الموضوع: عوامة البنزين نفختنى

شوف الكتالوج
غابا بيتغير كل 40 ألف كيلو

بص حضرتك انت ممكن تعرف الفلتر كويس ولا لأ ... بس أنصحك تمشى على الكتالوج وتغير بالفلتر الأصلى وبس

تفك الفلتر الفلتر ليه مخرجين داخل وخارج لو فكيته بيبقى مليان بنزين من جوا خليه يفضى البنزين من الناحية الخارجة وشوف لو البنزين لونه غامق أو مشوب كدا غير الفلتر فورا

لو خليته ينزل بقى من الناحية التانية اللى هى الداخل هتلاقى طين نازل مع كتر الاستعمال بقى وتراكم الشوائب

بس انت ركز مع الخارج لأن دا اللى رايح للمسطرة بتاع الرشاشات

المشاركة الأصلية كتبت بواسطة salah_86

السلام عليكم ورحمة الله وبركاتة
كل سنة وانتم طيبين
انهاردة انا رجعت من شغلى من القاهرة وكان عندى كذا مشوار فى شبين ومؤشر البنزين كان على الشرطة الاخيرة بس اللمبة منورتش وانا من يوم ماجبتها زيرو وهيا المؤشر ينزل لحد الشرطة الاخيرة وبعدين بشوية تنور اللمبة
وبعدين امون

ياراجل حرام عليك .. ليه كده بس يابو صلاح .. اللي اعرفه عنك انك بتحافظ على عربيتك
والناس كلها عارفه انه غلط تسيب العربيه لما البنزين يبقى على الجنط كده .. كده بتخلي الشوائب والبلاوي اللي في البنزين تروح على الطرمبه وتعملك مشاكل كتير انت في غنا عنها .. وتخليك ممكن تغير الفلاتر أو الطرمبه بسرعه قبل العمر الافتراضي بتاعها.

الصح انك زي ماناس كتير قالت .. تفول وانت على النص أو ممكن تخليها على الربع مثلا.

وبعدين انت بتقول ان شركه كبيره زي ميتسويبيشي يبقى فيها عيب زي ده .. بس ماتنساش ياباشا ان العربيه خلاص خرجت من الضمان ومعاك أهي من 4 سنين , يعني وارد انك تحتاج تغير أو على الأقل تصلح فيها أي حاجه .

وكمان بخصوص عوامة البنزين .. ساعات بتدي مقياس مش مظبوط وده بيكون راجع انها تكون متحركه من مكانها مثلا بفعل المطبات أو لو ركن على منحدر أو حاجه . ومين عارف ممكن يطلع موضوع التهييس بتاعها ده راجع لأنك بتخلي البنزين في عربيتك ينزل لدرجة الصفر (لو في حد متخصص بقى يرد في الحته دي أنا باقول رأي وبس)

بس برضه انت غلطان في نقطه ... كان المفروض لما لقيت العربيه عملت معاك كده أول حاجه تفكر فيها البنزين .. لأنك بتقول انها كانت على الشرطه الأخيره .. ع الأقل يااخي من باب التجربه (وللأسف انت وقعت مع صنايعيه مابتفهمش لأنهم لو بيفهموا كانوا أول حاجه سألوا عليها ان العربيه فيها بنزين ولا لأ )

ع العموم ياباشا حمد الله على السلامه .. واديك اتعلمت درس

هل الفلتر بيتنضف ؟

اولا فلتر البنزين مبيتنضفش ابسلوتلى لازم تغيرة وعلى فكرة متجيبش الاصلى ابو 650 جند ممكن يكون غلى عن كدا كمان هات اليابانى ابو 150 جند حلو وشغال وقعدة 15 الف بس متزودش عن كدا الاصلى بيقعد 40 الف
ثانيا المؤشر يادراجون كان فوق الشرطة الاخير بملى او اتنين ودا معناه ان العربية فيها بنزين اعرف منين ان العوامة بتهيس خصوصا وانا متبع قواعد السلامة معاها يعنى مبمونش والعربية دايرة ولو بمون مبفولش لحد الزور زى ما هو مكتوب فى الكتالوج

فلتر أيه أبو 650 دا ليه يعنى .... دا فلتر البومة آخره 35 جنيه ... أيه الاستغلال دا !!!!!!!

الفلتر ميتنضفش فعلا

طبعا كلام مش صحيح أنك لازم تفول على نصف ال تانك ومفيش حاجة تقدر تعدى من طرمبة البنزين لأن فيها شبكة والتانك نفسه فيه مصفى قبل ما البنزين يدخل وبعدها فلتر البنزين

حتى عشان نخف الحمل على البنزينات

المشاركة الأصلية كتبت بواسطة salah_86

اولا فلتر البنزين مبيتنضفش ابسلوتلى لازم تغيرة وعلى فكرة متجيبش الاصلى ابو 650 جند ممكن يكون غلى عن كدا كمان هات اليابانى ابو 150 جند حلو وشغال وقعدة 15 الف بس متزودش عن كدا الاصلى بيقعد 40 الف
ثانيا المؤشر يادراجون كان فوق الشرطة الاخير بملى او اتنين ودا معناه ان العربية فيها بنزين اعرف منين ان العوامة بتهيس خصوصا وانا متبع قواعد السلامة معاها يعنى مبمونش والعربية دايرة ولو بمون مبفولش لحد الزور زى ما هو مكتوب فى الكتالوج

اختلف معاك عن تجربه بالقصه التنضيف دي للاسف بقا انا اللي حصل معاي العكس جبت الفلتر الياباني اللي ب 130 جنيه ولما رحت للمكانيكي وهو راجل محترم جدااا وفاهم بيعمل ايه قالي بلاش ترمي فلوسك علارض فك الطرمبه وطلع المصفه اللي باخر الطرمبه نضفها كويس وكان فيها بلاوي وفك الماتور ونضف الجزء اللي بيركب فيه الماتور كويس جداااا وقالي كل 10 الف اعمل القصه دي وماتغير الفلتر لان القصه كلها بالمصفه الصغير ه اللي باخر الطرمبه وهي دي بتاعت الكلام كله وبفضل الله انا لحد انهارده بقالي حوالي سنه الكلام معاي زي الفل ونضفتها مرتين بس لا اكتر ولا اقل وعامل بالعربيه بالسنه دي حوالي 45 الف كيلو فنصيحه اللي عايز يغير برحته واللي مش عايز يدفع فلوس عالفاضي يجرب مش هيخسر حاجه ااااه نسيت اقولك ان الميكانيكي بياخد بالقصه دي 20 جنيه واخر مره 10 جنيه وشاحن نوكيا عشان دي شغلتي