أخر سعر صرف الدولار

**kimokaim** · 15-06-2014 10:43 AM

البلد دي لو عايزة تتصلح ﻻزم من نهضة صناعية هو الدوﻻر بنعمل بيه ايه اﻻ بنجيب بيه حاجات هايفة من الصين الشعبية

الدوﻻر مش راح تنزل

**mk3** · 15-06-2014 12:33 PM

المشاركة الأصلية كتبت بواسطة أحمد كمال

قصدك أقوى من أي "مسكنات"

ده اللي باحاول افهمه للناس و الله

1- مفيش اي بني ادم (بدون خوض في السياسة) سوبر مان هيقدر يحل ازمة العملة و الاقتصاد بعصاية سحرية بين عشية و ضحاها

2- كل اللي بيحصل هو مسكنات ........ لو رجلك مكسورة و خدت مورفين حتى مش بانادول ....... الوجع لازم كمان شوية و هيرجع تاني ....... ممكن لمدة كام ساعة بعد المسكن تبقى مبسوط و متكيف و مش موجوع ........ بس الوجع راجع راجع لحد ما تصلح الكسر

اصبت يا استاذ احمد
وانا شخصيا كنت واخد مسكن وعارف ان كل ده كلام فارغ بس بحاول اصبر نفسى لان واضح كده ان الاسوأ قادم

**svneleven** · 16-06-2014 04:49 AM

و الله نفسي ال سيسي يطلع بحبة قرارات ثورية في صالح ال شعب و البلد. يعني هيحصل ايه لو طلع بكرة قال ما فيش استيراد غير السلع الاستراتيجية و الاساسيات زي العربيات مثلا و الموبايل. و ممنوع استيراد اللب و المكسرات و فوانيس رمضان و الزقازيق و كل الهبل اللي بنجيبه من بره ده؟ حد يقولي هيحصل ايه لأني ما ليش في الاقتصاد. و كمان يجيب عربية معقولةو تكون اقتصادية يعني مثلا هيونداي الانترا (مش صيني و لا فيرنا) و تتجمع في مصر بدون جمارك تماما علي أي قطع غيار و بالتالي هيكون سعرها مناسب عشان الناس تقبل عليها و يتم الاستغناء عن استيراد كمية كبيرة من السيارات و المصنع اللي يجمع يكون حكومي كمان.