الموضوع: ايه هي عربيتك وايه مميزاتها وعيوبها بأمانة

جيب شيروكى +لانسر بومة 2008
جيب شيروكى 98 قوة متانة العربية قوية اوى على حجمها 4100 سى سى 6 سلندر صحراء تخش اسفلت جميلة ثبات حلو لحد 120 بعد كدا لا بخاف صحرا روعة متغرزش خااالص قوة ركبلها اكصدام حدييد و انسى الخبطات و انسى حد يثيتك انا لسة اول امبارح كنت هتثبت و الحمد للة قوة عربيتى طلعتنى و حط لينك الموضوع
العيوب استهلك بنزين عالى عالى جداا جدا جدا يوجد اعطال بسيطة ممكن تواجهك بسس الموديل قديم اعطال حسساسات و عفشة بس كدا و كل دا يتعوض الان سعرها ببلاش 50 الى 60 تشوف حالة حلوة اوى
http://www.nilemotors.net/Nile/361617-a.html
و الانسر معروف مميزتها و عيوبها المميزات عربية كلاسيك حلوة استهلاك بنزين متوسط ثبات حلو حلو بجيب 160 بحس العربية ثبتا العفشة ولا نعمة ولا خشنة متوسطة سعر اعادة بيع حلوة اوى تنباع و انتا واقف كدا
و العيوب قطع الغيار فى التوكيل غالى نسبيا برة التوكيل قلة الكمليات الشكل راح علية شويتين مع ظهور موديلات اجمل غير كدا العربية تتفوق فى كل حاجة و شكرا اسف طولت عليكم

فكرة موضوع هايلة

1- إبيزا 98 مانيوال معدلة موتور و تكييف و باور 1600
مميزات:
- ثبات حديدي
- تسارع جيد جدا
-إستهلاك بنزين ممتاز
- عفشة ناعمة و مرنة إلى حد كبير
- عربية شيك و تابلو و أبواب جلد
- قطع غيار متوفرة و ألماني و سعرها متوسط (و رخيص بالنسبة للجديد)
- إعتمادية و عمر زمني طويل لقطع الغيار
- ميكانيكا سهلة غير معقدة
- ديزاين سستم بورش

عيوب:
-لم تعد عصرية لقلة الأوبشنز مقارنة بالجديد
-واطية و بتحك في المطبات
- غير عائلية
- صوت موتور عالي شوية مقارنة بالجديد
- الموبينة بتبوظ بسرعة و تحتاج تغير كل سنة أو سنتين


2- تيريوس 2008 glx
مميزات:
-عالية عن الأرض...أنسى انها تحك
-كبيرة و عائلية
- إستهلاك بنزين جيد
- ياباني و اعتمادية لحد كبير
- التحميل لا يؤثر كثيرا على الأداء
- جر رباعي مفيد للمشي في الرمال
- زجاج خلفي فاميه فابريقة
- كبيرة و هيبه كده :)
-التوكيل محترم

عيوب:
- ثبات سئ خصوصا مع مطبات الهوا مش بتاعة جري
- تسارع بطئ لأن الموتور 1500 فقط وأقصى سرعة 140-160
- عفشة ناشفة و بترج مع المطبات الغير منتظمة
- مش بتاعة ماسافات طويلة و متعبة للظهر

تحياتي ،

لانسر بومة 2007 سوبر أكشن ::

عربية شكلها سبور شبابي ومن غير اي تعدييل
صالونها واسع بالنسبة لحجم العربية
نوع القير الـcvt مريح في السواقة ومش بيحسسك بالنقل - مع ان ناس كتير مش عاجبها -
تسارع العربية كويس بالنسبة لأنها 1600 واتوماتيك
عفشه العربية يعني مش هقول ناشفة بس ده الطبيعي في السبورت
قطع الغيار غالية في التوكيل لكن بره التوكيل اسعارها ويسة بس في قطع لازم تجيبها من التوكيل


عيوبها /
استهلاك البنزين عالي شوية - ممكن يكون ده في عربيتي بس مش عارف -
العربية واطية على الارض نوعا ما
صوت الموتور عالي شوية مقانة بعربيات تانية 1600
فيها عيب في العفشة انه جلب المقصات وقواعد الموتر بتستهلك بسرعة
ممكن يكون الصالون جوه مفهوش تفاصيل كتير واضاءته هادية .. مش عارف ده عيب والا ميزة -

فكره جميله
accent rb 2012
مميزات
عربيه شيك وشكلها جميل
واسعه فى الصالون
قويه فى الموتور وصوت ناعم وهادئ على 100 كم
عربيه مغريه فى الجرى وثابته على الطريق

عيوب
واطيه جدا على الارض والمطبات فى مصر مسلخاها
قطع غيار نار فى التوكيل لكن خارجى تعتبر ببلاش

كيا برايد سيدان مو 98

واسعة من جوا

صغيرة في الحجم تعرف ابعادها بسرعة

عالية مش بتحك في المطبات

استهلاك بنزين روعة وكمان هي 1300 سي سي موفرة

تكيف وباور كويسين

عيوب / قطع غيار متوافرة ولكن غير معمرة
غير ثابته نهائيا بعد ال 120 بتبقي ريشه في الهوا
العفشة دائمة الاعطال ولكن شغالة مع الاهمال بتاعي

وفي الاخر ربنا يحفظني من شرها ويديني خيرها

لادا 2107 موديل 2003 مكيفه
العيوب
1- التكييف ولا ليه اى لازمه
2- خشنه جدا ومحتاجة مصارع يسوقها
3- دريكسيون تقيل جدا ومجهد
4- صوت موتور عالي
5- شكل قديم كأنك راكب موديل 80
6- الناس بتفكرها تاكسي للاسف حتي لو محافظ عليها
7 - تقفيل الابواب سئ جدا وبيدخلها تراب حتي لو لسه زيرو
8 - بتسخن
9- اخرها في السرعه 160 لو زيرو
10- عربيه مشاوير وشغل مش ترفيه خالص
11 - حرام كفايه كده لاحسن اللى راكبها يتعقد
----------
المميزات
1- بتشيل بني ادمين وتشيل اوضه نوم علي الشبكه وتمشي وتسافر بيها عادي جدا
2- ادخلي في عمود نور ولا يهمك ((حديد فعلا))
3- ثبات جيد
4 - موفره في البنزين بالنسبه لحجمها
5- عاليه متفرقش معاك اى مطبات
6- قطع غيار متوفره جدا ورخبصه والواد بليه بيفهم فيها
7- لو عطلت منك ممكن تشتغل فيها بايديك ومليون واحد يعرف فيها ودي ميزة كويسه علي السريع
8- اعاده بيع ممتازة
شكرا