تنبية شلل مرورى كامل على الصحراوى

**Nistelrooy** · 25-06-2013 10:13 PM

وبرضوا طريق اكتوبر ناحية دريم زحمة جدا امبارح بعد العشا كان موقف الطريق الناحيتيين بسبب موبيل الي قدام دريم خرمنا من دريم والحمدلله عدينا قبل ما تزدحم نفس الزحمة الساعة واحدة بليل بس اخف ..

بس مش عربيات عادية نقل ومقطورات بقي ..

**kokowasfy** · 25-06-2013 11:40 PM

المشاركة الأصلية كتبت بواسطة nistelrooy

وبرضوا طريق اكتوبر ناحية دريم زحمة جدا امبارح بعد العشا كان موقف الطريق الناحيتيين بسبب موبيل الي قدام دريم خرمنا من دريم والحمدلله عدينا قبل ما تزدحم نفس الزحمة الساعة واحدة بليل بس اخف ..

بس مش عربيات عادية نقل ومقطورات بقي ..

صراحة العربيات النقل و القطورات اثبتوا انهم اكثر تحضر فى الوقوف فى البنزيمات كفاية اننا نادر اوى ما نشوف عربيات نقل قافلة الطريق مثلا غير نادرا اوووووووى و يصطفوا فى طوابير وراة بعد و تنظيم الطوابير

**Hossam_hassan4** · 26-06-2013 02:53 AM

المشاركة الأصلية كتبت بواسطة kokowasfy

صراحة العربيات النقل و القطورات اثبتوا انهم اكثر تحضر فى الوقوف فى البنزيمات كفاية اننا نادر اوى ما نشوف عربيات نقل قافلة الطريق مثلا غير نادرا اوووووووى و يصطفوا فى طوابير وراة بعد و تنظيم الطوابير

و في حالات العطل و انفجار الكاوتش برضه بيبقو ملتزمين بس الناس دي برضه شغلها و واخده علي الحاجات دي و هما من زمان في ازمه البنزين

**هشام.النجار** · 26-06-2013 04:02 AM

المشاركة الأصلية كتبت بواسطة م. حاتم السباعي

فعلا سؤال جميل

اصل مرسي عاوز الناس تكرهه و تنقلب عليه علشان كده بيعمل كده

فعلا ربنا ميز الانسان بالعقل

مين المستفيد من احداث هذه الازمة الكام يوم دول بهذا الشكل الرهيب

سمعت واحد بيجاوب و بيقول اصل مرسي و جماعته عاوزة الناس ميبقاش معاها بنزين و لا جاز علشان مينزلوش مظاهرات يوم 30 ( فعلا العقل زينة )

لا هو بيفقرهم ويشغلهم في حاجات تانية عشان ميكلموش في السياسة زي مبارك بالضبط

**Civil.Eng** · 26-06-2013 11:13 AM

المشاركة الأصلية كتبت بواسطة kokowasfy

و دا بيتحطلوا بنزين اية ؟؟:b4_095:

(برسيم ٩٢ )يا باشا

**akmm** · 26-06-2013 11:19 AM

استرها وافرجها يارب .................

**dem0** · 26-06-2013 11:29 AM

حضرتك تقصد الصحراوى الغربي ؟ مصر اسيوط ولا اى صحراوى لانه المفروض 10 دقايق وكنت نازل القاهره منه ؟!

**Ahmed Selim** · 26-06-2013 12:18 PM

الكلام كان على إسكندرية الصحراوي

انا شغلي في القرية الذكية
نزلت الساعة ٥ علشان اروح........لقيت شوارع القرية الذكية زحمة من جوة القرية و دي حاجة اول مرة أشوفها
ركنت العربية و نزلت قولت اقعد ساعة و لا حاجة على ما الدنيا تفك شوية

نزلت لقيت ناس تانية رجعت برضه

قعدنا شوية و زهقنا.....واحد كان معاه كورة في العربية طلعها و قعدنا نلعب شوية

زهقنا و أبتدينا نجوع و الزحمة بتزيد.......طلبنا اكل و أكلنا و خلصنا و الزحمة زي ما هي

لعبنا كورة تاني و زهقنا

على الساعة ٨.٥ بالليل لقينا واحدة معانا في الشغل داخلة علينا بالعربية.......ركنت و نزلت

سألناها فيه ايه......قالت مشيت من الساعة ٤.٥ و على ٧.٥ مكنتش وصلت قدام داندي على الصحراوي و لفت و رجعت الشغل تاني

بعدها بشوية قررنا نطلع و نمشي في شوارع ابو رواش الداخلية و نروح نقعد في داندي.......و فعلا عملنا كده

و قعدنا في داندي على امل ان الطريق يفك بس برضه مفيش فائدة لحد ١١ و شوية بالليل

قررنا نطلع في اتجاه إسكندرية و نلف و ندخل اكتوبر من عند بيفرلي هيلز بعد ما لقينا بنزين في موبيل الصحراوي

كله فول و طلعنا الطريق و وصلت زايد الساعة ١ الا ربع بالليل.....كنا ماشيين ٦ عربيات ورا بعض وانا كنت اقرب واحد فيهم و داخل البيت ١ الا ربع !!!!!!!!!!!!

واحد معانا مشي من الشغل الساعة ٤.٥ و لقى الدنيا واقفة و فكر فى نفس اللفة اللي لفناها......طلع الطريق بتاع بيفرلي هيلز زحمة زي الصحراوي.......رجع الصحراوي و فضل واقف من قبل البوابات و وصل قدام داندي الساعة ١٠.٥ بالليل !!!!!!

دخل بيته بعد ٩ ساعات سواقة

**المنسي** · 26-06-2013 02:49 PM

ولا يوم من ايامك ياريس ... احنا اسفين ياريس وشوفنا الويل من بعدك

هو ده اللى عايزين يوصلوه للناس والحمد لله وصلو للى هما عايزينو
حسبى الله ونعم الوكيل

-

الموضوع: تنبية شلل مرورى كامل على الصحراوى

LinkBack

أدوات الموضوع

عرض

-

-

-

-

-

المواضيع المتشابهه

شلل مرورى - هوا فيه ايه؟

تنبية اخر هام

تنبية هام لمالكى جين 2 عن التيل

الكلمات الدلالية لهذا الموضوع

المفضلات

المفضلات

ضوابط المشاركة