الام 11 اعادو انتاجها

**M I D O** · 19-07-2013 10:55 PM

المشاركة الأصلية كتبت بواسطة survival

واحد صاحبي جابها فى 2010 كانت ب 70 الف و فى 2011 واحد تانى جابها ب 72 الف و تقريبا فى 2012 وصلت ل 74 الف مش متأكد اوى.

فى مشكلة فى الام 11 وهى نقص بعض قطع الغيار زى الباور ستيرنج اللى صاحبي مستنيه من التوكيل من سنة تقريبا مع ان العربية فالضمان و بتتجمع فمصر.
ال ام11 عربية جميلة و كنت على وشك انى اشترى اختها ام12 مستعملة لولا ان ربنا كرمنى باوكتافيا فى نفس اليوم.

مشكلة الام 11 انها مش منتشرة اوي ولو انتشرت هتلاقي قطع غيارها علي الارصفة ومبروك الاوكتافيا وربنا يحفظهالك

**M I D O** · 11-08-2013 12:03 AM

المشاركة الأصلية كتبت بواسطة draboeyad

بيتهيالى ان رينو لوجان 2013 كامله مانوال ب 86.5 الف افضل بمراحل ولا ايه رايك ؟؟؟؟ ليه مش بتفكر فيها ؟؟؟

الرينو لا شكل كويس ولا وسائل امان ولا اسعار قطع غيار ولا اوبشن ولا اي حاجة وتكنولوجيا المحرك قديمة و90 حصان تقريبا متعرفش ازاي 90 علي محرك 1600 سي سي وكمان سعرها دة بدون ضرائب بسبب ان في اتفاقية بين مصر و المغرب الي بتجبهالنا ان مفيش جمارك يعني لو بجمارك 40% كانت هتعدي ال 120 الف بقي وتنافس معا البومة مميزاتها الوحيدة الوسع و الارتفاع عن الارض وبس

**M I D O** · 12-08-2013 03:47 AM

المشاركة الأصلية كتبت بواسطة tarekhassan88

النهارده بالصدفه كنت نازل اشترى حاجه من تحت البيت فلقيت واحد بيركن عربيته الام 11 فى شارعنا فالمهم وقفت لحد ما ركن و سالته العربيه شكلها لسه زيرو فقالى اه لسه جايبها من عشر ايام قلتله ربنا يباركلك فيها انا معايا موديل 2011 وقلتله جايبها بكام قالى ب 82000 جنيه قلتله ايه اللى خلاك تجيبها مع انها مش منتشره قوى و صينى و الكلام اللى الناس بتقوله فقالى ان زمايله فى الشغل كذا واحد جايبنها و عجباهم جدا و عجبته جدا
فشكرته و باركتله و مشيت

الام 11 عربية جميلة بس عيبها الوحيد انها ضيقة من ورا متنفعش واحد عندة اسرة

**M I D O** · 12-08-2013 05:33 AM

المشاركة الأصلية كتبت بواسطة tarekhassan88

اختلف معاك يا ميدو العربيه يعتبر وسعها جيد و من الكنبه كمان واسعه و مش ضيقه زى الفيرنا و اللانوس لانى سافرت بالفيرنا و اللانوس و كان معايا العائله المكونه من 4 افراد غيرى و كان اللى بيقعدوا بالخلف بيتفعصوا طول السفر بس فى الام 11 خرجت كذا مره مع العائله و كلهم اجمعوا ان القاعده مريحه و مش متعبه زى الفيرنا او اللانوس

ياريت فعلا تكون كدة انا للاسف سقتها ونسيت اركب في الكنبة عشان اشوف عاملة ازاي لاني طولي 181 ولو القعدة مريحة ليا هتبقي مريحة لاي حد من اهلي لاني اطول واحد فيهم

**hemaa_82** · 13-08-2013 11:58 AM

السلام عليكم ...

كل العربيات في مصر مبالغ في سعرها .... بس بالنسبة لاسعار السوق الام 11 تستاهل حتي لحد ال 85...

ببساطة شديدة احنا لو قارناها مش هنقارنها ب1500 سيسي يعني لرة المقارنة الافيو واللانوس و الامجراند

تقارنها بفيرنا و لوجان و ابترا و هكذا

الا لو بتقارن فلوس بس يبقي بتتكلم في رينج من 80 الي 85 ... برضه هتلاقيها اعلي متور و اعلي اداء

انما برضه واجب علي توحة انه يعملها ضمان 5 سنين زي غبور علشان ياكل السوق

انما لو قارنا بين امجراند 7 و ام11

دي شيك و دي شيك
الامجراند اوسع اعتقد ... بس الام مش صغيرة
الامجراند 1500 ...الام 11 1600 ...
الامجراند فيها حبة دلع اكتر "حساسات خلفي و طارة ملتي و اير باجز " - انا ضد الاير باجز عامة -
الامجراند ضمان 5 سنين بس لسة في مرحلة اكتشاف الاعطال ... الام 11 ضمان 3 سنين بس معدش ليها خبايا

اكيد قطع غيار الام11 بقت اكتر انتشارا و ارخص بحكم الزمن بس من التعامل مع عربيات غبور برضه قطع غيارها بتبدر السوق في السريع البني

اعتقد ال2 نفس السعر

ال2 صيني .. ال2 توكيلاتهم مش صغيرة

صحيح جيلي عربياتها مش واخدة سمعة كويسة في حين ان شيري حالها احسن بس اعتقد غبور هيعرف يظبط

.....

اختيار صعب .....

بس اعتقد اللي هيحكمة اتجاة المشتري .... لو عيلة و كبيرة و كده اكيد الاوسع الجيلي..

لو شاب و جري و حركات انا مجرب و عارف ان مكنة الاسبيرانزا فحيتة وده بعد 4 سنين معايا اهه...

غير ان طبعا الجنط الاكبر محلي الام11 عن الامجراند غير ان الابواب الخلفي اشيك في الام 11 ..

من الاخر انا نفسي محتار ...
عامة وجود اختيارات كتير في نفس الرينج في الاخر بيصب في مصلحة المشتري ... و ربنا يصلح لنا الحال

**M I D O** · 13-08-2013 03:58 PM

المشاركة الأصلية كتبت بواسطة bassemali

توضيح بسيط ياباشا هيا أوسع وأريح شويه بالذات الكنبه الخلفيه عن الفيرنا والانوس .. لكنها برضه ضيقه .. يعني لو 3 متوسطي الحجم ركبوا ورا مش هيبقوا مرتاحين زي عندي ف ال 516 مثلا .. أو زي الأفيو واللوجان .

طيب يا باشا تقريبا كدة انا اطول واحد عندي في البيت 176 دة لو ركب ورا هيكون متضايق ولا القعدة هتبقي مظبوطة

-

الموضوع: الام 11 اعادو انتاجها

LinkBack

أدوات الموضوع

عرض

-

-

-

-

-

-

المواضيع المتشابهه

هى الماتريكس توقف انتاجها

هى اسبرانزا هاف اوبشن (l.s ) اتوقف انتاجها ؟؟؟

الفيرنا هيتوقف انتاجها

رينو سكالا هل وقف انتاجها

السيارات المعاد انتاجها

الكلمات الدلالية لهذا الموضوع

المفضلات

المفضلات

ضوابط المشاركة