السلام عليكم..اولا احب اقول كل عام وانتم بخير ورمضان كريم .. انا كنت واعد بتقديم تقرير عن عربيتي الشارك بعد صيانه الالف واتأخرت بس لاني عملت صيانه الالف وسافرت في اليوم الي وراها علطوول..المهم مطولش عليكم ده صور مبدأيه لعربيتي وطبعا فيها لمسات من تصميمي .. واحب اعرف رأيكم بصراحه
انا كنت ظابط ميعاد الصيانه وانا ضماني على هاي تريد انا وصلت هناك وكنت عامل 1000 كيلو بالظبط :)
مواصفات العربيه :
شارك كويتي فل سبورت
جنوط
6 cd changer
سماعه Sub punch ورا في الشنطه
مفتاح بلوتوث
water sensor
light sensor
كمبيوتر رحلات
زينون عالي وواطي ومتحرك
غطاء محرك مايفك
تكيف تاتش
فتحه سقف
فرامل ABS+EBD
العربيه خليجي كويتي بيقولوا انها اعلى مواصفات واخدها من شركه هيفين
قبل الالف كيلو العربيه تمام الحمدلله ثبات فخامه راحه حسيت انها BMW بالنسبه للبومه مع اني كنت شايف سعرها غالي بس لما ركبتها حسيت بالفرق وانها كاتيجوري تاني غير البومه وانها تستاهل سعرها
مميزات العربيه:
الثبات
الشكل الرياضي الممتاز وليها حضور ملفت
التسارع ممتاز وخصوووووصا بعد صيانه ال 1000 كيلو
الكيك داون تحفه بجد بس ليه عيب
الباور رائع
النعومه تماااااااااااام اوي
مرتفعه عن الارض ومش بتحك في جبال مصر (المطبات)
استهلاك البنزين 9 لتر لكل 100 كيلو والتكييف شغال
العزل تمام لما اقفل الزجاج واشغل التكييف

عيوبها:
الكيك داون بيتأخر بس بالرغم من كده ممتاز
صوت المحرك عالي على السرعات الواطيه وبيقل على السرعات العاليه
ابعادها صعب تتحفظ وده تقريبا عيب فيا انا :(

لصيانه كانت عباره عن التالي:
تغيير الزيت بزيت شل وارد الكويت 10000 كيلو
تغير فلتر زيت
تربيط العفشه وده فرق جدا جدا في نعومه العربيه
تنضيف فلتر التكيف وده فرق جدا في بروده واداء التكيف
وتزويد سوايل العربيه (مايه زرقاا )

بصراحه العربيه اتغيرت 180 درجه بعد صيانه الالف حسيت بقيمتها اكتر وبجد بسم الله ما شاء الله عربيه تمام وانصح الي مجربهاش انه يجربها قيادتها ممتعه جدا جدا جدا
وتستااهل سعرها
المهم انا سافرت بعد الصيانه وكانت اول تجربه للشد بعد التليين
على طريق مارينا العلمين من التسارع حسبته من 20 ل 100 في 7 ثواني
ابطئ تسارع كان من 160 ل 180 طول شويه ومزودتش عن كده بس بسم الله ما شاء الله العربيه كانت 187 وكانت ثابته جدا والغرز بتتاخد بيها بكل سهوله وثبات
جربت اخد لفه على 140 كانت تمام محستش بحاجه الحمدلله .. ووصلت من مارينا 3 ل القاهره في ساعه و 35 دقيقه بالظبط وده انجاز ليا طلعت من هناك 9 وصلت 10.34 بالظبط
في النهايه احب اقول ان الانسر الرياضيه تحفه متسوبيشي الجديده وعربيه قويه من شركه قويه وبجد تمنها فيها وتستاااهل.. وارجو ابداء رأيكم في لمساتي الي ضايفها على العربيه..ويارب يكون عجبكم الموضوووع...وانا موجود لأاي استفسار...اسيبكم مع الصور وارجو التقييم والرد
http://img225.imagevenue.com/img.php...122_478lo.jpg][/URL]
[http://img196.imagevenue.com/img.php?image=84746_DSC00044_122_579lo.jpg][/URL]
[http://img249.imagevenue.com/img.php...122_571lo.jpg][IMG]

[http://img16.imagevenue.com/img.php?image=84917_26082008548_122_791lo.jpg][/URL]

ســــــــــــــــــــــــ ـــــــــــــــــــلام..