الموضوع: لينيا أم تيدا سيدان

المشاركة الأصلية كتبت بواسطة tutankhamoun

رغم عشقي لماركة فيات الإيطالية العريقة
و رغم جمال اللينيا الأخاذ ...........
و رغم أن اللينيا هي السيدان للسيارة الجميلة جراند بونتو

و لكن
المحرك ضعيف و لكنه موفر في البنزين
و لكن محرك اللينيا ال 1400 ليس اقوى من محرك النيسان تيدا بأي حال من الأحوال و لا عزمه أعلى بأي حال من الأحوال

محرك اللينيا الموجود في مصر
1400 سم مكعب ......... عزم 115 نيوتن / م عند 3000 لفة و القوة الحصانية هي 76 حصان عند 6000 لفة و المحرك يتكون من 8 صباب فقط و ليس 16
أي أنه محرك متوسط القوة و لكنه ضعيف لوزن هذه السيارة و كمان وزن السيارة ليس خفيف
وزن السيارة هو 1170 كجم أي أنه مقارب جدا للجين2 مثلا اللي احنا بنقول عليها تقيلة
يبقى المحرك ده صالح أكتر للمدن و توفير البنزين و السفر الخفيف
و مينفعش في الشد و الجري و التحميل
هايبقى عادي ......... و على فكرة أنا متفق مع الباشمهندس فادي في نقطة أن عمره طويل .......... محركات فيات مصنوعة بطريقة معينة علشان تشتغل بطريقة خفيفة و آمنة و على سرعات ضعيفة بس كل ده على حساب القوة اللي ضايعة بصراحة ( برغم عشقي لفيات )

بالإضافة إن ثمن العربية بالمحرك ده ........ مبالغ فيه قوي
أنا عارف أن الأسعار الخاصة بالسيارات الأوروبية مرتفعة شوية بسبب الأجور و الأيدي العاملة و الضرائب
بس ده ما يمنعش إن فيه عربيات تانية بسعر منافس زي التيدا مثلا و بموتور أقوى

و أنا هنا برشح التيدا بقلب جامد رغم عشقي للفيات عموما

أتكل على الله و هات تيدا
ثمنها فيها و مش غالية على الفاضي و خصوصا أن جودتها رائعة

أستاذ توت أهلا بيك, بجد واحشنى,
هعلق بس تعليق بسيط على كلامك,
بالنسبة للتيدا, فأنا مش عارف أنهى محرك اللى متوفر فى مصر, بس هنقول ال1500:
بيولد عزم 148 نيوتن عند 4400 لفة/دقيقة و قوة حصانية 109 حصان عند 6000 لفة/دقيقة,
العزم بيتولد عند سرعة مرتفعة جدا و ده اللى هيخليك مش هتحس بقوة المحرك عند القيادة, و هتضطر دائما الى رفع عدد دورات المحرك للشعور ببعض القوة,
عشان نوضح الفرق بس, المحركات ذات العزم المرتفع (على سرعة منخفضة) (محرك اللينيا) بتديك قدرات أفضل للتحميل و مرونة أكبر على كل السرعات و خاصة فى المدينة,
العكس محرك التيدا هيديك أداء ضعيف و غير ممتع على السرعات المنخفضة, و لن تشعر بقوته الا عند ال"شد" و ال"قرص" فقط, كما سوف يصل بالسيارة الى سرعات قصوى أعلى.
يعنى لن تشعر بالفرق الا فى حالة القيادة القصوى فقط, و القيادة القصوى تعنى هى الضغط على دواسة الوقود الى نهاية الشوط, و الوصول بالمحرك الى أعلى السرعات المسموح بها عند كل غيار (Red Zone), و طبعا محدش بيسوق كده!!
و لازم نتذكر أنو قدرات السيارة الرياضية لا تقاس بقدرتها على الوصول الى سرعة معينة, بل بقدرتها على تحمل تلك السرعة.
لو مكانك أنا هشترى اللينيا و أنا مطمئن تماما, و كفاية الاسم و الأمان و المتانة و الثبات.

التيدا .... قوة ..... رساوة .... مساحة أكبر ...... نعومة ..... هدوء.... ياباني

التيدا عربيه بتكلم عن نفسها اركبه مره وهتعرف قصدى ايه

اتوكل على الله وهات تيدا

تيدا طبعا و اكيد