدي ايام ماكان بيسوق مره تكييف عربيته عطل ومفيش بتاع تكييف سيارات ف الجمهوريه عرف التسريب منين لدرجة انه تقريبا غير كل حاجه ف التكييف واشتغل وبردو مكنش عرف التسريب منين

بص ياباشا علشان تعرف فى تسريب ولا لا لازم تكبس دورة تكييف العربية هوا على ضغط 250 ولو فى تسريب بان خير وبيزود الضغط لغاية 450 دة أخر حاجة وبيتساب الكبس حوالى عشر دقائق لو العداد نزل يبقى فى تسيريب وثمن ذلك 25 جم ونعالج التسريب لو من المواسير ولو من الولسيهات الواحد ب 5 جم مش أكتر وطبعا بيفرغ الهواء ويشحن من جديد النوبيرا بتاخد نص كيلو بالتمام ممكن حضرتك تشترية من شارع كلوب بية فى رمسيس r -34 تمبر جاز ب 50 وتتفق مع الراجل على كدة وثمن الشحن 30 مش أكتر وموضوع التسيريب دة مفهوس أفتكاسة ولا نيلة هما نصبين بس أنا وأخويا من سنين بنشحن عربيتنا بنفسينا والموضوع مش محتاج خبير ذرة لكشف التسريب والشحن