إستلمت السيارة البيجو ال 301 الرابعة :-)

**mohjarr** · 26-06-2013 01:33 PM

أخيراً إستلمت السيارة الرابعة لأحد أفراد عائلتى بعد عناء مع معرض أتومبيل الحجاز و الحجج المتواصله و كدبهم الذى إستمر أكثر من شهر و إعلانتهم الزائفة كل يوم جمعة بتوافر السيارة و التسليم فورى و بعد أخر مكالمة معهم أفاد المندوب الخاص بهم أن الهايلاين مش متوفرة و عند توافرها ستكون بسعر 145000 و أنه يجب علينا أن نرضى بالبيزلاين المتوفرة لديه الأن بسعر 129000 جنيه بدلاً من السعر الأساسى لها و هو 122.900 جنيه . طبعاً لم أوافق على ذلك على الرغم من أن قريبى هذا كان فى حاجة للسيارة لبيعة سيارته منذ فترة ولكننى أحسست بأن الإستغلال أصبح مبالغ فيه لذا قررت البحث فى معارض أخرى حتى وصلت لمعرض سمير ريان الذى للحق يقال معاملتهم أكثر من ممتازة و كلمتهم معى كانت واحدة بتوافر السيارة للتسليم الفورى و فعلاً ذهبت و وجدت السيارة فى إنتظارنا و دفعنا المبلغ و إستلمنا فى أقل من ساعة .

أنصح كل شخص حاجز للبيجو ال 301 أو السيتروين السى إليزية بالإبتعاد عن المعارض التى توعدك بالحجز و عدم الشراء إلا بعد التأكد من توافر السيارة فعلاً و إستلامها وقت دفع ثمنها . أو اقل الضرر الحجز مع التوكيل الرسمى و إنتظار الدور فى الإستلام.

المضحك فى الموضوع أن بعد إستلام السيارة لم يكن بها البنزين الكافى حتى الوصول للمنزل و الجميع يعرف أنه لم يكن هناك بنزين بمصر بالأمس و بدأنا رحلة البحث عن كام لتر بنزين . يعنى حتى بعد ما جبنا العربية مش عارفين نسوقها .

**HaNo_ELBeh** · 26-06-2013 01:59 PM

الف مليون مبروك على العربيه ويارب يبعد عنك شرها ويديلك خيرها

**Amr 301** · 26-06-2013 02:07 PM

المشاركة الأصلية كتبت بواسطة mohjarr

أخيراً إستلمت السيارة الرابعة لأحد أفراد عائلتى بعد عناء مع معرض أتومبيل الحجاز و الحجج المتواصله و كدبهم الذى إستمر أكثر من شهر و إعلانتهم الزائفة كل يوم جمعة بتوافر السيارة و التسليم فورى و بعد أخر مكالمة معهم أفاد المندوب الخاص بهم أن الهايلاين مش متوفرة و عند توافرها ستكون بسعر 145000 و أنه يجب علينا أن نرضى بالبيزلاين المتوفرة لديه الأن بسعر 129000 جنيه بدلاً من السعر الأساسى لها و هو 122.900 جنيه . طبعاً لم أوافق على ذلك على الرغم من أن قريبى هذا كان فى حاجة للسيارة لبيعة سيارته منذ فترة ولكننى أحسست بأن الإستغلال أصبح مبالغ فيه لذا قررت البحث فى معارض أخرى حتى وصلت لمعرض سمير ريان الذى للحق يقال معاملتهم أكثر من ممتازة و كلمتهم معى كانت واحدة بتوافر السيارة للتسليم الفورى و فعلاً ذهبت و وجدت السيارة فى إنتظارنا و دفعنا المبلغ و إستلمنا فى أقل من ساعة .

أنصح كل شخص حاجز للبيجو ال 301 أو السيتروين السى إليزية بالإبتعاد عن المعارض التى توعدك بالحجز و عدم الشراء إلا بعد التأكد من توافر السيارة فعلاً و إستلامها وقت دفع ثمنها . أو اقل الضرر الحجز مع التوكيل الرسمى و إنتظار الدور فى الإستلام.

المضحك فى الموضوع أن بعد إستلام السيارة لم يكن بها البنزين الكافى حتى الوصول للمنزل و الجميع يعرف أنه لم يكن هناك بنزين بمصر بالأمس و بدأنا رحلة البحث عن كام لتر بنزين . يعنى حتى بعد ما جبنا العربية مش عارفين نسوقها .

الف مبروك ياباشا... وربنا يديك خيرها ويكفيك شرها ....... بس جبتها بكام من سمير ريان ؟

**Ahmed Amin** · 26-06-2013 02:18 PM

المشاركة الأصلية كتبت بواسطة mohjarr

المضحك فى الموضوع أن بعد إستلام السيارة لم يكن بها البنزين الكافى حتى الوصول للمنزل و الجميع يعرف أنه لم يكن هناك بنزين بمصر بالأمس و بدأنا رحلة البحث عن كام لتر بنزين . يعنى حتى بعد ما جبنا العربية مش عارفين نسوقها .

ألف مبروك يا مهاجر باشا. وربنا يبارك لكم فيها

ونفس موقف البنزين الرخم دا شكله بيحصل مع كل الناس, ربنا يعين..
لسه واحد أمبارح هنا في المنتدي قال أنو لما جه يستلم العربية أخدها علي ونش عشان مكنش فيه بنزين,
ومن حوالي أسبوع لسه حاصل موقف بايخ مع أحد الأعضاء هنا وهوا بيستلم أسترا أنجوي

المشاركة الأصلية كتبت بواسطة horas3000

و حصل موقف محرج جدا و كان كفيل بافساد اليوم و التجربه كلها
طبعا زي ما هو معروف في مصر المعارض بتسلمك العربية و فيها بنزين يكفيك لاقرب محطه و ده بصراحه حركه نتانه كبيره
و بما ان في ازمه بنزين في البلد فكل البنزينات من عند سمير ريان لحد مدينه نصر مفيهاش بنزين و حصل الاسوء و العربية قطعت بنزين و في وسط الشارع و ربنا سترها و عرفت الم نفسي و زقيتها علي جنب
طبعا اعصاب قريبتي كانت بتنهار و قعدت اهدي فيها و اتفقنا اني هقف جنب العربية و وقفتلها تاكسي و شرحتله الوضع و راحوا يدوروا علي بنزين و بعد ساعة وربع وصلت و معاها جركن حوالي 5 لتر و ده اللي عرفت تجيبه و سواق التاكس طلع شهم و وقف معانا لحد ما العربيه دارت
و ابتدت رحله للبحث عن بنزين و حتي البنزينه اللي قريبتي ملت منها الجركن كانت شطبت و بقيت مش عارف اعمل ايه اكمل تدوير و لا اوصلها لبيتها و بعدين نتصرف و في الاخر ربنا كرم و لقيت بنزين عند وطنيه اللي جنب جامع السلام

المهم فولنا و اتجهنا لبيتها و كانت فرصه ارجع مود التست دريف تاني و اركز مع العربيه و اخرج بالنتائج

و ده تثرير بسيط عن العربية و سامحوني مفيش صور عشان اللي حصل مخلاش الواحد مركز

http://www.nilemotors.net/Nile/363309-a.html

**mohjarr** · 26-06-2013 02:49 PM

المشاركة الأصلية كتبت بواسطة amr 301

الف مبروك ياباشا... وربنا يديك خيرها ويكفيك شرها ....... بس جبتها بكام من سمير ريان ؟

139000 الله يبارك فيك و يباركلك فى عربيتك و يكفيك شرها.

**mohjarr** · 26-06-2013 02:52 PM

المشاركة الأصلية كتبت بواسطة leitosr

ألف مبروك يا مهاجر باشا. وربنا يبارك لكم فيها

ونفس موقف البنزين الرخم دا شكله بيحصل مع كل الناس, ربنا يعين..
لسه واحد أمبارح هنا في المنتدي قال أنو لما جه يستلم العربية أخدها علي ونش عشان مكنش فيه بنزين,
ومن حوالي أسبوع لسه حاصل موقف بايخ مع أحد الأعضاء هنا وهوا بيستلم أسترا أنجوي

http://www.nilemotors.net/nile/363309-a.html

الله يبارك فيك يا باشا.. فعلاً موقف وحش لما الواحد يجيب عربية زيرو و تقف بيه فى الطريق كده.. الحمد لله عدت على خير و ربنا يسترها على البلد فى الأيام اللى جاية دى.

**mohjarr** · 26-06-2013 02:54 PM

ألف شكر لكم و الله يبارك فيكم جميعاً

**hatem_swaf** · 26-06-2013 02:54 PM

الف الف مبروك وربنا يكرمك بيه ويرزق قريبك خيرها ويكفيه شرها

بصراحه عربيه جميله

**damasry** · 26-06-2013 03:39 PM

الف مبروك يا باشا وربنا يباركله فيها وحلو سعرها ال139

انا عملت زيك ودفعت الفلوس وانا بستلم العربية بس ب140

بس حظى كان حلو بقى والمعرض كان حاطط فيها نص التنك بنزين :)

الموضوع: إستلمت السيارة البيجو ال 301 الرابعة :-)

LinkBack

أدوات الموضوع

عرض

إستلمت السيارة البيجو ال 301 الرابعة :-) - انشر الموضوع فى :

-

-

-

-

-

المواضيع المتشابهه

سعر السيارة البيجو البريستيج 1998

السيارة البيجو 305

تكييف العربية البيجو هل يؤثر على السيارة ؟

ساعدونى ف اتخاذ قرار اشترى البيجو 205 دى ولا لا؟(معنديش خبرة ف البيجو )

ما هي السيارة التي تستحق لقب اسد البيجو في رأيك؟؟

الكلمات الدلالية لهذا الموضوع

المفضلات

المفضلات

ضوابط المشاركة