هل تعتقدون ان سعر اللانسرex (الشارك) مبالغ فيه؟

**kholio** · 20-09-2008 07:24 AM

انا عندي اللانسر شارك سبورت وفعلا برقبة الاوكتافيا والجيتا والكورولا والمازدا و زيها زي السيفيك بل احسن بكمالياتها وفخامتها وشكلها من السيفيك ودي اذواق وفي رايي ان دي احسن عربية في فئتها وتستاهل كل مليم ادفع فيها ولو رجع بيا الزمن عمري ما هندم اني اشتريت اللانسر ابدا لانها احسن عربية في كل العربيات دي و ده عن تجربة

**youssefmustang** · 20-09-2008 11:38 AM

يا باشا الكلام ده مع الهوندا لان من ساعات ما عملو هوندا وهى ما سكة سعرها حتى المستعمل بتاعو ماسك نفسو فى السعر
اما اللانسر حرام ادفع 155000 فيها لان فى جولف فى حاجات تانية كتييييييييير اوى

**Ramy.Gamal** · 21-09-2008 12:28 AM

المشاركة الأصلية كتبت بواسطة nobody

بص من الآخر
عربيات ميتسوبيشي ما لهاش غير ميزة واحدة فقط إنها أرخص الياباني
أما بهذه الأسعار فلتذهب ميتسوبيشي إلى الجحيم
ايه اللي يخليني أركب ميتسوبيشي بتمن هوندا ولا تويوتا؟؟؟؟

اللى يخليك تركب متسوبيشى بأسعار عاليه ان التويوتا مش صناعه يابانى و الهوندا نازله بالكماليات الاساسيه فقط

**kholio** · 21-09-2008 10:59 AM

انا مش فاهم يعني ايه اللانسر ارخص الياباني العربية بكمالياتهاوكفائتها وجودة تصنيعها وبعدين ماركة ميتسوبيشي من احسن الماركات اليابانية وعمرها ما تقل عن التويوتا او الهوندا وبعدين الميتسوبيشي لها تاريخ مشرف جدا جدا خاصة في موديل اللانسر

**abo samra** · 22-09-2008 03:01 AM

استاذ kholio
حضرتك زكرت السيارة برقبة الكورولا والسيفيك والجيتا والاوكتافيا
لو حضرتك قلت ان اللانسر افضل من الكورولا والسيفيك كنا هنبدا نقول وجهات نظرنا ليه اللانسر لم تصل لمستوى الكورولا او السيفيك
ولكن حضرتك تدخل الجيتا والاوكتافيا كمان واللانسر برقبتهم ....ده غير مظبوط اطلاقا
برجه عام معروف ان قمة اليابانى فى الفئه دى هو السيفيك والكورولا

**medo1970** · 22-09-2008 09:17 PM

بعد تجربتى مع السياره لانسر شارك أقول وبكل فخر هى من أفضل السيارات الموجوده حالياً فى السوق المصرى بالنسبه لفئتها

**kholio** · 23-09-2008 03:36 AM

عموما اللانسر تقارن بكل العربيات دي من اول الجيتا والاوكتافيا لغاية السيفيك والكورولا و احسن ما في اللانسر انها اعلى اوبشن مع جودة تصنيع ممتازة واقل سعر في كل العربيات دي مع الاوبشن العالي اللي فيها يعني انت لة هتقارنها بالاوكتافيا اللي نفس كمالياتها هتلاقي الفرق حوالي 30 الف جنيه و مع احترامي للاوكتافيا و الجيتا قوة مواتيرهم والهورس بور بتاعهم مش على مستوي سعرهم خالص يعني مينفعش عربيات بالحجم ده تكون مواتيرها ضعيفة كدة ومش نشيطة بالمرة في التسارع

**abo samra** · 23-09-2008 07:19 AM

على فكره حضرتك من خلال سؤال احد اصدقائى الذى امتلك اللانسر الجديده قالى انها مش بتذيد عن 192 كم وعندى فكره مسبقه ان الجيتا بتوصل لحوالى 197 كم دا معناه الجيتا والاوكتافيا اسرع على السرعات العاليه
وعلى فكره ما تتوقعش حضرتك ان اللانسر الجديده سريعه قوى كدا تسارعها عادى ومش ملفت للانتباه نهائيا

**amr fahmy** · 24-09-2008 05:36 AM

يا جماعة انا شايف ان السيارات اليابانية و الامريكية هى السيارات المناسبة فقط للاجواء المصرية حاليا لاننا اصبحنا مثل دول الخليج , اما بالنسبة للانسر فهى بشهادة انتشارها فى الشوارع المصرية بكافة موديلادتها فهى سيارة جيدة جدا و اعتمادية بدرجة كبيرة, اما بالنسبة لاسعار الموديل الجديد فهو غالى نسبيا , و لكن سعر البوما مناسب و مازالت موجودة, اما بالنسبة لمقولة ان الميتسوبيشى هى اقل اليابانى فهذا كلام ليس صحيح لان هناك السوزوكى و الديهاتسو و انا ارى النيسان ايضا..........

**حماده المصري** · 24-09-2008 07:30 AM

سعر البوما مناسب ايه بس دي غليت 10 الف جنيه

ازاي يعني عربيه كانت سبورت ب 110 تبقى 120 بعديها بسنه

والناس الي بتقول جوده تصنيع وتقفيل

اركبوا السيفيك والجيتا وبعدين تعرفوا فرق الخامات وعزل الكابينه عن العفشه واصواتها وعن الطريق