اقتباس المشاركة الأصلية كتبت بواسطة sam4ever2010 مشاهدة المشاركة
لا شرب البنزين ده كان فى العربية الريتمو بتاعت ابويا فكرتنى بالايام السودا دى كنت بشرب بنزين لما بقول ياليل وبعديها كنت بولع سيجارة كنت بحسن ان صدرى بيطلع نار وفى الأخر البطارية تنام والعربية ماتدورش فى الاخر وساعتها لازم تعمل حاجة من الاتنين : يا اما تزق العربية وترميها وطبعا هيطلع عينك على ماتلاقى حد كمان يزق معاك يا اما تركنها وتقفلها وتتف عليها وعلى ميتين ابوها وتقولها يالا يابنت الكلب مش راكبك وترزع الباب وتمشى
بس على فكرة حلك احسن حاجة هاتلك بطارية جافة احسن من السايلة دى بجد مريحة جداً ماشاء الله ... وتركن العربية براحتك بالاسبوع وانزل اركبها ودور هتدور على طول معاك بس تكارك بنزين شوية فى الاول وبس .... بأمانه عن تجربة الجافة تضرب السايلة بالجزمة ... بطارية العربية الريتمو سايلة مكملتش 3 شهور وجابت ربع وبشرط ممشيتش بيها كتير يعنى ممكن تجيب بطاريتين فى السنة ب 440 جنيه طيب ما بدل كده تجيب واحدة جافة بتبدأ من 350 لحد 650 او 700 تقريبا اللى هيه فارتا دى اعلى حاجة فى حاجة سعودى نظيفة اسمها اي سى ديلكو عاملة تقريبا 450 متهيألى وفى كلوريدا كانت ب 380 فى انواع كتير .... اهم حاجة الدينامو عندك يكون تمام ومظبوط 100 100 والكهرباء فل عشان متأثرش عالبطارية .... انا بطاريتى الحمد لله كل مابركب العربية وانا طالع البيت اخدها فى ايدى زى شنطتى كده مسبهاش ابداً فى العربية عشان متتسرقش وبعدين اللى يفرط فى بطاريته ممكن يفرط فى ساعته فااااا ماينفعش
ههههههههههههه اللي يفرط في بطريته ههههههههههه انا بصراحة مجرب الجافة مرتين ورا بعض في الشاهين كانت ممتازة فعلا ولا تروح تبص علي مية ولا بتاع بس ديه بقي جايبها في العربية وعايزة تترمي وان شاء الله عايز اجيب واحدة جافة انا عمري ما ادفع فلوس في السايلة ديه ديه زبالة ياراجل بس المشكلة اني عندي مشكلة في الخراطيم تقريبا بتاعت البنزين من التنك للكربراتير عشان البنزين بيرجع وبياخد فترة علي ما يتجمع تاني فبتكون البطارية نامت