الموضوع: بما يشبه المعجزة فولت بنزين النهاردة فى طنطا فى زمن قياسى

المشاركة الأصلية كتبت بواسطة aldesha989

الله يكرمك ياعم الحج بتقعدو كلكم تقولو شارع البحر شارع البحر

ومافيهوش خرطوم مايه واحد مش بحر ههههههههههههههههههههههههه

حبيبى ياعم الحج الف مبروك على التفويله وعقبال اخواتك الغلابه هههههههههههههههههههههه

هههههههههههه
الله يبارك فيك ياباشا
عقبالك

بالنسبة لشارع البحر رسميا أسمه شارع الجيش
وديه معلومات عنه

أحد أكبر شوارع طنطا وهو شارع البحر يصعب أن تجد أحد الطنطاوية لا يعرف شارع البحر الذى يعتبر عصب مدينة طنطا وأكبر شوارعها حيث يضم عدد كبير من المصالح الحكومية والمعارض والمستشفيات بالإضافة الى عدد كبير من مقار الشركات ومراكز خدمة العملاء والمولات التجارية به , يمتد شارع البحر من أول شارع الجلاء أمام برج الأوقاف الجديد وحتى ستاد طنطا الرياضى مرورا بكوبرى طنطا العلوى الذى يمر فوق طريق القاهرة الإسكندرية الزراعى ويوجد بشارع البحر مقر جامعة طنطا وديوان عام محافظة الغربية و نادى طنطا الرياضى و كلية التربية كما توجد مستشفيات الرمد والتأمين الصحى الجديد ومستشفيات الجامعة وأم القرى كما يوجد عدد كبير من البنوك التى تتمركز فى شارع البحر كبنك مصر والبنك الأهلى المصرى و بنك كريدى أجريكول وبنك القاهرة والبنك التجارى والبنك العربى الإفريقى وبنك أبو ظبى الوطنى بجانب عدد كبير من المطاعم الشهيرة التى تحدثنا عنها فى موضوع منفصل بموقعنا نيو طنطا كمطعم كنتاكى و بيتزا هت و كوك دور ولهاليبو وعز كما يوجد عدد من المولات التجارية كالدلتا سيتى مول والصفوة بلازا مول بجانب عدد من المولات تحت الإنشاء كما يوجد مقر المصرية للإتصالات ومراكز خدمة عملاء موبينيل وفودافون وإتصالات وتوكيلات خدمة العملاء والصيانة راية وموبايل شوب وسمى شارع البحر بهذا الإسم نسبة إلى مجرى ملاحى كان يمر به قديماُ الذى ردم فيما بعد ليصبح شارع البحر بشكله الذى علية حالياٌ كما كان به عدد من القصور التى مازال بعضها موجود حتى الأن فكان مقراُ لأعيان مدينة طنطا فالحدائق التى تتوسط شارع البحر فى الوقت الحالى كانت عبارة عن مجرى ملاحى ومن هنا جائت التسمية وفى الوقت الحالى أطلق على شارع البحر اسم شارع الجيش ولكن مازلنا نستخدم التسمية القديمة حتى الأن .

صور لشارع البحر
فى الوقت الحالى

صورة شارع البحر قديما

ويظهر بتلك الصورة بوضوح شارع البحر والمجرى الملاحى وبه إحدى صنادل النقل التى كانت تستخدم لنقل البضائع

المشاركة الأصلية كتبت بواسطة aldesha989

كنت عندكم ياريس الشهر اللى فات مع جماعه صحابى من السعوديه :10d5c8w1107: :10d5c8w1107:
ولفينا طنطا كلها فى يوم على رجلينا :d

أتارى الدنيا كانت منورة الشهر اللى فات ومكنش فيه تخفيف احمال
ههههههههههه
أكيد زحمة طنطا ارحم من اسكندرية دلوقتى مليون مرة

المشاركة الأصلية كتبت بواسطة aldesha989

ههههههههههههههههههههههههه
دى منوره بيك ياريس

اه طبعآ اسكندريه دلوقتى صبح وليل زحمه جدآ ولسه فى رمضان ما تعرفش تنزل تروح مشوار بالساهل لو ما طلعش عينك فى مشوار يبقى انتا ما نزلتش ربنا يعدى الصيف ده على خير

المشكلة مش فى الزحمة ... المشكلة فى الفوضى وقطع الطرق وأزمات الوقود والإنفلات الأمنى والأخلاقى والعك اللى بقينا عايشين فيه من ساعة ما قامت الثورة المجيدة
اسكندرية طول عمرها زحمة فى الصيف بس كانت جميلة ومنظمة والدنيا ماشية ... دلوقتى بقت كابوس
ربنا يعديها على خير