كيلومتر السوبارو

**mohammed dodda** · 02-07-2013 12:53 AM

أنا شايف ملاحظة غريبة مش عارف انا صح فيها ولا غلط : ليه معظم العربيات السوبارو فى السوق وبالاخص الامبريزا عاملة كيلومتر عالى جدا بالنسبة لموديلها ؟؟ يعنى بشوف 2006 و 2007 ومعدية ال200 الف كيلو !! و2008 و 2009 ومعدية ال150 الف كيلو وكمان 2012 وجايبة ال60 الف كيلو !! هيه العربيات دى بتشتغل ليموزين ولا ايه يارجالة؟؟ اشمعنى السوبارو بقى ولا انا غلط ؟؟

**eslamsubaru** · 02-07-2013 12:57 AM

مش غريبة و لا حاجة ,, بالعكس انا كل اللى أعرفهم معاهم سوبارو عاملين عدد كيلومترات قليل ..
و عموما السوبارو مريحة جدا فالسفر فغالبا اصحاب عدد الكيلوميترات الكثيرة هتلاقيهم بيسافروا كتير و ده دليل على اعتمادية العربية ..
و السوبارو فعلا منتشرة فى شركات السياحة و ذلك لاعتماديتها .. بس مش اللى بتلاقيه بيتباع بيكون بتاع شركات السياحة .

**mohammed dodda** · 02-07-2013 01:39 AM

المشاركة الأصلية كتبت بواسطة eslamsubaru

مش غريبة و لا حاجة ,, بالعكس انا كل اللى أعرفهم معاهم سوبارو عاملين عدد كيلومترات قليل ..
و عموما السوبارو مريحة جدا فالسفر فغالبا اصحاب عدد الكيلوميترات الكثيرة هتلاقيهم بيسافروا كتير و ده دليل على اعتمادية العربية ..
و السوبارو فعلا منتشرة فى شركات السياحة و ذلك لاعتماديتها .. بس مش اللى بتلاقيه بيتباع بيكون بتاع شركات السياحة .

....فعلا أنا بعتبر الكيلومتر العالى ده فى وقت قصير دليل كبير على الاعتمادية ومشوفتش الموضوع ده فى موديلات حديثة كتير سوى الفلوانس مثلا وطبعا الكورولا واللانسر واشكرك على الرد بس هوه شئ ملحوظ فعلا للعربية الامبريزا...بالمناسبة انا متابع مشاركتكم فى القسم مع انها قليلة وكنت عايز استفسر عن معنى مصطلحات زى WRX ,Sti ياريت لو حضرتك توضحها بصورة مبسطة ؟ وهل كل موديلات الامبريزا دفع رباعى وازاى نميز بين الموديلات فى المستعمل فى نظام الدفع وأشكرك مقدما

**eslamsubaru** · 02-07-2013 10:14 AM

العفو يا محمد :
السوبارو اللى بتنزل مصر كلها دفع رباعى من أول موديلات 2003 .
المواتير اللى بتنزل مصر : اسم الموديل ts
من موديل 2003 الى 2007 : 1600 سى سى 95 حصان
من موديل 2008 الى 2011 : 1500 سى سى 107 حصان
من موديل 2012 : 1600 سى سى 114 حصان تقريبا

الموديلات الرياضية من الامبريزا هى wrx أو sti : بس دى مبتنزلش مصر الا بالطلب أو بتحول الموديل اللى معاك ليها و الموضوع مش صعب لأن الميزة ان الموديلات اللى بتنزل مصر الشاسيه بتاعها نفس شاسيه الرياضى.

أولا موديل : Wrx
ده من 2002 الى 2007 : 2000 سى سى تربو 225 حصان
من 2008 الى 2012 : 2000 سى سى تربو 265 حصان

ثانيا موديل sti :
ده من 2002 الى 2007 : 2000 سى سى تربو 275 حصان
من 2008 الى 2012 : 2500 سى سى تربو 300 حصان

اخر الأخبار أن موديل ال wrx انفصل فى خط الانتاج عن موديل الامبريزا و هيكون خط انتاج الواحده فممكن ينزل بشكل مختلف عن الامبريزا

**mohammed dodda** · 02-07-2013 07:33 PM

المشاركة الأصلية كتبت بواسطة eslamsubaru

العفو يا محمد :
السوبارو اللى بتنزل مصر كلها دفع رباعى من أول موديلات 2003 .
المواتير اللى بتنزل مصر : اسم الموديل ts
من موديل 2003 الى 2007 : 1600 سى سى 95 حصان
من موديل 2008 الى 2011 : 1500 سى سى 107 حصان
من موديل 2012 : 1600 سى سى 114 حصان تقريبا

الموديلات الرياضية من الامبريزا هى wrx أو sti : بس دى مبتنزلش مصر الا بالطلب أو بتحول الموديل اللى معاك ليها و الموضوع مش صعب لأن الميزة ان الموديلات اللى بتنزل مصر الشاسيه بتاعها نفس شاسيه الرياضى.

أولا موديل : Wrx
ده من 2002 الى 2007 : 2000 سى سى تربو 225 حصان
من 2008 الى 2012 : 2000 سى سى تربو 265 حصان

ثانيا موديل sti :
ده من 2002 الى 2007 : 2000 سى سى تربو 275 حصان
من 2008 الى 2012 : 2500 سى سى تربو 300 حصان

اخر الأخبار أن موديل ال wrx انفصل فى خط الانتاج عن موديل الامبريزا و هيكون خط انتاج الواحده فممكن ينزل بشكل مختلف عن الامبريزا

.....شرح مفصل وواضح وجزاك الله خيرا...بس استفسار بسيط بخصوص الموديلات الرياضية: هل اختلافها عن العادية فى المكنة بس ولا فيه برضه فروق فى الفتيس والعفشة زى البى ام؟؟ وبالنسبة للموديلات العادية من 2007 بتنزل مانيوال واوتو؟ والاوتو بتاعها نوعه ايه؟؟وأنا سمعت ان فيه منها دفع امامى فقط فهل ده صحيح؟ ولك جزيل الشكر

**eslamsubaru** · 02-07-2013 11:02 PM

المشاركة الأصلية كتبت بواسطة mohammed dodda

.....شرح مفصل وواضح وجزاك الله خيرا...بس استفسار بسيط بخصوص الموديلات الرياضية: هل اختلافها عن العادية فى المكنة بس ولا فيه برضه فروق فى الفتيس والعفشة زى البى ام؟؟ وبالنسبة للموديلات العادية من 2007 بتنزل مانيوال واوتو؟ والاوتو بتاعها نوعه ايه؟؟وأنا سمعت ان فيه منها دفع امامى فقط فهل ده صحيح؟ ولك جزيل الشكر

الشئ المشترك بين الموديلات بتاعتنا و الموديل الرياضى هو الشاسيه فقط .. غير ذلك يتم استبداله .. لكن بطريقة سهلة و غير معقدة كأنك بتفك و تركب حاجة مكان حاجة ...

موضوع الدفع الأمامى ده غير موجود . جميع موديلات سوبارو دفع رباعى .. الأوتوماتيك فيه فيوز فى علبة الموتور بيتم فصله لتحويل السيارة للدفع الأمامى لكن وقت الصيانة فقط و ليس للقيادة به ..

الأوتو : موديلات 2005-2007 : الأوتوماتيك العادى اللى فى كل العربيات مع نظام السبورت
الموديلات من 2008 الى 2011 : فيه الأوتو و فيه الاستيبترونيك افتكر كده
موديلات من 2012 : الأوتوماتيك بقى بنظام ال cvt و ده نظام بيخليك متحسش أن العربية بتنقل نقلات خالص و استجابته سريعة

**khalid_adel** · 06-08-2013 02:23 AM

فعلا السوبارو العربيه الوحيده اللي كانت بتحببني في السفر
انا كنت كل اسبوع في الصيف اطلع بيها يااسكندريه يا ساحل يا عين سخنه وكذا مره كنت اطلع صد رد اقضي يوم وارجع بليل
العربيه الوحيده اللي كنت اسافر بيها محسش بتعب بالعكس كنت بستمتع بالسفر جدا جدا جدا