بما يشبه المعجزة فولت بنزين النهاردة فى طنطا فى زمن قياسى

[img3]https://fbcdn-sphotos-h-a.akamaihd.net/hphotos-ak-frc3/1000040_10151685207937241_440166343_n.jpg[/img3]

اليوم الخميس 27-6-2013 ... وفى تمام الساعة 9:30 عديت على بنزينة مصر للبترول فى آخر شارع البحر ولاقيت طابور البنزين واقف واللى شغال طابورين للسولار فقط ركنت فى شارع جانبى ونزلت اعمل شوية شغل مخابرات فى البنزينة فوجئت ان فيه عربيات بيسوقها ناس اشكالهم غلط بيدخلوا من الجهة العكسية وبيحطوا بنزين رغم ان الطابور الرسمى واقف بدون حراك لحين انتهاء مولد السولار وبعد دقائق معدوده السولار خلص وبدأ طابور البنزين فى الحركة ورغم نفاذ السولار التريلات اللى واقفه رفضوا الانصراف وقرروا الوقوف فى شارع البحر !!!
ولحسن حظى لاقيت فيه طابور تانى بيتعمل فى الشارع اللى بجوار البنزينة والعدد كان محدود جدا روحت فورا على عربيتى وجريت على الطابور الوليد الجديد وبعد ساعة إلا ربع وصلت الى طرمبة البنزين والحمد لله فولت ودفعت السعر الرسمى للتر وهو 90 قرشاً واديت العامل 1.5 بقشيش (طبعا مكنش عاجبة) ... خرجت من البنزينة الساعة 10:15 ومش مصدق عنيا انى خلصت بسرعة كده ... ساعة إلا ربع بس !!!!
الحمد لله والشكر لله .... اللهم ديمها نعمة واحفظها من الزوال


[img3]https://fbcdn-sphotos-b-a.akamaihd.net/hphotos-ak-prn1/1017580_10151685207927241_1003375647_n.jpg[/img3]


مبدأ المصريين أنا وبعدى الطوفان
مفيش فايده فى المصريين
كل العربيات تقريبا سواء ملاكى أو أجرة بيعملوا نفس الحركة ... وبيزودوا الأزمة

[img3]https://fbcdn-sphotos-a-a.akamaihd.net/hphotos-ak-ash4/1004718_10151685207562241_487207465_n.jpg[/img3]

طوابير فى الجهة العكسية من الموتوسيكلات الصينى والتروسيكلات وخناقات ومنتهى قلة الأدب
ورغم ان فيه مفتش تموين فى هذه المحطة
إلا انى شوفت تروسيكل حاطط خزان ورا وملى أكثر من 120 لتر بنزين 80
حسبنا الله ونعم الوكيل فيهم


[img3]https://fbcdn-sphotos-e-a.akamaihd.net/hphotos-ak-prn1/1011709_10151685207642241_1616082438_n.jpg[/img3]

[img3]https://fbcdn-sphotos-c-a.akamaihd.net/hphotos-ak-ash3/8578_10151685207892241_734545130_n.jpg[/img3]

[img3]https://fbcdn-sphotos-g-a.akamaihd.net/hphotos-ak-prn1/1011094_10151685207587241_1935814237_n.jpg[/img3]

عقبال عندكم