هل تعتقدون ان سعر اللانسرex (الشارك) مبالغ فيه؟

**tote_ide** · 16-09-2008 01:49 PM

بص يا أستاذ حماده انا قبل ما اشتريت العربية سألت وقارنت وجربت وعملت كل حاجةن عشان مكنش متسرع ولقيت ان اللانسر اكتر عربية مناسبة
كفاية انك تقدر تعمل كل حاجة فى التوكيل ومتدفعش فلوس كتير دا غير عربيات تانية زى الهوندا و المازدا والجيتا مثلا
وبعدين دى يابانى مش زى الجيتا تقفيل برازيلى انا عارف ان مضمونها المانى ودى حاجى لا غبار عليها

**sarhan_game** · 16-09-2008 02:36 PM

لأ. سعرها مظبوط وهى تستحقه وجودتها وتصميمها يؤهلوها لهذا السعر أنا سقتها أمبارح عربيه فى مستوى mazda 3من حيث الأداء والكفائه لو ركبت الأتنين صعب أوى تفرق ما بينهم يعنى دلوقتى اللى عايز يركب mazda 3 و خايف من التوكيل يركب لانسر ex وهو مطمن و بالنسبه صوت المتور الناس بتقول عالى بس من جوه حقيقى ممتع و شعور بالقوه و هو قريب من صوت mazda3 أعلى حاجه بسيطه عربيه 10/10 وده رأى

**abo samra** · 16-09-2008 10:21 PM

تويوتا ايه اللى بتتقلب على 130 انا واثق انك بتتكلم على القديمه مش الجديده وواثق 100% انك ما جربتش التويوتا الجديده اللى مافيش وجه مقارنه بينها وبين اللانسر فى اى شىء حتى موتورها جنب الكورولا الجديده بطه

**limo** · 17-09-2008 02:37 AM

الفرق تقريبا بين الانسر الجديده والانسر القديمه حوالى 25 او 27 الف جنيه
انا شوفت دى وشوفت دى
-طبعا الجديده افخم من بره ومن جوه
-الجديده اكبر ووزنها اثقل من القديمه
-الجديده العدادات بتعاتها جميله جدا بس فى حاجه انا ملاحظها وهى منظقه مفاتيح التكيف تحس انها ناقصه حاجه (شكلها مش حلو اوى )
-الجديده الباور بتاعها كهرباء
-خامات التففيل الداخلى مفيش فرق تقريبا بينها وبين البوما خامات الفرش هيه هيه
-الجديده اعرض والكنبه اوسع شويه
-العربيات الى شوفتها فى الشارع حسيت ان سحبها مش جامد على السرعات البطيئه بس متورها ليه نعمه مختلفه عن البوما عامل زى الكورولا كده
-فى النهايه انا شايف ان سعرها عالى شويه كانت المفروض تكون اغلى من البوما بحوالى 15 الف جنيه بالنسبه لاول فئه
-فى راى الكورولا الخليجى احسن منها فى الفئات الاولى
بس فى نقطه ان الى بركب عربيه متسوبيشى بيشيل هم حاجات كتير .منها الصيانه وقطع الغيار واعاده البيع فى المستقبل وفى نفس الوقت بيركب عربيه شيك واداءها معقول وبدون مشاكل وثبات رائع
يعنى زى ما تقدر تقول ان العربيات الانسر واخده كتير اوى من وش القفص :)

**medo1970** · 17-09-2008 03:13 PM

اعتقد فى عوامل كثير بتؤئر على سعر السياره من ضمنها عوامل الآمان فى السياره مثل نقط الإنهيار فى حالة التصادم وعوامل حماية الركاب كل هذا يؤثر فى سعرها وأعتقد ان ميتسوبيشى لانسر حاصله على درجات عاليه فى الآمان ولهذا تجد ان سعرها أعلى من مثيلاتها فى سعة الموتور هذا والله أعلم

**حماده المصري** · 18-09-2008 01:26 PM

العربيه برا سعرها لل 1500 في حدود 45 الف ريال مع كماليات اعلى بكتير من هنا منها 7 ايرباج على ما اعتقد اما البومه دي زيرو و 2000 سي سي برخص التراب

واحنا هنا سعر البوما يزيد اكتر من 5 الف جنيه والعربيه بتقدم

ده نصب رسمي

هيا فعلا شغلها رخيص في التوكيل ودي نقطه في صالحها

بس انا بتكلم بمقارنه عربيه قصاد عربيه لانسر قصاد المازدا قصاد الكرولا قصاد السيفيك

وارجع واقول اقلهم جوده واعلاهم سعر

**Ramy.Gamal** · 18-09-2008 01:55 PM

المشاركة الأصلية كتبت بواسطة حماده المصري

2000 سي سي برخص التراب

2000 سى سى ايه اللى برخص التراب . ده اللانسر 2000 Gt ب 85 الف ريال قطرى يعنى اغلى من الجالانت والكامرى وعامله سمعه جامده جدا وبيقولوا ان ده اول عربيه متسوبيشى تعمل السمعه ده هناك

**حماده المصري** · 18-09-2008 03:21 PM

2008 2000 سي سي في الامارات ب 55 الف وارخص من السيفيك و الكرولا من 5 ل 10 الف

الكامري سعرها بيبيدا من 75 تقريبا

وفي السعوديه نفس الكلام تقريبا

انت وش العربيه الي بتتكلم عنها دي يا اما مبالغ في سعرها يا اما دي فئه تانيه ممكن تكون فئه رالي

والجالات سعرها غالي وانشاء اللواجيبلك الاسعار بالضبط

**Ramy.Gamal** · 19-09-2008 03:55 AM

انا متأكد من ان سعرها فى قطر 85000 ريال وفى البحرين سعرها 7300 دينار يعنى 73000 ريال او درهم

**nobody** · 19-09-2008 11:51 AM

بص من الآخر
عربيات ميتسوبيشي ما لهاش غير ميزة واحدة فقط إنها أرخص الياباني
أما بهذه الأسعار فلتذهب ميتسوبيشي إلى الجحيم
ايه اللي يخليني أركب ميتسوبيشي بتمن هوندا ولا تويوتا؟؟؟؟