أخر سعر صرف الدولار

**M R. Z E C O** · 10-06-2014 08:58 AM

المشاركة الأصلية كتبت بواسطة mustafavet

السعر هيوصل فوق ال 8 جنيه خلال سنه من الان

مش عارف اضحك على الكلام ولا اعيط على الخي**

**M R. Z E C O** · 10-06-2014 08:59 AM

المشاركة الأصلية كتبت بواسطة mustafavet

السعر هيوصل فوق ال 8 جنيه خلال سنه من الان

مش عارف اضحك على الكلام ولا اعيط على الخي** الحنا فيها

**ahmedwagdy03** · 10-06-2014 09:17 AM

السعر نازل دلوقتى لإن الكل مستنى و مترقب إيه اللى حيحصل و كمان اللى كان عايز دولارات علشان الياميش و الفوانيس و الهبل ده خلاص دبر حاله و إتعاقد .

الوضع حيبان بعد رمضان لما يرجع يزيد الطلب على الدولار .

أما بخصوص إن الدولار ينزل أو يطلع بسبب السيسى فده يتوقف على السيسى نفسه حيعمل إيه بالمنح و القروض و زكايب الدولارات اللى موعود بيها .

لو حيستعملها مسكنات يشترى بيها قمح و زيت و يدفع مرتبات و زيادات و يسكت الناس بيها يبقى الدولار حينزل تانى و يمكن يرجع لأيام مبارك 5.5 جنية و بعد كدة عليه العوض فى البلد -إنهيار تام -

أما لو حيستعملها للتنمية و فتح مصانع معطلة و مشروعات جديدة يبقى الدولار حيغلى لغاية المشاريع ديه تبدأ تشتغل

**mustafavet** · 10-06-2014 09:19 AM

انا ليه بقول قيمة الدولار هيرتفع
حضرتك لو كنا بنحسن الظن بالناس اللي ف السلطه وان مفيش سرقه هتحصل (وانا مش منهم) لكن هفترض معاك جدلا
انت في فتره محتاج فيها
1 - هتبني مصانع وتطور التعليم؟ محتاج دولارات
2 - هتطور في الزراعه والتعليم؟ يعني محتاج الات؟ يعني دولارات
3 - هتبني مدارس وتجهز مستشفيات
من الاخر مفيش مصانع تبنيلك ولو في مصانع مفيش مواد خام ولو في مواد خام مفيش عماله مدربه
كل دا محتاج فلوس
طيب لو هتحط الفلوس في البنك ومعملتش حاجه - برده الدولار هيرتفع لان الازمات هتزيد والمستسمرين هيهربوا

الدولار ليه بينخفض طيب؟
مسكنات لفترات زمنيه قصيره عن طريق المعونات

ازاي احكم علي عمله قصاد عمله تانيه؟
اولا الجنيه المصري مش عمله (اسف اني بفاجك لو انت مش عارف الموضوع دا)
ثانيا لازم تشوف المنحني او الرسم البياني للعمله علي مدار سنتين علي الاقل ومنها تقدر تتوقع ايه اللي هيحصل

مصر داخله علي مرحله بناء؟
بالتاكيد لا. لان مصر منقسمه واللي هيبني التاني هيهدمله بغض النظر عن مين بيبني مين بيهد

**M R. Z E C O** · 10-06-2014 09:27 AM

المشاركة الأصلية كتبت بواسطة mustafavet

انا ليه بقول قيمة الدولار هيرتفع
حضرتك لو كنا بنحسن الظن بالناس اللي ف السلطه وان مفيش سرقه هتحصل (وانا مش منهم) لكن هفترض معاك جدلا
انت في فتره محتاج فيها
1 - هتبني مصانع وتطور التعليم؟ محتاج دولارات
2 - هتطور في الزراعه والتعليم؟ يعني محتاج الات؟ يعني دولارات
3 - هتبني مدارس وتجهز مستشفيات
من الاخر مفيش مصانع تبنيلك ولو في مصانع مفيش مواد خام ولو في مواد خام مفيش عماله مدربه
كل دا محتاج فلوس
طيب لو هتحط الفلوس في البنك ومعملتش حاجه - برده الدولار هيرتفع لان الازمات هتزيد والمستسمرين هيهربوا

الدولار ليه بينخفض طيب؟
مسكنات لفترات زمنيه قصيره عن طريق المعونات

ازاي احكم علي عمله قصاد عمله تانيه؟
اولا الجنيه المصري مش عمله (اسف اني بفاجك لو انت مش عارف الموضوع دا)
ثانيا لازم تشوف المنحني او الرسم البياني للعمله علي مدار سنتين علي الاقل ومنها تقدر تتوقع ايه اللي هيحصل

مصر داخله علي مرحله بناء؟
بالتاكيد لا. لان مصر منقسمه واللي هيبني التاني هيهدمله بغض النظر عن مين بيبني مين بيهد

.................................................. .................................................. ..................................
إنذار ووقف اسبوع لمخالفه القاعده رقم (12) من قواعد المنتدى
يرجى مراعاه الاداب العامه ومراجعه قواعد المنتدى
م.ع 5
10/06/2014
2:09 pm

**mmtronic** · 10-06-2014 09:34 AM

سيناريو 2004 / 2005 حنشوفه تانى :)

اكيد طبعا حيطلع الى حيقول

بس احنا الاحطياطى بتاعنا كان ساعتها 30 مليار !

على العموم بكرة مفيش اقرب منه

**mohamed_selim** · 10-06-2014 09:45 AM

المشاركة الأصلية كتبت بواسطة m r. Z e c o

انت اسطوره ..انت معجزة .ازاي البنك المركزي بيضيع العقول الجبارة دي ..دولة خايبة وربنا يرحمنا بقى

لو حضرتك معترض على الكلام يبقى اولى تقولنا وجهة النظر العبقريه بدل التريقه و الاسلوب السيئ ده

الراجل بيتكلم صح جدا و اى حد عنده اقل فكره عن الاقتصاد و بيشوف واقعنا هيقول نفس الكلام ... فلو عندك كلام مختلف مبنى على شواهد مش مجرد انها هتمشى بالبركه يبقى نورنا معاك !

**walidzakzok** · 10-06-2014 10:10 AM

الدول المحترمة بتتعرف بثبات عملتها

هل مصر من الدول المحترمة اقتصاديا

اكيد لا

طيب الدولار هايزيد والا هايقل .....سؤال جميل جدا ...بس علشان احنا دولة مش محترمة مستحيل تقدر تتوقع صعود او هبوط العملة

انت اقتصادك منهاااااااار ومفيش سياحة .... السيسي نفسه قال المواطن هايبتدي يشعر بتحسن بعد سنتين ..الجنيه مش هايتصلح حاله قبل سنتين حتى لو تم ضخ دولارات من المساعدات فهايبقى تحسن وهمي زي ماا المجلس العسكري دمر الاحتياطي علشان يثبت سعر الدولار وبعد كدة مقدرش يكمل

وخلي بالك ان الدولار فى البنك ب 7 و15 ودة محصلش حتى لما الدولار كان سوق سودا ب 8 جنيه كمان انت لسة هاتدخل على انتخابات برلمان وتشكيل حكومة وهل هايتفق البرلمان مع الرئيس والا لا

الموضوع كبير جدا

**walidzakzok** · 10-06-2014 10:14 AM

لو حصل نشاط اقتصادي فى الفترة الحالية دة هايادي لسحب الدولارات من السوق لشراء مستلزمات الانتاج واصلاح ماكينات المصانع العطلانة فهيزيد سعر الدولار

طيب لو محصلش نشاط هانصرف قرشين الشحاتة ولما يخلصوا الدولار هاينطلق تاني

**mmkhattab** · 10-06-2014 10:27 AM

المشاركة الأصلية كتبت بواسطة mmtronic

سيناريو 2004 / 2005 حنشوفه تانى :)

اكيد طبعا حيطلع الى حيقول

بس احنا الاحطياطى بتاعنا كان ساعتها 30 مليار !

على العموم بكرة مفيش اقرب منه

حضرتك مصرفى ؟؟؟؟؟؟؟؟؟

على العموم ده فعلا اللي هيحصل و بكل بساطة و من غير تعقيد
سيناريو 2005 هيتكرر تاني بحزافيرة -سياسة محاصرة السوق السودة -
الموضوع بإذن الله تعالى هيبتدي يظبط على شهر 10 إن شاء الله بالمعطيات الحالية للسوق و سياسة البنك المركزي السرية

محمد . مصرفي . إدارة متابعة الأموال و النقد بأحد بنوك القطاع العام treasury